 "ગુજરાતના નવા બનેલા ધારાસભ્ય ગોપાલ ઈટાલિયાને આટલો પગાર મળશે, MLA ક્વાર્ટર્સ પણ મળશે")
Gujarat MLA Salary : આમ આદમી પાર્ટીના વિસાવદરના ધારાસભ્ય ગોપાલ ઈટાલિયાએ હાલમાં જ ગુજરાતના ધારાસભ્ય તરીકે શપથ લીધા. ગુજરાત વિધાનસભાના અધ્યક્ષ શંકર ચૌધરીએ તેમને ધારાસભ્ય તરીકેના શપથ લેવડાવ્યા. ગુજરાતના નવા બનેલા ધારાસભ્યને હવે કેટલો પગાર મળશે અને કેટલું ભથ્થુ મળશે તે પણ જાણી લો.
ગોપાલ ઈટાલિયાને હાલના ધારાસભ્યોના ધારા ધોરણ મુજબ જ પગાર અને ભથ્થા મળશે. ગુજરાતના તમામ ધારાસભ્યોને દર મહિને 78,800 રૂપિયા પગાર મળે છે. તેમજ મોંઘવારી ભથ્થા તરીકે 26,792 રૂપિયા મળે છે. આમ, ગોપાલ ઈટાલિયાને પણ હવેથી દર મહિને 1.37 લાખ રૂપિયા મળશે.
ગુજરાતના ધારાસભ્યોને પગાર કેટલો?
પ્રગતિશીલ ગુજરાત રાજ્યના ધારાસભ્યોની વાત કરીયે તો તેમને સરેરાશ 1.37 લાખ રૂપિયા પગાર મેળવે છે. જેમાં ગુજરાતના ધારાસભ્યોનો બેઝિક પગાર 78,800 રૂપિયા છે. મૂળ પગારના 34 ટકા લેખે મોંઘવારી ભથ્થુ 26700 રૂપિયા, 7000 રૂપિયા ટેલિફોન બિલ, 5000 રૂપિયા ટપાલ અને સ્ટેશનરી, 20000 રૂપિયા અંગત મદદનીશ ભથ્થુ ચૂકવાય છે. આમ ધારાસભ્યોનો કુલ સરેરાશ માસિક પગાર 1.37 લાખ રૂપિયા જેટલો થાય છે.
બીજી કઈ કઈ સુવિધા મળે છે
ગુજરાતના લોકોને મોટું આંદોલન કરવા ઈટાલિયાનું આહવાન
ધારાસભ્ય પદ પરના શપથ લીધા બાદ ગોપાલ ઈટાલિયાએ પ્રતિક્રિયા આપતા જણાવ્યું કે, આજનો દિવસ ઐતિહાસિક દિવસ છે. સંવિધાનની તાકાતના કારણે મારા જેવો સાધારણ વ્યક્તિ ચૂંટણી જીત્યો છે. મેં વિસાવદરના ધારાસભ્ય તરીકે શપથ લીધા છે. હું આજે પૂર્વ મુખ્યમંત્રી કેશુબાપાને યાદ કરું છું. એમને ચિતરેલા માર્ગ પર ચાલી શકુ તે માટે પ્રયાસ કરીશ. ગુજરાતના પ્રશ્નો સામે લડવા માટે આજે શપથ લીધા છે. વિસાવદરની જનતાનો પણ હું આભારી છું. ગુજરાતની જનતાને વિનંતી છે કે તેઓ પોતાનો આત્મા જગાડે. ક્યાં સુધી ગુજરાતની આ પરિસ્થિતિ રહેશે. આમ, ગુજરાતના લોકોને મોટું આંદોલન કરવા ગોપાલ ઈટાલિયાએ આહવાન આપ્યું હતું.
ધારાસભ્યોના પગાર કોણ નક્કી કરે છે?
રાજ્ય સરકારો પોતે જ તેમના ધારાસભ્યોના પગાર અને ભથ્થા નક્કી કરે છે. મોટાભાગના રાજ્યોમાં મુખ્યમંત્રીઓ, કેબિનેટ મંત્રીઓ અને વિપક્ષી નેતાઓને સામાન્ય ધારાસભ્યો કરતા વધુ પગાર મળે છે. ધારાસભ્યોના પગાર અને ભથ્થા પણ મોંઘવારી પ્રમાણે વધતા રહે છે. મોટાભાગના કિસ્સાઓમાં, સમિતિ દ્વારા પગાર અને ભથ્થાંમાં વધારો કરવાની ભલામણ કરવામાં આવે છે.
)