Gujarat Rains: હવામાન ખાતા અને જાણીતા આગાહીકાર અંબાલાલ પટેલેની લેટેસ્ટ આગાહી જોઈએ તો ગુજરાતમાં હવે આગામી દિવસોમાં ભારેથી અતિભારે વરસાદની આગાહી કરાઈ છે. વાંચો અહેવાલ.
)
ભારતીય હવામાન વિજ્ઞાન વિભાગ (IMD) અને ગુજરાત રાજ્ય હવામાન ખાતા દ્વારા રાજ્યમાં હવે ભારે વરસાદની આગાહી કરવામાં આવી છે. IMDની લેટેસ્ટ આગાહી મુજબ પૂર્વ રાજસ્થાન, મધ્ય મહારાષ્ટ્ર, તેલંગણા, ઓડિશા, છત્તીસગઢ, અને પશ્ચિમી મધ્ય પ્રદેશમાં અલગ અલગ ભાગોમાં ભારેથી અતિભારે વરસાદની આગાહી છે. ગુજરાત માટે શું આગાહી કરી છે તે પણ ખાસ જાણો.
IMD ની આગાહી
IMDની લેટેસ્ટ આગાહી મુજબ આંધ્ર પ્રદેશના કાંઠા વિસ્તારો, કર્ણાટકના કાંઠા વિસ્તારો, પૂર્વી મધ્ય પ્રદેશ, ગુજરાત, હરિયાણા, ચંડીગઢ, અને દિલ્હી, હિમાચલ પ્રદેશ, જમ્મુ કાશ્મીર, લદાખ, ગિલગિટ બાલ્ટિસ્તાન, મુઝફ્ફરાબાદ, કેરળ અને માહે, કોંકણ અને ગોવા, મરાઠાવાડા, નાગાલેન્ડ, મણિપુર, મિઝોરમ, ત્રિપુરા, ઉત્તરી આંતરિક કર્ણાટક, પંજાબ, ઉત્તરાખંડ, વિદર્ભમાં અલગ અલગ સ્થાનોમાં ભારે વરસાદની શક્યતા છે.
वर्षा की चेतावनी (15.08.2025)
पूर्वी राजस्थान, मध्य महाराष्ट्र, तेलंगाना, ओडिशा, छत्तीसगढ़ और पश्चिम मध्य प्रदेश में अलग-अलग स्थानों पर भारी से बहुत भारी वर्षा होने की संभावना है।
तटीय आंध्र प्रदेश, तटीय कर्नाटक, पूर्वी मध्य प्रदेश, गुजरात क्षेत्र, हरियाणा, चंडीगढ़ और दिल्ली,… pic.twitter.com/5czWEMozvm
— India Meteorological Department (@Indiametdept) August 15, 2025
રાજ્ય હવામાન ખાતાની આગાહી
રાજ્ય હવામાન ખાતાના જણાવ્યાં મુજબ રાજ્યમાં આજે ભારે વરસાદની આગાહી કરવામાં આવી છે. દક્ષિણ ગુજરાત અને ઉત્તર ગુજરાતમાં ભારે વરસાદની આગાહી કરાઈ છે. આજે જુનાગઢ ગીર સોમનાથ અમરેલી ભાવનગર સાબરકાંઠા અરવલ્લી મહીસાગર દાહોદ પંચમહાલ વડોદરા છોટાઉદેપુર ભરૂચ નર્મદા સુરત તાપી ડાંગ નવસારી વલસાડ દમણ દાદરા નગર હવેલીમાં ભારે વરસાદ સાથે યેલો અલર્ટ અપાયેલું છે.
સાત દિવસ ભારે વરસાદની આગાહી
આવતી કાલથી એટલે કે શનિવારથી રાજ્યમાં વરસાદનું જોર વધશે. 16 ઓગસ્ટથી પાટણ સિવાયના તમામ જિલ્લાઓમાં અતિભારે વરસાદની આગાહી કરાઈ છે. આવતીકાલથી આગામી સાત દિવસ ભારેથી અતિભારે વરસાદની આગાહી કરવામાં આવી છે.
18 ઓગસ્ટના રોજ અત્યંત ભારે વરસાદની આગાહી. 18 થી 20 ઓગસ્ટ સુધી રાજ્યમાં ઓરેન્જ અલર્ટ. 21 ઓગસ્ટથી વરસાદનું જોર ઘટવા લાગશે. આ ઉપરાંત માછીમારોને 18 થી 20 ઓગસ્ટ સુધી દરિયો ન ખેડવા સૂચના આપવામાં આવી છે.
અંબાલાલ પટેલની આગાહી
જાણીતા આગાહીકાર અંબાલાલ પટેલે અત્યંત ચોંકાવનારી આગાહી કરી છે. રાજ્યમાં મેઘરાજા ધડબડાટી બોલાવશે. અમદાવાદ અને ગાંધીનગરમાં વરસાદની આગાહી. જામનગર, દ્વારકા-પોરબંદરમાં પણ વરસાદની આગાહી કરવામાં આવી છે. ઉત્તર ગુજરાતના ભાગોમાં અતિભારે વરસાદની આગાહી કરવામાં આવી છે. દક્ષિણ ગુજરાતમાં પણ વરસાદ પડી શકે છે. રાજયમા અનરાધાર વરસાદની આગાહી કરાઈ છે. મોટાભાગના વિસ્તારોમાં પૂરની સ્થિતિ સર્જાઈ શકે છે. અનેક વિસ્તારોમાં 12 ઈંચથી વધુ વરસાદ પડી શકે છે.
જુઓ વીડિયો
