છેલ્લા પાંચ વર્ષમાં એસીબીની ઝપેટમાં આવેલા લાંચીયા સરાકારી અધિકારી, જુઓ આંકડા

ઉદય રંજન/અમદાવાદ: છેલા 5 વર્ષની સરખામણીમાં ગુજરાત લાંચ-રૂશ્વત વિરોધી બ્યુરોએ લાંચિયા સરકારી બાબુઓ પર વર્ષ 2018માં રેકોર્ડ બ્રેક કેસો નોંધી કરોડોની લાંચની રકમ કબ્જે કરી છે. જેમાં વર્ષ 2014થી લઇને અત્યાર સુધીમાં કેટલા કેસ થયા તથા કેટલા આરોપીઓ હતા અને કેટલી રકમ કબ્જે કરવામાં આવી તે તમામ પ્રકારની માહિતી આ રહી 

છેલ્લા પાંચ વર્ષની આંકડાકીય માહિતી જેમાં સૌથી વધુ કેસ અને સૌથી વધુ લાંચની રકમ વર્ષ 2018માં ઝડપી પાડવામાં આવી છે.

વર્ષ	કુલ કેસ	કુલ આરોપી	કુલ રકમ
2014	275	395	1,13,52,420
2015	305	445	86,35,410
2016	258	445	76,06,670
2017	148	216	71,04,450
2018	332	729	89,35,665

ત્યારે હવેએ જોઈ કે, વર્ષ 2018માં ગુજરાતના ક્યાં સરકારી વિભાગમાંથી સૌથી વધુ લાંચ લેતા લાંચિયા બાબુઓને એસીબીએ છટકું ગોઠવી ઝડપી પડયા છે

વર્ષ	વિભાગ	કુલ કેસ	કુલ આરોપી	કુલ રકમ
2018	ગૃહ વિભાગ	81	137	20,14,600
2018	પંચાયત , ગ્રામ ગૃહ નિર્માણ અને ગ્રામ વિકાસ	60	94	13,62,500
2018	મહેસુલ વિભાગ	23	30	14,04,750
2018	આરોગ્ય વિભાગ	10	14	14,04,750
2018	શિક્ષણ વિભાગ	8	11	1,71,150
2018	શહેરી વિકાસ	21	21	11,42,000
2018	કેન્દ્ર સરકારના વિભાગ	21	40	19,65,800

ત્યારે વર્ષ 2018ની ટ્રેપો દરમિયાન એસીબીની ટીમોને ઘણી બધી મુશ્કેલીઓનો પણ સામનો કરો પડ્યો છે. જેમાં લાંચિયા બાબુ ટ્રેપથી બચવા માટે અલગ અલગ મોડ્સ ઓપરેન્ડીઓ પણ ઉપયોગમાં લેતા હોય છે. અને પુરાવાનો નાશ કરવા માટે પણ પ્રયત્ન કરતા હોયવાના બનાવો પણ સામે આવ્યા છે. તો આવો કેવી-કેવી પદ્ધતિ ઉપયોગ કરે છે. એસીબીના આસિસ્ટન્ટ ડિરેક્ટર ડી.પી ચુડાસમાંએ આપેલી માહિતી.

•  બહાર આવાવરૂં જગ્યા પર બોલાવા 
•  ચાલુ વાહન પાર લંચ લેવી 
•  લાંચ ની રકમનો નાશ કરવો 
•  લાંચ ની રકમ મોઢામાં ચાવી જવી 
•  ખાનગી માણસને વચ્ચે રાખવા 
•  પરિવારના કોઈ સભ્યને લાંચ લેવા મોકલવા
•  લાંચમાં મોંઘી મોંઘી ગીફ્ટો લેવી વગેરે 

ત્યારે દિવસને દિવસે લાંચિયા બાબુઓ લાંચ લેવાની પદ્ધતિમાં ફેરફાર કરતા હોય છે. તો સામે એસીબી પણ વિશેષ ટ્રેનિંગ મેળવીએ લાંચિયા બાબુને ઝડપવા માટે સફળતા મેળવે છે.