ગુજરાત ATSને મોટી સફળતા હાથ લાગી, દાઉદના ખાસ શરીફખાનનો સાગરિતનો પકડાયો

મૌલિક ધામેચા/અમદાવાદ :ગુજરાત  ATSને આજે મોટી સફળતા હાથ લાગી છે. કુખ્યાત આરોપી શરીફખાનના સાગરિત બાબુ સોલંકીની ગુજરાત  ATSએ આજે ધરપકડ કરી છે. શરીફખાન દાઉદ ઈબ્રાહીમના ઈશારે કામ કરતો હતો. ત્યારે ગુજરાત ATSએ મુંબઈના બાબુ સોલંકીની ધરપકડ કરી છે. બાબુ સોલંકી વર્ષ 2006 માં નોંધાયેલા ગુનામા વોન્ટેડ આરોપી હતો. 10 કરોડ રૂપિયા કઢાવવા માટે બાબુ સોલંકીએ 3 કરોડની ખંડણી લીધી હતી. ISI એજન્ટ સાબિરમીયા સિપાઈની મદદથી રૂપિયા કઢાવવાના હતા. ત્યારે સાબિરમીયાની ધરપકડ બાદ બાબુ સોલંકી ફરાર થયો હતો. હવે ગુજરાત ATSએ આરોપીની બાબુ સોલંકીની ધરપકડ કરી છે. 

ગઈકાલે ગુજરાત એટીએસએ છોટા રાજન ગેંગ સાથે સંકળાયેલાં અને લૂંટના કુખ્યાત આરોપી હરેશ ગોસ્વામીની ધરપકડ કરી હતી. ત્યારે આજે ATSએ દાઉદના ઈશારે કામ કરતાં શરીફ ખાનનાં સાગરિત મુંબઈના બાબુ સોલંકીની અડાલજ નજીકથી ધરપકડ કરી છે.  

વર્ષ 2006માં ખંડણી મુદ્દે શરીફ ખાન અને વહાબ ગેંગ સામ સામે આવી હતી. આ ગુનાઓમાં પણ બાબુ સોલંકી વોન્ટેડ આરોપી હતો. 10 કરોડ રૂપિયા કઢાવવા માટે બાબુ સોલંકીએ 3 કરોડની ખંડણી લીધી હતી. ISI એજન્ટ સાબિરમીયા સિપાઈની મદદથી રૂપિયા કઢાવવાના હતા. પરંતુ સાબિરમીયાની ધરપકડ બાદ બાબુ સોલંકી ફરાર થયો હતો. શરીફ ખાન સામે પણ નાર્કોટિક્સ, હથિયારો, ખૂન, લૂંટ અને ખંડણી સહિતના અસંખ્ય ગુનાઓ નોંધાયેલાં છે.