ગુજરાત સરકારના માનિતા IPS અભય ચુડાસમાને સરકાર સાથે શું વાંકું પડ્યું? 8 લાખનું બિલ ભરવા થયો આદેશ

Abhay Chudasama: અભય ચુડાસમા ક્વિક એક્શનમાં માનનારા અધિકારી છે. જેમના નામે કેસના ડિટેક્શનનું લાંબુ લિસ્ટ છે. કહેવાય છે કે ચુડાસમાના હાથમાં જે પણ કેસ આવતો તેમાં દિલ લગાવીને મહેનત કરતા હતા. તેમની આગવી સૂઝબૂઝ, ટેકનીકલ માસ્ટર અને પોલીસની રગેરગથી વાકેફ આ અધિકારીએ ક્યારેય પાછી પાની કરી નથી. એટલે જ સરકારની ગુડબુકમાં રહ્યાં છે. આમ છતાં આ અધિકારી આજે ફરી ચર્ચામાં છે. 

ગુજરાત કોંગ્રેસમાં પૂરાશે નવા પ્રાણ; જિલ્લા બાદ હવે તાલુકા પ્રમુખોની પસંદગી હાથ ધરાઇ

પ્રાપ્ત માહિતી અનુસાર, SP મનીષસિંહ દ્વારા કરાઈ એકેડમીના પ્રિન્સિપાલ અભય ચુડાસમાને એક લેખિત પત્ર પાઠવવામાં આવ્યો છે. પત્રમાં સ્પષ્ટતા કરવામાં આવી છે કે સરકારી નિયમો અનુસાર જો કોઈ અધિકારી સરકારી વાહનનો અંગત ઉપયોગ કરે તો તે માટે તેમણે નિશ્ચિત ચાર્જ ચૂકવવો પડે છે.

મનીષસિંહે આ પત્ર દ્વારા અભય ચુડાસમાને અગાઉના સમયગાળા દરમિયાન સરકારી વાહનનો અંગત ઉપયોગ કરવા બદલ જે ખર્ચ થયો છે તે નાણાં તાત્કાલિક જમા કરાવવા જણાવ્યું છે. આ પત્રથી આઈપીએસ અધિકારીઓમાં ભારે ચકચાર મચી ગઈ છે અને આ મામલો ટોચના અધિકારીઓ સુધી પહોંચ્યો છે. આ ઘટના પરથી ફરી એકવાર એ સવાલ ઊભો થયો છે કે શું સરકારી અધિકારીઓ સરકારી સંપત્તિનો અંગત ઉપયોગ કરવા માટે સ્વતંત્ર છે? અને જો કરે તો તેના પર દેખરેખ કોણ રાખે છે? આ વિવાદ દર્શાવે છે કે ઉચ્ચ અધિકારીઓ વચ્ચેનો સંકલનનો અભાવ ઘણીવાર જાહેર મંચ પર આવી જાય છે, જે પોલીસ તંત્રની છબીને નુકસાન પહોંચાડી શકે છે. 

અ'વાદમાં પોલીસ બેડામાં મોટા ફેરફાર: 31 PIની બદલી, જાણો કયા પોલીસ સ્ટેશનના PI બદલાયા

MT વિભાગના એસપી મનીષસિંહ દ્વારા પત્રમાં શું કરાયો છે ઉલ્લેખ?
નિયમ મુજબ જે પદ પર સરકારી રહેઠાણ ઉપલબ્ધ કરાવવામાં આવ્યુ હોય, તે પદ પરના અધિકારીને કાર્યકાળ દરમ્યાન તે સરકારી રહેઠાણ ધરાવતા હોવાનું માનવામાં આવશે અને આચાર્ય અભય ચુડાસમાનું જી.પી.એ. કરાઇનું સરકારી રહેઠાણ જી.પી.એ. કરાઇ ખાતે ઉપલબ્ધ છે. અને જો આચાર્ય અભય ચુડાસમા સરકારી રહેઠાણમાં ના રહેતા હોઇ અને ખાનગી રહેઠાણથી હેડ કવાર્ટર (કરાઇ) સુધી આવવા-જવા માટે સરકારી વાહનનો ઉપયોગ કરતા હોય તો નિયમ મુજબ તે ખાનગી રહેઠાણથી હેડ કવાર્ટર સુધી સરકારી વાહનનો ઉપયોગ કરી શકે નહીં.

ગુજરાતના આ વિસ્તારોમાં વરસાદ પડશે તો લાવશે અતિવૃષ્ટિ! પરેશ ગોસ્વામીની ડરામણી આગાહી!

આચાર્ય અભય ચુડાસમા જી.પી.એ. કરાઈને ફાળવેલ સરકારી વાહનના માસિક પેટ્રોલ રીટર્ન પત્રકની ચકાસણી કરતાં દર માસે સરેરાશ 3000 કિ.મી. રનીંગ બતાવે છે. હેડ કવાર્ટર અને Sphere of Work ની વ્યાખ્યા મુજબ આચાર્ય અભય ચુડાસમાનું હેડ કવાર્ટર જી.પી.એ. કરાઇ લાગે છે. જેથી, તેઓના સરકારી વાહનની લોગ બુક ચેક કરીને જે સરકારી કામકાજ (દા.ત. મીટીંગ, કોર્ટ મુદત, બંદોબસ્ત વિગેરે) સિવાયના ખાનગી રહેઠાણથી હેડ કવાર્ટર સુધીના ઉપયોગ કર્યો છે અને અન્ય ખાનગી કામે ઉપયોગ કરેલ સરકારી વાહન નં. જીજે-૧૮ જીબી-૭૪૫૯ ના કી.મી.નો સરકારી દર મુજબ (દા.ત. તેઓની નિમણૂક તા.૦૧/૦૮/૨૦૨૩ થી તા.૩૧/૦૭/૨૦૨૫ સુધી ૨૪ માસ × ૧૧ રૂા.x૩૦૦૦ કી.મી.=૭,૯૨,૦૦૦/- આશરે ગણી શકાય) લોગબુકથી સરકારી કામ સિવાયના ખાનગી રહેઠાણથી હેડ કવાર્ટર કરાઇ સુધીના સ્પષ્ટ કી.મી.ની ગણતરી કરી, સરકારી ધારા-ધોરણ મુજબ તેઓ પાસેથી વસુલ લઇ, ચલણથી સરકારમાં બે દિવસમાં જમા કરાવી અત્રેની કચેરીને જાણ કરવા જણાવવામાં આવી છે. આ પત્ર અને આ વિવાદ હાલમાં ચર્ચાને એરણે રહ્યો છે. 

સોનાના ભાવ ઘટી ગયા, ઘટેલા ભાવે સોનું લેવું હોય તો ફટાફટ ચેક કરો આજનો રેટ