અમદાવાદની ફેમસ ક્લબમાં થઈ દારૂવાળી પાર્ટી, પકડાયા મોટા ઘરના 9 નબીરા

Ahmedabad News : દારૂબંધીવાળા ગુજરાતમાં દારૂની રેલમછેલ થઈ. મહાનગર અમદાવાદની ફેમસ ક્લબમાં દારૂની મહેફિલ પકડાઈ છે. બોપલના ક્લબ O7ના બેઝમેન્ટના પાર્કિંગમાંથી દારૂ પીતા નબીરા ઝડપાયા છે. એક યુવતી સહિત 9 લોકોની ધરપકડ કરાઈ છે. મોટા ઘરના નબીરા લક્ઝુરિયસ કારનો કાફલો લઈને આવ્યા હતા, અને દારૂ પીતા હતા. 

પ્રાપ્ત માહિતી અનુસાર, બોપલમાં Club O7 નામની ક્લબના બેઝમેન્ટના પાર્કિંગમાં પોલીસે દારૂ પી રહેલ નબીરાઓને ઝડપી પાડ્યા છે. નબીરાઓ મ્યુઝિકલ ડાન્સ પાર્ટીમાં આવ્યા હતા. કલબ 07 ના ફોરમ હોલના બેઝમેન્ટના પાર્કિંગમાં મ્યુઝિક ડાન્સ પાર્ટી ચાલતી હતી. જેમાં આ નબીરાઓએ દારૂ પીધો હતો. એક યુવતી સહિત 9 યંગસ્ટર્સની ધરપકડ કરવામાં આવી છે. 

Add Zee News as a Preferred Source

કોની કોની ધરપકડ
પોલીસે રાહુલ ગોસ્વામી, હેમલ દવે, રિતિકા શર્મા, ભાવેશ પવાર, આશુતોષ શાહ, રાહુલ ચહલ, ચિરાગ ધાનક, શનિ પંડ્યા અને પૃથ્વીરાજ ડોડલાની ધરપકડ કરી છે. આ સાથે એક યુવતી પણ દારૂ પીતી ઝડપાઈ છે.

પોલીસે બાતમી આધારે રેડ કરી તપાસ કરતા સમગ્ર દારૂની મહેફિલ ઝડપાઈ હતી. પોલીસે નબીરાઓના પાંચ મોબાઇલ, 2 બીએમડબલ્યુ કાર, એક honda city કાર અને દારૂની બોટલો મળી 8.50 કલાકનો મુદ્દામાલ જપ્ત કર્યો છે. પોલીસે હેમલ દવે સામે દારૂ પીધેલાનો કેસ દાખલ કર્યો છે.