પદ્મિનીબા વાળાના પુત્રના ગરબામાં "સિનસપાટા", રિવોલ્વર સાથેનો વીડિયો વાયરલ થતાં ખળભળાટ

Padminiba Vala's son Controversy: રાજકોટના અટલ સરોવર ખાતે આયોજિત અર્વાચીન રસોત્સવમાં ગરબા મહોત્સવમાં એક ચોંકાવનારો બનાવ સામે આવ્યો છે. ક્ષત્રિય આગેવાન પદ્મિનીબા વાળાના પુત્ર રિવોલ્વર સાથે ગરબા રમવા પહોંચ્યા હતા અને જાહેરમાં તેના "સિનસપાટા" મારતા જોવા મળ્યા હતા. આ ઘટનાનો વીડિયો સોશિયલ મીડિયા પર વાયરલ થતાં લોકોમાં ભારે ચર્ચા જાગી છે.

ફોન ન ઉપાડતા અધિકારીઓ માટે સરકારનો મોટો આદેશ, સરકારી બાબુઓ માટે નવા નિયમો જાહેર

વીડિયોમાં સ્પષ્ટપણે જોઈ શકાય છે કે પદ્મિનીબાના પુત્રએ કમરે રિવોલ્વર બાંધી છે અને તે ગરબાની વચ્ચે લોકોનું ધ્યાન ખેંચે તે રીતે વર્તી રહ્યો છે. આ વીડિયો તેણે પોતે જ સોશિયલ મીડિયા પર શેર કર્યો હોવાનું પણ કહેવાય છે, જેના કારણે આ વિવાદ વધુ વકર્યો છે.

આ ઘટનાએ અનેક સવાલો ઊભા કર્યા છે. શું તેની પાસે હથિયારનું લાઇસન્સ છે? જો લાઇસન્સ હોય તો પણ, આવા જાહેર સ્થળે અને ગરબા જેવા તહેવારી માહોલમાં હથિયાર પ્રદર્શિત કરવું કેટલું યોગ્ય છે? આ પ્રકારની વર્તણૂક કાયદાનું ઉલ્લંઘન તો નથી જ, પણ સાથે સાથે અન્ય લોકો માટે પણ જોખમ ઊભું કરી શકે છે.

એક બેદરકારી બનશે જીવલેણ! PI વનરાજ માંજરિયાને પાલતું શ્વાનનો નખ વાગ્યો'ને થયું મોત

આ વીડિયો વાયરલ થયા બાદ રાજકોટ પોલીસ આ મામલે શું કાર્યવાહી કરે છે તે જોવું રહ્યું. જાહેરમાં હથિયાર પ્રદર્શિત કરી રોફ જમાવવાનો આ પ્રયાસ સમાજમાં ખોટો સંદેશ આપે છે.