 "એ મેઘલી રાતે પાકિસ્તાને દ્વારકા પર કર્યો હતો હુમલો, ભગવાન દ્વારકાધીશે પાકિસ્તાનનો અહંકાર ભાંગ્યો હતો!")
Dwarka Temple જયદીપ લાખાણી દ્વારકા : દ્વારકામાં આજે વિરાટ વિજય દિનની ઉજવણી કરાઈ. જેમાં શ્રીજીને વામન સ્વરૂપના શૃંગાર અને જગત મંદિરે નૂતન ધ્વજારોહણ તથા વિશેષ આરતી કરાઈ હતો. આ દિવસનું ખાસ મહત્વ છે. કારણ કે, આ દિવસે પાકિસ્તાને દ્વારકા પર હુમલો કર્યો હતો.
યાત્રાધામ દ્વારકામાં વામન જયંતિ વિરાટ વિજય દિનની ઉજવણી કરાઈ હતી. ઠાકોરજીને વામન સ્વરૂપના શણગાર કરાયા હતાં. મંદિરે ધ્વજારોહણ તથા વિશેષ આરતી કરાઈ હતી. પાકિસ્તાને મેલી મુરાદથી દ્વારકાધીશજી મંદિરને નિશાન બનાવી 1965ના વર્ષમાં રાત્રે દ્વારકા ઉપર 156 બોમ્બ ફેંક્યા હતાં. ઠાકોરજીની કૃપાથી એક પણ બોમ્બ ફૂટ્યા ન હતાં અને દ્વારકાની કાંકરી પણ હલી ન હતી. આ દિનની યાદમાં વિરાટ વિજય દિન વામન જયંતિના દિને દર વર્ષે ઉજવાય છે.
દ્વારકામાં વામન જયંતિની ઉજવણી કરાઈ હતી. આ સાથે વિરાટ વિજય દિનની ઉજવણી થઈ હતી. વર્ષ 1965માં વામન જયંતિના દિવસે પાકિસ્તાન નેવી દ્વારા દ્વારકાધીશજી મંદિરનો નાશ કરવાની મેલી મુરાદથી રાત્રીના દ્વારકા નગરી ઉપર ભીષણ બોમ્બમારો કરી ઉપરાઉપરી 156 જેટલા બોમ્બ ફેંક્યા હતાં. ભગવાન દ્વારકાધીશજીની કૃપાથી એક પણ બોમ્બ ફૂટ્યો ન હતો અને દ્વારકા નગરીનો આબાદ બચાવ થયો હતો. આ દિવસની યાદમાં દર વર્ષે દ્વારકાધીશજી મંદિરે વામન જયંતિના દિવસે વિરાટ વિજય દિનની ઉજવણી કરવામાં આવે છે.
જગત મંદિરમાં ઠાકોરજીને વામન સ્વરૂપનો શણગાર કરાયો હતો. તથા વિશેષ આરતી યોજાઈ હતી. વિષ્ણુસહસ્ત્રના પાઠ તથા મંદિરના શિખરે ધ્વજારોહણ કરાયું હતું. ગુગળી બ્રહ્મ સમાજ દ્વારા દર વર્ષે વામન જયંતિના દિવસે મંદિરે ધ્વજારોહણ કરવામાં આવે છે.પૌરાણિક કથા અનુસાર વામન ભગવાને બલીરાજાનો અહંકાર ભાંગ્યો હતો. તેવી રીતે ભગવાન દ્વારકાધીશે પાકિસ્તાનનો અહંકાર ભાંગ્યો હતો. આ બોમ્બ મારાના અવશેષો સંસ્કૃત એકેડમી દ્વારકાના મ્યુઝિયમમાં રાખવામાં આવ્યા છે.
)