 "ઓલિમ્પિક પહેલા ગુજરાત હોસ્ટ કરશે વર્લ્ડ લેવલની આ સ્પોર્ટસ ગેમ્સ, બીડમાં મળી ભવ્ય જીત")
)
Gandhinagar News : ગુજરાતમાં ઓલિમ્પિક રમાડવા માટે અત્યારથી જ તૈયારીઓ થઈ રહી છે. ત્યારે તે પહેલા ગુજરાત વર્લ્ડ પોલીસ એન્ડ ફાયર ગેમ્સ હોસ્ટ કરશે. વર્ષ 2029 ની વર્લ્ડ પોલીસ એન્ડ ફાયર ગેમ્સ ગુજરાતમાં યોજાશે. ભારતે કરેલી બીડ સફળ થતા ગુજરાતમાં તેનું આયોજન કરાશે. ગુજરાતના મુખ્યમંત્રીએ આ અંગે ખુશી વ્યક્ત કરી. અમદાવાદ, ગાંધીનગર અને એક્તા નગર ખાતે વર્લ્ડ પોલીસ એન્ડ ફાયર ગેમ્સ રમાશે.
ભારતને 23મી વર્લ્ડ પોલીસ અને ફાયર ગેમ્સ 2029નું યજમાનપદ મળ્યું છે. તેનું આયોજન ગુજરાતના અમદાવાદ, ગાંધીનગર અને એકતા નગરમાં કરવામાં આવશે. ગુજરાતના મુખ્યમંત્રી ભૂપેન્દ્ર પટેલે તેને અભિનંદન પાઠવ્યા. તેમણે x પર લખ્યું, 'ગુજરાત માટે ગર્વની ક્ષણ! અમેરિકાના બર્મિંગહામમાં WPFG ફેડરેશન સમક્ષ વ્યાપક બિડ પ્રેઝન્ટેશન પછી ભારતે અમદાવાદ, ગાંધીનગર અને એકતા નગરમાં 2029 વર્લ્ડ પોલીસ અને ફાયર ગેમ્સ (WPFG)નું આયોજન કરવાની બિડ જીતી લીધી છે. આ વૈશ્વિક જીત વડા પ્રધાન નરેન્દ્ર મોદી અને કેન્દ્રીય ગૃહ પ્રધાન અમિત શાહના દૂરંદેશી નેતૃત્વને પ્રતિબિંબિત કરે છે અને અમદાવાદને ભારતની રમત રાજધાની બનાવવા તરફ એક મોટું પગલું છે.'
ભારતે સત્તાવાર રીતે 2029 વર્લ્ડ પોલીસ અને ફાયર ગેમ્સ (WPFG) ની યજમાની માટે બિડ જીતી લીધી છે. આ ઇવેન્ટ ગુજરાતના ત્રણ શહેરો - અમદાવાદ, ગાંધીનગર અને એકતા નગરમાં યોજાશે. આ ઐતિહાસિક જાહેરાતને ગુજરાતના મુખ્યમંત્રી ભૂપેન્દ્ર પટેલે સમર્થન આપ્યું હતું અને તેને ભારતની રમત રાજદ્વારી અને વૈશ્વિક હોસ્ટિંગ ક્ષમતાની નોંધપાત્ર સિદ્ધિ ગણાવી હતી.
વર્લ્ડ પોલીસ અને ફાયર ગેમ્સ (WPFG) વિશે માહિતી
ભારતની બોલી અને આયોજનની માહિતી
યજમાન રાજ્ય: ગુજરાત
સ્થળો: અમદાવાદ, ગાંધીનગર, એકતા નગર
આયોજક: ગુજરાત સરકાર, ભારત સરકારના ગૃહ મંત્રાલયના સહયોગથી
બોલી સબમિશન સ્થળ: બર્મિંગહામ, યુએસએ
ભારતની બિડના મહત્વના મુદ્દા આ રહ્યા
આધુનિક રમતગમત માળખાગત સુવિધા, અદ્યતન કનેક્ટિવિટી અને લોજિસ્ટિક્સ, વૈશ્વિક કાર્યક્રમોનું આયોજન કરવાનો સફળ અનુભવ, સુરક્ષા અને આતિથ્યને પ્રાથમિકતા
WPFG 2029 વિઝન હોસ્ટિંગ મહત્વ:
વર્લ્ડ પોલીસ અને ફાયર ગેમ્સ 2029નું યજમાનપદ ગર્વની ક્ષણ છે: અમિત શાહ
કેન્દ્રીય ગૃહ પ્રધાન અમિત શાહે ભારતને વર્લ્ડ પોલીસ અને ફાયર ગેમ્સ 2029નું યજમાનપદ મળવા બદલ ખુશી વ્યક્ત કરી અને તેને દરેક નાગરિક માટે ગર્વની ક્ષણ ગણાવી. કેન્દ્રીય ગૃહ પ્રધાને કહ્યું કે અમદાવાદને સ્થળ તરીકે પસંદ કરવામાં આવ્યું છે. તેમણે કહ્યું કે પોલીસ, ફાયર અને ડિઝાસ્ટર સર્વિસના ખેલાડીઓ 50 થી વધુ રમતગમત શાખાઓમાં સ્પર્ધા કરવા માટે ભેગા થશે. આ રમતગમત સ્થળ તરીકે શહેરની વધતી જતી પ્રતિષ્ઠાનો પુરાવો છે. શાહે લખ્યું, ભારત દ્વારા આ ઇવેન્ટનું આયોજન એ વડા પ્રધાન નરેન્દ્ર મોદીના નેતૃત્વ હેઠળ બનેલા આપણા વિશાળ રમતગમત માળખાની વૈશ્વિક માન્યતા છે. વર્લ્ડ પોલીસ અને ફાયર ગેમ્સ 2029 ગુજરાત, ભારતમાં અમદાવાદ, ગાંધીનગર અને એકતા નગર (કેવડિયા) માં યોજાશે, જેમાં 10000 થી વધુ ખેલાડીઓ ભાગ લેશે. આ ખેલાડીઓ 70 દેશોના પોલીસ, ફાયર, કસ્ટમ અને કરેક્શનલ સર્વિસ વિભાગના હશે.
