PM મોદી વિરુદ્ધ સોશિયલ મીડિયામાં વિવાદિત પોસ્ટ કરનાર આચાર્ય નુરમોહમ્મદ મલેકની ધરપકડ

વડોદરા : પાદરા તાલુકાના સેજકુવા ગામના વ્હોટ્સએપ ગ્રુપમાં વડાપ્રધાન મોદી વિરોધી એક વિવાદિત પોસ્ટ આવી હતી. આ પોસ્ટ પર વિવાદિત કોમેન્ટ્સ પણ આવી હતી. જેના પગલે સેજાકુવા ગામની પ્રાથમિક શાળામાં ફરજ બજાવતા આચાર્યની સામે પોલીસ ફરિયાદ નોંધાઇ હતી. પોલીસે આચાર્ય નૂરમોહમ્મદ મલેકની ધરપકડ કરીને આગળની કાર્યવાહી હાથ ધરી છે.

વડોદરા જિલ્લાના પાદરા તાલુકાના સેજાકુવા ગામમાં આવેલી જિલ્લા પંચાયત સંચાલિક સરકારી પ્રાથમિક શાળામાં ફરજ બજાવતા આચાર્ય દ્વારા સેજાકુવા ગામમાં આચાર્ય ગ્રુપમાં છેલ્લા ઘણા સમયથી વડાપ્રધઆન મોદી વિરુદ્ધ ટિપ્પણી કરીને વિવાદિત પોસ્ટ મુકીને કોમેન્ટ કરતા હતા. વારંવાર મનાઇ કરવા છતા પણ તેઓ આવું કરતા રહેતા હતા.

કોરોનાની મહામારી અંગે ભ્રામક પ્રચાર કરીને મીડિયાને વાયરસ ગણાવીને વિવાદિત પોસ્ટ વારંવાર મુકતા હતા. કોરોના મહામારી અંગે ભ્રમિત કરીને મીડિયાને વાયરસ ગણાવીને વિવાદિત પોસ્ટ વારંવાર મુકતા હતા. આ બાબતે પાદરાના માજી ભાજપ પ્રમુખના ધ્યાને આવતા તેઓએ સેજાકુવાની પ્રાથમિક શાળામાં ફરજ બજાવતા નૂરમોહમ્મદ ઇબ્રાહિમ મલેક સામે પોલીસ ફરિયાદ નોંધાવી છે.