ગુજરાતના આ સ્ટેશન પર પગ મૂકવાની પણ જગ્યા નથી, મુસાફરોની એવી ભીડ ઉમટી કે ટિકિટ કાઉન્ટર બંધ કરાયા

Surat News પ્રશાંત ઢીવરે/સુરત : સુરતના ઉધના રેલવે સ્ટેશન પર મુસાફરોનો ઘસારો જોવા મળી રહ્યો છે. સુરતમાં મોટાભાગની શાળા કોલેજોમાં ઉનાળાનું વેકેશન શરૂ થઈ જતા લોકો વતન જઈ રહ્યા છે. યુપી,બિહાર તરફ જતી ટ્રેનોમાં લોકોનો ઘસારો જોવા મળી રહ્યો છે. ઉધના રેલ સ્ટેશન પર હજારોની સંખ્યામાં ટિકિટ મેળવવા ચાર કલાક સુધી લોકોને ઉભા રહેવાની નોબત પડી રહી છે. લાંબી કતારોમાં ઊભા રહેવા બાદ પણ મુસાફરોને ટિકિટ નથી મળી રહી છે. ભારે ભીડ ઉમટી પડતા ટિકિટ કાઉન્ટરો બંધ કરવા આવ્યા છે. મહિલા, યુવક સહિત બાળકો રેલ્વે બોગીમાં સીટ મેળવવા દોડાદોડી કરી રહ્યા છે તેવો માહોલ હાલ આ સ્ટેશન પર જોવા મળ્યો છે. 

ટ્રેનના અભાવે પશુઓની જેમ મુસાફરી કરતા લોકો
સુરતમાં રોજગારી અર્થે આવેલા યુપી-બિહાર સહિતના રાજ્યના લોકોને ઉનાળાના વેકેશનમાં પોતાના વતન જવા માટે ટ્રેનના અભાવે પશુઓની જેમ મુસાફરી કરવી પડી રહી છે. ઉત્તર પ્રદેશ જતી અંત્યોદય ટ્રેનની હાલત જોઈને કોઈપણ વ્યક્તિને પરસેવો છૂટી જશે. તમામ અનરિઝવર્ડ્ કોચમાં પગ મુકવાની પણ જગ્યા નથી. તો બીજી તરફ ટિકિટ લેવા માટે લોકો કલાકો સુધી લાઈન ઊભા રહેવા મજબૂર બન્યા હતાં. જ્યારે યાત્રીઓ દોઢ કિલોમીટરથી પણ લાંબી લાઈન કાપીને ટિકિટ કાઉન્ટર સુધી પહોંચે છે તો તેમને સાંભળવા મળે છે કે, કાઉન્ટર બંધ થઈ ગયું છે. ટ્રેન છૂટી ન જાય તે માટે કેટલાક મુસાફરો તો માથા પર સામાન મૂકીને જીવના જોખમે દોડતા નજરે પડ્યા હતાં.

બસ બે દિવસ બાકી, ગુજરાતમાં ફરી આવશે વરસાદ, મે મહિના માટે અંબાલાલ પટેલની છે આગાહી

ટિકિટ કાઉન્ટર બંધ કરી દેવાયા 
મુસાફરે જણાવ્યું હતું કે ટિકિટ માટે કલાકોથી લાઈન છે, તો ટ્રેનમાં શું હાલત હશે. બાળકો-વૃદ્ધો સહિતના લોકો હેરાન થઈ રહ્યાં છે. હું સવારે ચાર વાગ્યાથી આવ્યો છું, પણ ટિકિટ માટે લાંબી લાઈન હતી. ટિકિટ કાઉન્ટર સુધી પણ પહોંચી ગયો, પરંતુ તે લોકોએ જણાવ્યું કે હાલ ટિકિટ નથી. અન્ય મુસાફર એ જણાવ્યું હતું કે, મારે યુપીના અલ્હાબાદ જવાનું છે.. લાંબી લાઈન લાગી છે, જે અંગે કશું કહી શકીએ નહીં. ત્રણ કલાક થયા છે લાઈનમાં. આ લાઈન માત્ર ટિકિટ માટે છે. ત્યાર પછી પ્લેટફોર્મ પર જવા માટેની લાઈનમાં ઊભું રહેવું પડશે. ટિકિટ કાઉન્ટર પણ બંધ કરી દીધા છે. અહીં સરકાર સુવિધા વધારે. ટિકિટ બ્લેક કરી દેવામાં આવે છે, જેના કારણે અમને મળતી નથી.

વેકેશનમાં ઘરે કેવી રીતે જશે લોકો 
મહત્વની વાત એ સ્કૂલોમાં 15મી એપ્રિલથી રજા શરૂ થતા હવે યુપી-બિહાર સહિતના અન્ય રાજ્યમાંથી સુરત આવેલા લોકો પોતપોતાના વતનમાં જઈ રહ્યાં છે. સુરતના ઉદ્યોગમાં લાખોની સંખ્યામાં યુપી બિહારના શ્રમિકો રોજગારી માટે આવે છે. તહેવાર અને જ્યારે પણ સ્કૂલોમાં રજા પડે ત્યારે તેવો પોતાના વતન જતા હોય છે. પરંતુ ટ્રેનોની અછતના કારણે દર વર્ષે તેમને હાલાકીનો સામનો કરવો પડે છે. આજે  રવિવાre અનરિઝવ્ડ અંત્યોદય ટ્રેન ઉધના અને જયનગર વચ્ચે નીકળી હતી, જેને પકડવા માટે હજારોની સંખ્યામાં મુસાફરો એકઠા થયા હતા. ઉનાળાની રજાઓમાં તાપ્તી, ગંગા સહિત અન્ય ટ્રેનોમાં ટિકિટ ઉપલબ્ધ ન હતી, જેના કારણે આ અનરિઝર્ડ અંત્યોદય ટ્રેનમાં ભારે ભીડ જોવા મળી હતી

આ ટ્રેનની ક્ષમતા બે હજાર મુસાફરોને લઈ જવાની છે. આ માટે સવારના 5 વાગ્યાથી જ સ્ટેશન પર ભીડ એકઠી થવા લાગી હતી. લગભગ ત્રણ હજાર મુસાફરો ઉધના સ્ટેશને પહોંચ્યા હતા. પ્લેટફોર્મ પર લોકો દોડતા નજર આવ્યાં હતા, જેથી એક સીટ મળી જાય. આ ટ્રેનમાં ભીડ એટલી હતી કે આખી ટ્રેન ખીચોખીચ ભરાઈ ગઈ હતી અને પ્રવેશવાની પણ જગ્યા નહોતી. રેલવે સ્ટેશનની બહાર દોઢ કિમીની લાંબી લાઈન જોઈને કોઈપણ યાત્રી સફર કરવાથી ના પાડી દે, તેવી પરિસ્થિતિ હતી. 

દર વર્ષની જેમ આ વર્ષે પણ પ્લેટફોર્મ પર કોઈ જાતની સુવિધા નહોતી. ભારે ગરમીમાં ખુલ્લા પ્લેટફોર્મ પર યાત્રીઓ હેરાન પરેશાન થઈ રહ્યાં હતાં. ખુલ્લા પ્લેટફોર્મ પર પર્ણાપ્ત હોમવાની પાગ પ્રતિલા નથી.હાલ મુસાફરો દર વર્ષની જેમ આ વર્ષે પણ ટ્રેન વધારવાની માંગ કરી રહ્યા છે પરંતુ આ માંગ પૂર્ણ નહીં થતાં દર વર્ષેની જેમ આ વર્ષે પણ દિવાળી હોળી અને ઉનાળા વેકેશનમાં આજ રીતના યુપી બિહાર તરફ જતા લોકોને ભારે હાલાકીનો સામનો કરવો પડી રહ્યો છે.