 "'દાડમ'માં તો દશા બેઠી, ભાવમાં ઘટાડો થતાં ખેડૂતોની મુશ્કેલી વધી, નુકસાની વેઠવાનો વારો આવ્યો")
)
હિમાંશુ ભટ્ટ, મોરબીઃ દર વર્ષે ખેડૂતોને સારી કમાણી કરી આપતા દાડમના ભાવ આ વખતે મોરબીના ખેડૂતોને રડાવી રહ્યા છે. ખેતરમાં દાડમનો પાક તૈયાર છે... તેવા સમયે જ ભાવમાં તોતિંગ ઘટાડો નોંધાતા ધરતીપુત્રોને પારાવાર મુશ્કેલી વેઠવાનો વારો આવ્યો છે.. મોરબીના હળવદના બજારોમાં આ વખતે દાડમનો જથ્થાબંધ ભાવ 15થી 20 રૂપિયે કિલો બોલાઈ રહ્યા છે.. જેના કારણે ખેડૂતોને આવક તો દૂર પરંતુ ભારે નુકસાની વેઠવી પડી રહી છે.
ગત વર્ષે બજારમાં દાડમનો ભાવ 50થી લઈને 90 રૂપિયા સુધી નોંધાયો હતો... જેના કારણે ખેડૂતોને સારી આવક થઈ.. પરંતુ આ વર્ષે નીચા ઉતરેલા ભાવના કારણે ખેડૂતો ચિંતિત છે. મોરબીના હળવદમાં અલગ અલગ જગ્યાએ કુલ 5664 હેક્ટરમાં દાડમનું વાવેતર કરાયું છે.. પરંતુ ભાવ ઓછો હોવાના કારણે ભારે નુકસાન થઈ રહ્યું છે.. જે માટે કેટલાક ખેડૂતો ખાનગી માર્કેટને પણ જવાબદાર ગણે છે.
ખેડૂતોની ફરિયાદ છે હળવદમાં સરકારી યાર્ડ ન હોવાથી તેમણે ના છૂટકે ખાનગી મંડીમાં પોતાના દાડમ વેચવા પડે છે.. જેઓ જાણીજોઈને દાડમના સારા ભાવ નથી આપી રહ્યા.. જોકે આગામી દિવસોમાં પણ દાડમનું બજાર આવી રીતે જ ચાલતું રહેશે તો ખેડૂતોની હાલત વધુ કફોડી બનશે.. સરકાર દાડમના ભાવ મુદ્દે યોગ્ય નિર્ણય કરે તેવી ખેડૂતોની માગ છે.
