Rajkot City Fake Map Viral : રાજકોટ અર્બન ડેવલપમેન્ટ ઓથોરિટીનો નકલી નક્શો વાયરલ... જમીનના ભાવ વધારવા નકશામાં છેડછાડ... આસપાસના 24 ગામોને રાજકોટમાં જ દર્શાવી દેવાયા...
)
Rajkot News : ગુજરાત રાજ્યમાં હવે અસલી નકલીનો ભેદ પારખવો મુશ્કેલ બની ગયો છે. રાજ્યમાં નકલીની ભરમાર છે. હવે ભેજાબાજો દ્વારા રાજકોટ પાલિકાનો (રૂડા)નો નકલી નક્શો બનાવી દેવાયો છે. આ નક્શામાં રાજકોટની આસપાસના 24 ગામનો બારોબાર ઉમેરો કરી દેવામાં આવ્યો છે. જમીનના ભાવ ઉંચા મેળવવા માટે આ ખેલ કરવામાં આવ્યો છે.
નકલી નક્શામાં 24 ગામોનો ઉમેરો કરાયો
જમીન સાટા માટે કેટલાક ભેજાબાજોએ રાજકોટ અર્બન ડેવલપમેન્ટ ઓથોરિટીનો નક્લી નક્શો બનાવીને વાયરલ થયો છે. રાજકોટના પડધરી, લોધિકા, કોટડા સાંગાણી સહિતના ગામોને રૂડાની હદમાં બતાવતો નકલી નકશો (Fake map) બનાવી દીધો છે. આસપાસના 24 ગામોને રાજકોટની અંદર બતાવાયા છે. ત્યારે આ ગામના લોકો જમીનનો વહીવટ કરતા પહેલા ચેતી જાય.
સોશિયલ મીડિયામાં ફરતો નક્શો નકલી
જમીનના સટા માટે અમુક તત્વો દ્વારા જબરી રમત કરવામાં આવી છે. રાજકોટ, પડધરી, લોધીકા, કોટડા સાંગાણી કેટલા ગામોને દર્શાવી રૂડાની હદ બતાવી દેવામાં આવ્યા છે. ગ્રામ્ય વિસ્તારમાં જમીનોના ભાવ ઉચકાય તે માટે નક્શો બનાવી રમત કરવામાં આવી છે. બે દિવસથી રાજકોટના સોશિયલ મીડિયા ગ્રામ્ય વિસ્તાર અને ખેડૂતોના તથા ગ્રામ પંચાયતના ગ્રુપમાં નક્શો ફરે છે. નકશો બનાવનાર સામે રૂડા ના અધિકારીઓએ કાયદેસરની કાર્યવાહી કરવી જોઈએ તેવી લોકોમાં માંગ ઉઠી છે.
ગામડાના લોકોએ આવા નક્શાને કારણે ભ્રમિત ન થવું - RUDA
રાજકોટ પાલિકાનો નકલી નક્શો ફરતો થતા RUDA ના CEO જી.વી.મિયાણીએ જણાવ્યું કે, RUDAનો જે નકશો સોશ્યલ મીડિયામાં ફરે છે તે નકલી છે. સરકારમાં પણ કોઈ આવી દરખાસ્ત કરવામાં આવી નથી. ગામડાઓને RUDA માં ભેળવવા માટેની કોઇ વાત નથી. ગામડાના લોકોને આવા નક્શાને કારણે ભ્રમિત ન થવું. આવું કૃત્ય કરવા પાછળનું કારણ જમીનની કિંમત ઊંચકવવા અથવા તો બિન ખેતી વધુ થાય તેવા પ્રયાસો હોઈ શકે છે. પોલીસ કાર્યવાહી કરવામાં આવશે.
