મને બચાવી લો! પ્રેમિકાના પોકારથી અમદાવાદનો પ્રેમી મિત્રો સાથે ડુંગરપુર પહોંચી ગયો, પછી જે થયું.... 

રાજસ્થાનના ડુંગરપુર જિલ્લાના દોવડા પોલીસ મથકના બોકડ સેલમાં પ્રેમિકાએ બોલાવતા 3 મિત્રો સાથે મળવા આવેલા પ્રેમી પર પ્રેમિકાના પરિજનોએ હુમલો કર્યો. લાકડી, પથ્થરોથી હુમલા કરતા કારના કાચ તૂટી ગયા. પ્રેમી અને તેના મિત્રો જીવ બચાવીને ભાગ્યા. 

જીવ બચાવવા માટે પ્રેમી અને તેના 2 મિત્રો બોકડસેલ તળાવમાં કૂદી ગયા. ડૂબવાના કારણે એક મિત્રનું મોત થયું. ઘટના બાદ લોકોએ આક્રોશ વ્યક્ત કર્યો અને હુમલાખોરોની ધરપકડ કરવાની માંગણી કરવા લાગ્યા. દોવડા પોલીસ મથક વિસ્તારના પાલ માંડવ ફલા ઘાટિયા ધરા રહીશ આશારામ પુત્ર મોહન ડિંડોરે રિપોર્ટ નોંધાવ્યો છે. જેમાં જણાવ્યું કે તેના 3 વર્ષથી એક છોકરી સાથે પ્રેમ સંબંધ છે. તેની પ્રેમિકાએ ફોન કરીને જણાવ્યું કે તેના ઘરવાળા તેની સાથે મારપીટ કરી રહ્યા છે. આવીને તેને બચાવી લે નહીં તો તે ફાંસી પર લટકી જશે. 

છોકરીના આ ફોનકોલના કારણે આશારામ તેના મિત્ર અનિલ રાવલની કારમાં મિત્ર પંકજ અહારી અને અરવિંદ પરવાર સાથે ચારેય અમદાવાદથી ગમીરપુરા જવા માટે નીકળ્યા. અડધી રાત બાદ બોકડસેલ પહોંચ્યા. બોકડસેલ પુલિયા પાસે જતા જ પ્રેમીની પ્રેમિકાના પરિવારના 15થી 20 લોકો હાથમાં લાકડી, પથ્થર અને કમાન્ડર જીપ લઈને ઊભા હતા. 

બધાએ લાકડી પથ્થરોથી હુમલો કર્યો જેના કારણે કારના કાચ તૂટી ગયા. પથ્થરમારાથી બચવા માટે ચારેય યુવકો ભાગી ગયા. આશારામ, અનિલ રાવલ, અને અરવિંદ ત્રણેય ભાગતા ભાગતા જીવ બચાવવા માટે બોકડસેલ તળાવમાં કૂદી ગયા. 

આશારામ અને અરવિંદ બને તળીને બહાર આવી ગયા પરંતુ પથ્થરમારાના કારણ અનિલને વધુ ઈજા થવાથી તે તળાવમાંથી બહાર આવી શક્યો નહી અને ડૂબી ગયો. ઘટના બાદ ઘરે પહોંચેલા મિત્રોએ પરિવારના લોકોને આ ઘટના વિશે જણાવ્યું. સૂચના મળતા પોલીસ પણ ઘટનાસ્થળે પહોંચી. બોકડસેલ તળાવમાંથી મૃતદેહને બહાર કાઢીને ડુંગરપુર હોસ્પિટલના મોર્ચરીમાં રાખવામાં આવ્યો. 

ઘટના અંગે મૃતક અનિલના પરિવારજનો દોવડા પોલીસમથક પહોંચ્યા અને હુમલાખોરોની ધરપકડની માંગણી કરવા લાગ્યા. પરિજનોએ અનિલની હત્યા કરીને તેને તળાવમાં નાખવાનો આરોપ લગાવ્યો. પોલીસે કાર્યવાહીની ખાતરી આપી. ત્યારબાદ પોલીસે મૃતદેહનું પોસ્ટમોર્ટમ કરાવીને મૃતદેહ પરિજનોને સોંપી દીધો. હાલ પોલીસ આ ઘટનાની તપાસ કરી રહી છે.