 "આ વિસ્તારો માટે આગામી ત્રણ કલાક ભારે! અમદાવાદમાં કાળા ડીબાંગ વાદળો, જાણો નાવ કાસ્ટ બુલેટિન")
)
હવામાન વિભાગે (IMD) અમદાવાદ માટે 'નાવકાસ્ટ બુલેટિન' જાહેર કરીને આગામી ત્રણ કલાકમાં હળવાથી મધ્યમ વરસાદની આગાહી કરી છે. સવારે 7 વાગ્યાથી શરૂ થયેલી આ આગાહી અનુસાર શહેરમાં ગમે ત્યારે વરસાદ શરૂ થઈ શકે છે.
આ ઉપરાંત, રાજ્યના અન્ય કેટલાક જિલ્લાઓ માટે પણ વરસાદનું એલર્ટ જાહેર કરવામાં આવ્યું છે. બનાસકાંઠા, સાબરકાંઠા, મહીસાગર, અરવલ્લી અને દાહોદમાં મધ્યમ વરસાદ સાથે ઓરેન્જ એલર્ટ આપવામાં આવ્યું છે. જ્યારે અમદાવાદ અને ગાંધીનગર સહિત રાજ્યના મોટાભાગના જિલ્લાઓ માટે હળવાથી મધ્યમ વરસાદની શક્યતા વ્યક્ત કરીને યલો એલર્ટ જાહેર કરવામાં આવ્યું છે. આ આગાહીને પગલે, નાગરિકોને સાવચેત રહેવા અને જરૂરી સાવધાની રાખવા માટે અનુરોધ કરવામાં આવે છે.
ગણેશ ચતુર્થી તથા પર્યુષણના તહેવાર સમયે કેટલાક ભાગોમાં ભારે વરસાદ પડી શકે છે. રાજસ્થાનના સંલગ્ન ગુજરાતના ભાગોમાં ભારે વરસાદ થઈ શકે છે. તો મધ્ય ગુજરાતમાં કેટલાક ભાગોમાં ભારે વરસાદ થઈ શકે છે તેવી હવામાન નિષ્ણાતની આગાહી છે. હવેના દિવસોમાં અમદાવાદ ગાંધીનગરમાં વરસાદ યથાવત રહેશે. સૌરાષ્ટ્રમાં ભારે વરસાદની શક્યતા છે. સૌરાષ્ટ્રના જામનગર, પોરબંદર, દ્વારકા, ભાવનગર હજુ પણ ભારે વરસાદની શક્યતા છે. અમરેલી, ગીર સોમનાથ અને જૂનાગઢમાં વરસાદ થશે.
હવામાન વિભાગ દ્વારા આગામી 7 દિવસ એટલે કે 22 થી 27 ઓગસ્ટ સુધી રાજ્યમાં વરસાદને લઈને આગાહી કરવામાં આવી છે. આજે રાજ્યમાં ઓરેન્જ એલર્ટ સાથે છૂટાછવાયાં સ્થળોએ ભારે વરસાદની આગાહી કરવામાં આવી છે. માછીમારોને પણ આગામી દિવસો માટે દરિયો ન ખેડવા સૂચના આપવામાં આવી છે. અત્યારે કુલ 5 સિસ્ટમ સક્રિય હોવાથી રાજ્યમાં ભારે વરસાદની આગાહી કરવામાં આવી છે. 23 થી 26 ઓગસ્ટ દરમિયાન ઉત્તર ગુજરાતમાં ભારેથી અતિભારે વરસાદ પડી શકે છે.
ઉત્તર ગુજરાતમાં વરસાદના કારણે જળભરાવની સ્થિતિ થઈ શકે છે. આ કારણે પાટણ, સમી હારીજ, પાટડી દસાડામાં પણ વરસાદની શક્યતા છે. વિરમગામ, માંડલ, દેત્રોજ, સાણંદ, બાવળા, ધંધુકા અને ધોળકામાં વરસાદ થશે. તો સુરેન્દ્રનગર ના કેટલાક વિસ્તારોમાં ભારે વરસાદ આવી શકે છે. તો દક્ષિણ ગુજરાતના નવસારી, સુરત, આહવા ડાંગ અને વલસાડમાં ભારે વરસાદ સાથે વરસાદી ઝાપટા યથાવત રહેશે.
