ગરમીથી ગુજરાતીઓને મળશે રાહત!, તાપમાનમાં થશે ઘટાડો, હવામાન વિભાગની આગાહી

અમદાવાદઃ આખુ ગુજરાત અત્યાર અગનભઠ્ઠીમાં શેકાઈ રહ્યું છે, આકાશમાંથી આગ વરસી રહી છે, કાળઝાળ ગરમીથી સૌ કોઈ તોબા તોબા પોકારી ગયા છે. ગરમીમાંથી રાહત મળે તેવી સૌ કોઈ આશા સેવી રહ્યા છે ત્યાં હવામાન વિભાગે ગરમીથી રાહત આપતી આગાહી કરી છે...હવામાન વિભાગ જ નહીં પરંતુ હવામાન નિષ્ણાંતોએ ગરમીથી રાહતના સમાચાર આપ્યા છે...ત્યારે ક્યારે ઘટશે ગરમીનો પારો?...જુઓ આ અહેવાલમાં....

આકાશમાંથી વરસતાં અગનગોળા...અગનભઠ્ઠીમાં શેકાતા લોકો...કાળઝાળ ગરમીથી ત્રાહિમામ લોકો...ગરમીથી તોબા તોબા પોકારી ગયેલા લોકો ગરમીથી રાહતની આશ લગાવીને બેઠા છે....ગુજરાતના 13 શહેરોમાં પારો 40 ડિગ્રીને પાર જોવા મળ્યો...જેમાં સૌથી વધુ કંડલામાં પારો 45 ડિગ્રીએ પહોંચી ગયો...તો અમદાવાદમાં સતત ત્રીજા દિવસે ગરમી 43 ડિગ્રી નોંધાઈ...રાત્રે પણ ગરમી વધુ જોવા મળતાં લોકો અકળાઈ ગયા છે..પરંતુ હવે ગરમીથી રાહત મળે તેવી આગાહી હવામાન વિભાગે કરી છે...ગરમીમાં 3થી 4 ડિગ્રી પારો નીચે જાય તેવું અનુમાન છે.

આ પણ વાંચોઃ ગુજરાતમાં એક્શન મોડમાં કાર્યવાહી, રાજકોટ અને મોરબીમાં ચાલ્યું તંત્રનું બુલડોઝર

ક્યાં કેવી ગરમી? 
ગુજરાતના 13 શહેરોમાં પારો 40 ડિગ્રીને પાર જોવા મળ્યો
સૌથી વધુ કંડલામાં પારો 45 ડિગ્રીએ પહોંચી ગયો
અમદાવાદમાં સતત ત્રીજા દિવસે ગરમી 43 ડિગ્રી નોંધાઈ

હવામાન વિભાગની સાથે જાણીતા હવામાન નિષ્ણાંત અંબાલાલ પટેલે પણ ગરમીમાં રાહત આપતી આગાહી કરી છે...10થી 12 એપ્રિલ સુધીમાં તાપમાન ઘટી શકે છે...સૌરાષ્ટ્રના જિલ્લાઓમાં પારો 40 ડિગ્રીથી નીચે રહેવાની શક્યતા છે...તો કચ્છ, ઉત્તર ગુજરાત, પંચમહાલ, સાબરકાંઠામાં 37થી 38 ડિગ્રી તાપમાન રહેવાની સંભાવના છે...જ્યારે અમદાવાદ અને મધ્ય ગુજરાતમાં પવનનું જોર રહે તેવી સંભાવના છે.

આ પણ વાંચોઃ રાજ્ય સરકારે 16 IAS અધિકારીની બદલીનો આદેશ કર્યો, વડોદરા મનપાના કમિશનરની થઈ બદલી

ગરમી ઘટશે
10થી 12 એપ્રિલ સુધીમાં તાપમાન ઘટી શકે છે
સૌરાષ્ટ્રમાં પારો 40 ડિગ્રીથી નીચે રહેવાની શક્યતા
કચ્છ, ઉત્તર ગુજરાત, પંચમહાલમાં 37થી 38 ડિગ્રી તાપમાનની સંભાવના 

તો આગામી 5 દિવસમાં ગરમીમાં ઘટાડો થાય અને મોટા ભાગના જિલ્લાઓમાં પારો 40 ડિગ્રીની નીચે રહે તેવી આગાહી આગાહીકાર પરેશ ગોસ્વામીએ પણ કરી છે...બંગાળની ખાડીમાં હળવા દબાણને કારણે વાતાવરણ પર અસર જોવા મળશે અને 5 દિવસ ગરમીથી રાહત મળશે...પરંતુ પરેશ ગોસ્વામીએ 15 એપ્રિલ પછી ફરી કાળઝાળ ગરમીનું અનુમાન વ્યક્ત કર્યું છે...

ગ્લોબલ વોર્મિગને કારણે ગરમીનો પારો દિવસે દિવસે ઉચ્ચે થઈ રહ્યો છે જે આપણા સૌના માટે લાલબત્તી સમાન છે. વૃક્ષોનું નિકંદન નીકળી રહ્યું છે, જંગલો કપાઈ રહ્યા છે અને ક્રોક્રિટના જંગલો ઉભા થઈ રહ્યા છે જે આગામી સમય વધારે કપરો લાગશે તે નક્કી છે.