 "\"૨૦૨૭માં ગુજરાતમાં બનશે કોંગ્રેસની સરકાર\" : ભાજપ હવે થોડા દિવસની જ મહેમાન, મોટો દાવો")
Congress National Convention : ગુજરાતમાં અમદાવાદની ધરતી પર 103 વર્ષ બાદ કોંગ્રેસનું રાષ્ટ્રીય અધિવેશન યોજાઈ રહ્યું છે. જેને લઈને મોટા પાયે તૈયારીઓનો ધમધમટ જોવા મળી રહ્યો છે. ત્યારે અધિવેશન માટે આવી પહોંચેલા કોંગ્રેસના વરિષ્ઠ નેતા પવન ખેડાએ ગુજરાત માટે મોટો દાવો કર્યો છે. તેમણે કહ્યું કે ભવિષ્યમાં ઘણું બદલાવાનું છે અને તેમાં ગુજરાતની ભૂપેન્દ્ર સરકાર પણ સામેલ છે.
ભવિષ્યમાં ઘણું બધું બદલાશે - પવન ખેરા
પવન ખેરાએ મીડિયા સાથે વાત કરતા કહ્યું કે ભવિષ્યમાં ઘણું બદલાશે, જેમાં ગુજરાતમાં સરકાર પણ સામેલ છે. તેમણે કહ્યું કે આવનારા સમયમાં ઘણી વસ્તુઓ બદલાશે, હવામાન બદલાશે, વાતાવરણ બદલાશે અને સરકાર પણ બદલાશે. તમને જણાવી દઈએ કે ગુજરાતમાં છેલ્લા 27 વર્ષથી ભાજપનું શાસન છે અને કોંગ્રેસ આ વખતે કોઈ તક ગુમાવવા માંગતી નથી.
કોંગ્રેસના રાષ્ટ્રીય પ્રવક્તા પવન ખેરા આગળ કહ્યું કે, કોંગ્રેસ પરિવારની બેઠક અંગે ભાજપ કેમ હસ્તક્ષેપ કરે છે. ભાજપ હવે થોડા દિવસની મહેમાન છે. આ અધિવેશનની અસર સમગ્ર દેશના થશે. 2027ની ચૂંટણીમાં આની અસર થશે. કોંગ્રેસના DNA માં ગુજરાત છે. કોંગ્રેસના ડીએનએ સાથે ગુજરાતનું ડીએનએ મેચ કરે છે.
અમદાવાદ ખાતે યોજાનારા કોંગ્રેસના અધિવેશન અંગે એઆઈસીસી પ્રવક્તા પવન ખેરાએ કહ્યું કે, અમદાવાદ સાબરમતી નદીના તટે ૬૪ વર્ષ બાદ અધિવેશન યોજાશે. તમામ સ્થળની મુલાકાત લઇ સમીક્ષા કરી સારુ આયોજન છે.
ઉલ્લેખનીય છે કે, આગામી 8 અને 9 એપ્રિલે સાબરમતી તટે અધિવેશનનું આયોજન થવાનું છે જેમાં આઠ એપ્રિલે સરદાર પટેલ સ્મારક ખાતે કોંગ્રેસ વર્કિંગ કમિટીની બેઠક મળશે. કોંગ્રેસના રાષ્ટ્રીય અધિવેશનમાં કોંગ્રેસના અધ્યક્ષ મલ્લિકાર્જુન, સોનિયા ગાંધી, રાહુલ ગાંધી, પ્રિયંકા ગાંધી સહિત AICCના 200 જેટલા ડેલિગેટ્સ ઉપસ્થિત રહેવાના છે. આગાની 8 અને 9 તારીખનાં રોજ કોંગ્રેસનું રાષ્ટ્રીય અધિવેશન યોજાવાનું છે. તેની સાથે જ CWCની મિટિંગ પણ યોજાવાની છે. ગરમીનો પારો જેમ વધતો જાય છે તેને લઈને પણ વિશેષ વ્યવસ્થા કરવામાં આવી છે. આ કાર્યક્રમની વ્યવસ્થાને લઈને કોંગ્રેસના રાષ્ટ્રીય પ્રવક્તા પવન ખેરા અધિવેશન સ્થળની મુલાકાત લેવા પહોંચ્યા હતા.
)