“ભાજપ પણ 2027માં 156 વાળી રિપીટ કરશે”, ઈટાલિયાની 'વિસાવદરવાળી'ના દાવા સામે ઉદય કાનગડનું મોટું નિવેદન

Rajkot News: રાજકોટ પૂર્વ વિધાનસભા બેઠક હાલમાં રાજકીય ગરમાવો અનુભવી રહી છે. તાજેતરમાં આમ આદમી પાર્ટીના નેતા ગોપાલ ઈટાલિયાની સભાએ રાજકારણમાં નવો વળાંક આપ્યો છે. આ સભામાં ગોપાલ ઈટાલિયાએ વિસાવદરવાળી (એટલે કે, વિસાવદરમાં AAPની જીત થઈ તેવું પરિણામ) રાજકોટ પૂર્વમાં પણ રિપીટ થશે તેવો દાવો કર્યો હતો. તેમના આ દાવા બાદ રાજકોટ પૂર્વના વર્તમાન ધારાસભ્ય અને ભાજપના નેતા ઉદય કાનગડએ તુરંત જ વળતો જવાબ આપી રાજકીય માહોલને વધુ ગરમ કર્યો.

હરિયાળીથી ખીલી ઉઠ્યું કોલવેરા! ગુજરાતમાં આવેલું છે શિમલા-મનાલીના પહાડો જેવી અનુભૂતિ

ઉદય કાનગડે ઈટાલિયાના દાવાને નકારી કાઢતા કહ્યું કે, ભાજપ 2027માં પણ 156 બેઠકોવાળી જીત ફરીથી રિપીટ કરશે. તેમણે સ્પષ્ટપણે જણાવ્યું કે, રાજકારણમાં જાતિવાદથી લોકોને ઉશ્કેરવા સહેલા છે, પરંતુ રાજકોટ પૂર્વમાં મારા કામ બોલે છે. કાનગડે 2022ની વિધાનસભા ચૂંટણીનો પણ ઉલ્લેખ કર્યો, જેમાં આમ આદમી પાર્ટીએ આ બેઠક પર જાતિવાદનો ઉપયોગ કરવાનો પ્રયાસ કર્યો હતો, જે નિષ્ફળ રહ્યો હતો. તેમણે ઉમેર્યું કે આ વખતે પણ તેમનો આ પ્રયોગ સફળ નહીં થાય.

આધારકાર્ડમાં નામમાં ભૂલ છે ? તો ઘરે બેઠા કરી શકશો સુધારો, જાણો સમગ્ર પ્રોસેસ

આ ઉપરાંત, તાજેતરમાં પૂર્વ મંત્રી અરવિંદ રૈયાણીને પ્રદેશ ભાજપ દ્વારા આ બેઠક પર સક્રિય કરવાના મુદ્દે પણ ઉદય કાનગડે નિવેદન આપ્યું. તેમણે સ્પષ્ટતા કરી કે, અરવિંદભાઈ હંમેશા સક્રિય જ હતા અને આજે પણ સક્રિય છે. તેમણે જૂથવાદની વાતને નકારી કાઢતા કહ્યું કે, ભાજપ એક પરિવાર છે અને અહીં જૂથવાદ જેવું કંઈ નથી.

ચંદ્રગ્રહણ પર શનિદેવ બનાવશે દુર્લભ સંયોગ...આ રાશિના લોકો જીવશે રાજા જેવું જીવન !

આમ, ગોપાલ ઈટાલિયાની સભા અને તેના જવાબમાં ઉદય કાનગડના નિવેદનોએ રાજકોટ પૂર્વની રાજનીતિમાં ચર્ચાનું કેન્દ્ર બન્યું છે. ભાજપ અને આમ આદમી પાર્ટી વચ્ચેનો આ રાજકીય સંઘર્ષ આગામી સમયમાં વધુ રોચક બનશે તેવું જણાઈ રહ્યું છે.