રાજ્ય સરકારના કર્મચારીઓ માટે સારા સમાચાર, મોંઘવારી ભથ્થામાં 2 ટકાનો વધારો

ગાંધીનગરઃ ગણેશ ચતુર્થી પહેલા એસટી નિગમમાં કામ કરતા કર્મચારીઓ માટે ખુશીના સમાચાર સામે આવ્યા છે. રાજ્ય સરકારે એસટી નિગમના કર્મચારીઓ માટે મોંઘવારી ભથ્થામાં વધારો કરવાની જાહેરાત કરવામાં આવી છે. સરકારના આ નિર્ણયથી એસટી નિગમમાં કામ કરતા દરેક કર્મચારીઓના પગારમાં વધારો થશે.

હર્ષ સંઘવીએ કરી જાહેરાત
રાજ્યકક્ષાના મંત્રી હર્ષ સંઘવીએ એક્સ પર પોસ્ટ કરી આ માહિતી આપી છે. હર્ષ સંઘવીએ કહ્યુ કે- એસટી નિગમના કર્મચારીઓ માટે આનંદના સમાચાર છે. મુખ્યમંત્રી ભૂપેન્દ્ર પટેલ દ્વારા એસટી નિગમના કર્મચારીઓના મોંઘવારી ભથ્થામાં 2 ટકાનો વધારો કરવાનો નિર્ણય લેવામાં આવ્યો છે. 

એસ.ટી.નિગમના કર્મચારીઓ માટે આનંદના સમાચાર !

✅ રાજ્યના સંવેદનશીલ મુખ્યમંત્રીશ્રી @Bhupendrapbjp જી દ્વારા એસ.ટી.નિગમના કર્મચારીઓને હાલ ચૂકવતા મોંઘવારી ભથ્થામાં ૨% ના વધારા સાથે હવેથી ૫૫% મુજબ ભથ્થું ચૂકવવાનો સંવેદનશીલ નિર્ણય લેવામાં આવેલ છે.

✅ આ વધારાની સાથે મોંઘવારી ભથ્થાના…

— Harsh Sanghavi (@sanghaviharsh) August 26, 2025

રાજ્ય સરકારની જાહેરાત પ્રમાણે 2 ટકાના વધારા બાદ એસટી વિભાગના કર્મચારીઓને 55 ટકાના દરે મોંઘવારી ભથ્થું મળશે. હર્ષ સંઘવીએ કરેલી જાહેરાત પ્રમાણે આ કર્મચારીઓને મોંઘવારી ભથ્થાનું એરિયર્સ પણ ચુકવવાનો નિર્ણય કરવામાં આવ્યો છે.