અમદાવાદમાં AMC ઓફિસમાં કર્મચારીઓ જુગાર રમતા ઝડપાયા, વીડિયો થયો વાયરલ

અર્પણ કાયદાવાલા, અમદાવાદઃ અમદાવાદમાં એક ચોંકાવનારી ઘટના સામે આવી છે. અમદાવાદ કોર્પોરેશનની મસ્ટર ઓફિસમાં કર્મચારીઓ જુગાર રમતા ઝડપાયા છે. અમદાવાદ કોર્પોરેશનની શાહપુર રંગીલા મસ્ટર ઓફિસની આ ઘટના છે. કર્મચારીઓ જુગાર રમી રહ્યાં હોય તેનો વીડિયો વાયરલ થયો છે. 

કોર્પોરેટરે વીડિયો બનાવી ખોલી પોલ
એએમસી ઓફિસમાં જુગાર રમવાનો વીડિયો કોર્પોરેટર શેખ સમીરા દ્વારા બનાવવામાં આવ્યો છે. આ કર્મચારીઓ ઓફિસની બહાર તાળું મારી અંદર જુગાર રમી રહ્યાં હતા. વીડિયો વાયરલ થવાની સાથે એએમસીના અધિકારીઓ અને સત્તાધિશો સામે પણ સવાલો ઉઠી રહ્યાં છે. તેવામાં હવે એએમસી આ કર્મચારીઓ સામે શું કાર્યવાહી કરે તે જોવાનું રહેશે.

ઓફિસ બંધ, અંદર જુગારનો ખેલ
અમદાવાદના શાહપુર વિસ્તારમાં રંગીલા માસ્ટર ઓફિસનો આ વીડિયો છે. જ્યાં કર્મચારીઓએ ઓફિસમાં તાળું મારી દીધું અને અંદર જુગાર રમી રહ્યાં હતા. ત્યારે કોર્પોરેટર દ્વારા આ કર્મચારીઓને રંગે હાથે ઝડપી લેવામાં આવ્યા છે.