Gujarat Weather Forecast:વૈશાખમાં અષાઢી માહોલ! ગુજરાતના આ જિલ્લાઓ માટે આગામી 3 કલાક ભારે! વાવાઝોડા જેવો પવન ફૂંકાશે, નવકાસ્ટ બુલેટીન જાહેર

Gujarat Weather Forecast : સાયક્લોનિક સરક્યુલેશનને કારણે ગુજરાતનું વાતાવરણ એકાએક પલટાયું છે. ત્યારે આજે સવારથી ગુજરાતના અનેક જિલ્લાઓમાં વરસાદની આગાહી છે. ગઈકાલથી રાજ્યમાં અનેક જિલ્લાઓમાં કમોસમી વરસાદ તો કરા પડ્યા છે. ત્યારે હવામાન વિભાગે આજ માટે નવકાસ્ટ બુલેટીન જાહેર કર્યું છે. સવારે 10 વાગેથી આગામી ત્રણ કલાક માવઠાની આગાહી છે. સાબરકાંઠા, બનાસકાંઠા, પાટણ, મહેસાણા, અમદાવાદ, સુરેન્દ્રનગર અને મોરબીમાં ઓરેન્જ અલર્ટ જાહેર કરાયું છે. ઓરેન્જ એલર્ટના વિસ્તારોમાં ભારે પવન સાથે વીજળીના કડાકા સાથે વરસાદની આગાહી છે, જ્યારે બાકીના વિસ્તારોમાં યલો એલર્ટ સાથે હળવા વરસાદની આગાહી છે.

હાલ અરબ સમુદ્ર પર એક વેસ્ટર્ન ડિસ્ટર્બન્સ એક્ટિવ થયું છે. જેના કારણે છેલ્લા 2 દિવસથી ગુજરાતના  વાતાવરણમાં પલટો જોવા મળી રહ્યો છે. બીજી બાજુ ગુજરાતના 25થી વધુ જિલ્લામાં આગામી ત્રણ કલાકમા ઝડપી પવન સાથે વરસાદ વરસી શકે છે. 25થી વધુ જિલ્લામાં 41થી 61 કિલોમીટર પ્રતિ કલાકે વાવાઝોડા જેવો પવન ફૂંકાશે. કચ્છ, અમરેલી, ભાવનગર, ગીર સોમનાથમાં ભારે પવન સાથે કમોસમી વરસાદ વરસી શકે છે.

ઉત્તર ગુજરાત અને મધ્ય ગુજરાતમાં આજે મોટાભાગના વિસ્તારમાં ભારે પવન સાથે વરસાદનું અનુમાન છે. હવામાન વિભાગે 70થી 80 કિમીની ઝડપે પવન સાથે વરસાદની આગાહી કરી છે. આજે દક્ષિણ ગુજરાત એ સૌરાષ્ટ્ર અને કચ્છમાં પણ ભારે પવન સાથે વરસાદનું અનુમાન છે. આજે રાજ્યમાં કરા સાથે ભારે વરસાદની આગાહી છે. ઉત્તર ગુજરાત, દક્ષિણ ગુજરાત, સૌરાષ્ટ્ર કચ્છમાં વરસાદની આગાહી, મજબૂત વેસ્ટર્ન ડિસ્ટર્બન્સના કારણે વાતાવરણ પલટો રહેશે. અમદાવાદમાં હવામાન વિભાગની આગાહી મુજબ વરસાદી માહોલ છવાયો છે. મોડી રાતે અને વહેલી સવારે અમદાવાદના પૂર્વ વિસ્તારમાં કમોસમી વરસાદ નોંધાયો છે.

હવામાન વિભાગની આગાહી મુજબ આગામી ત્રણ કલાકમાં કચ્છ, અમરેલી, ભાવનગર, ગીર સોમનાથને વરસાદ ઘમપરોળશે. રાજ્યમાં 12 મે સુધી ભારે પવન સાથે વરસાદ વરસશે. 10 મે બાદ ધીરે ધીરે આ સ્થિતિ નોર્મલ થઇ જશે પરંતુ 12 મે સુધી રાજ્યમાં છૂટછવાયો વરસાદ ભારે પવન સાથે વરસી શકે છે. ઉત્તર ગુજરાત, દક્ષિણ ગુજરાત અને પૂર્વ સહિત  કચ્છ વિસ્તારમાં વાદળછાયું વાતાવરણ દિવસભર રહેશે અને આ સાથે ભારે પવન સાંજે બપોર બાદ વરસાદનુ પણ અનુમાન છે.

આ વિસ્તારોમાં પડશે કમોસમી વરસાદ
અંબાલાલ પટેલની આગાહી મુજબ, રાજ્યમાં કમોસમી વરસાદ  મુખ્યત્વે ઉત્તર ગુજરાત, સૌરાષ્ટ્ર, કચ્છ અને મધ્ય ગુજરાતના વિસ્તારોમાં જોવા મળી શકે છે. કમોસમી વરસાદના કારણે ખેડૂતોના ઉભા પાકને નુકસાન થવાનો ખતરો છે. આ સિવાય કચ્છ, બનાસકાંઠા, પાટણ, સાબરકાંઠા, મહેસાણા, અરવલ્લી, મહીસાગર, પંચમહાલ, દાહોદ, મોરબી અને રાજકોટમાં વરસાદ અને કરા પડવાની આગાહી સાથે ઓરેન્જ અલર્ટ અપાયું છે. જ્યારે જામનગર, જૂનાગઢ, ગીર સોમનાથ, દ્વારકા, પોરબંદર, અમરેલી, ભાવનગર, બોટાદ, સુરેન્દ્રનગર, અમદાવાદ, ગાંધીનગર, ખેડા, વડોદરા, છોટા ઉદેપુર, સુરત, તાપી, નવસારી, ડાંગ, વલસાડ, દમણ અને દાદરાનગર હવેલીમાં ભારે પવન ગાજવીજ સાથે વરસાદની આગાહી છે.  

ગુજરાતમાં વૈશાખમાં અષાઢી માહોલ સર્જાયો છે. છેલ્લા 24 કલાકમાં 168 તાલુકામાં વરસાદ પડ્યો છે. 44 તાલુકામાં અડધાથી દોઢ ઈંચ જેટલો વરસાદ પડ્યો છે. હજુ પણ 4 દિવસ માવઠાની આગાહી કરાઈ છે. હજુ આજે પણ રાજ્યના અનેક જિલ્લામાં વરસાદનું યલો એલર્ટ જાહેર થયું છે. મધ્ય અને ઉત્તર ગુજરાતમાં પણ સોમવારે માવઠાના સંકટે ચિતા વધારી છે. મોટાભાગના વિસ્તારમાં ધોધમાર વરસાદ વરસ્યો છે. સોમવારે મોડી સાથે માવઠાએ અમદાવાદને પણ ઘમરોળ્યું અહીં ભારે પવન સાથે ધોધમાર વરસાદ તૂટી પડતાં અનેક જ્ગ્યાએ હોર્ડિગ્સ પડી ગયા હતા તો અનેક જગ્યા પાણી ભરાઇ જતા જનજીવન પ્રભાવિત થયું છે. 

સાબરકાંઠા જિલ્લામાં સોમવારે વાતાવરણમાં પલટો આવ્યો અને ધૂળભરી આંધી સાથે અને ગાજવીજ સાથે વરસાદ તૂટી પડ્યો, વરસાદના કારણે અહીં વીજળી ગૂલ થઇ જતાં અને અનેક વિસ્તારમાં પાણી ભરાતા જન જીવન બહુ ખરાબ રીતે પ્રભાવિત થયું છે. અનેક વિસ્તારમાં ખાસ કરીને માવઠાથી બાગાયતી પાકને નુકસાન થયું છે.