 "ગૃહિણીઓ માટે ગૂડ ન્યુઝ ! ફરી એકવાર સિંગતેલના ભાવમાં થયો ઘટાડો")
Groundnut Oil Price Drop : રાજ્યમાં તેલીબિયાંના વાવેતરમાં નોંધપાત્ર વધારો અને ચોમાસુ અનુકૂળ રહેવાના અનુમાનને પગલે મબલખ ઉત્પાદન થવાની આશા છે. તેના સીધા અસરરૂપે સૌરાષ્ટ્ર સહિત રાજ્યભરના તેલબજારમાં સિંગતેલ સહિતના ખાદ્ય તેલના ભાવમાં ઘટાડો નોંધાયો છે.
સૌરાષ્ટ્રની તેલબજારમાં સિંગતેલના ભાવમાં આજે રૂપિયા 30ના ઘટાડા સાથે પ્રતિ 15 કિલો ડબ્બાના નવા ભાવ રૂપિયા 2310થી 2360 રહ્યા હતા. તો કપાસિયા તેલમાં પણ રૂપિયા 5નો સામાન્ય ઘટાડો જોવા મળ્યો હતો અને તેનો ભાવ રૂપિયા 2275થી 2325 રહ્યો હતો. પામતેલ રૂપિયા 10 ઘટીને રૂપિયા 2000થી 2005 અને સૂર્યમુખી તેલ રૂપિયા 5 ઘટીને રૂપિયા નવો ભાવ 2010થી 2030 રહ્યા હતા.
હાલમાં સૌરાષ્ટ્રમાં સિંગતેલ અને કપાસિયા તેલ વચ્ચેનો ભાવફરક લગભગ સમાન થયો છે. અગાઉ આ બંને વચ્ચે રૂપિયા 400થી 500નો તફાવત રહેતો હતો, જે હવે માત્ર રૂપિયા 2ની આસપાસ સીમિત રહી ગયો છે. બ્રાન્ડેડ ડબ્બા પ્રમાણે તો બંનેના ભાવ સરખા જ થઈ ગયા છે.
સિંગતેલ હવે માત્ર ફાફડા-ગાંઠિયા જેવી લાઈવ નાસ્તા વસ્તુઓમાં નહીં, પરંતુ ઘરેલું રસોઈમાં પણ વપરાતું જોવા મળી રહ્યું છે. જ્યારે કેટલીક ફરસાણ દુકાનોમાં હજુ કપાસિયા તેલનો ઉપયોગ થતો હોય છે, તેમ છતાં લોકોમાં સિંગતેલ પ્રત્યેનો વલણ વધ્યું હોવાનું જોવા મળી રહ્યું છે.
)