રાજકોટમાં રહેતા હોય તો સાવધાન! આ ગેંગનો આતંક વધ્યો, એક મોબાઈલ ફોનો ભાંડો ફોડ્યો!

ગૌરવ દવે/રાજકોટ: રૂરલ પોલીસ હદમાં આવતા મેટોડા પોલીસ સ્ટેશન વિસ્તારના વડવાજડી ગામમાં દોઢ મહિના પહેલા ઘરફોડ ચોરીનો બનાવ બન્યો હતો. ચોર ટોળકીએ રોકડ રૂપિયા,સોનાના દાગીના ,મોબાઇલ ફોન અને બે મોટરસાયકલની ચોરી કરી હોવાનું સામે આવ્યું હતુ. પોલીસ આ કેસની તપાસ કરી રહી હતી દરમિયાન ચોરીમાં ગયેલો મોબાઇલ ફોન એક્ટિવ થયો હતો જેના આધારે પોલીસે તપાસ શરૂ કરી હતી. 

તારીખ અને વિસ્તાર સાથે અંબાલાલની સચોટ આગાહી! ગુજરાતના આ 'જિલ્લાવાળા' કરી લેજો તૈયારી

આ મોબાઇલ ફોન મધ્યપ્રદેશના અલીરાજપુર જિલ્લામાં હોવાનું સામે આવ્યું હતુ. જેના આધારે પોલીસે ત્યાં તપાસ હાથ ધરી હતી.મધ્યપ્રદેશ પોલીસની મદદથી પોલીસે એક સગીર સહિત ચાર શખ્સોને પકડી પાડ્યા હતા. પોલીસે આ શખ્સો પાસેથી ચોરીમાં ગયેલા રોકડ અને સોનાનો ચેઇન, એક મોબાઇલ અને એક મોટરસાયકલ કબ્જે કર્યું છે. હવે ઓળખી લો આ ચોર ટોળકીને જેના નામ છે. પોલીસે આ શખ્સોની ધરપકડ કરી કાયદેસરની કાર્યવાહી હાથ ધરી છે. 

કડાકા-ભડાકા સાથે અમદાવાદમાં જામ્યો વરસાદી માહોલ, એક કલાકમાં આ વિસ્તારો પાણી પાણી!

શું છે મોડસ ઓપરેન્ડી ?
પોલીસના કહેવા પ્રમાણે પકડાયેલા શખ્સો પૈકી જોહરૂ મોરબીના ટંકારામાં રહેતો હતો અને ખેતરમાં ભાગીયા તરીકે કામ કરતો હતો. આ ટોળકીનો મુખ્ય સૂત્રધાર જોહરૂ છે જે સૌરાષ્ટ્રના અલગ અલગ વિસ્તારોમાં રેકી કરતો હતો અને જો કોઇ સ્થળ અવાવરૂ અથવા તો જ્યાં ઓછી અવરજવર હોય તેવી જગ્યાને નિશાન બનાવતા હતા. આ ટોળકી બંધ મકાનને વધારે ટાર્ગેટ કરતા હતા અને ઘરમાં દરવાજાના નકૂચા તોડીને પ્રવેશ કરીને ત્યાંથી ચોરી કરીને ફરાર થઇ જતા હતા.

પોલીસના કહેવા પ્રમાણે ઘરફોડ ચોરી પહેલા અથવા ઘરચોરી પછી તેઓ મોટરસાયકલ ચોરી કરતા અને તે લઇને જ તેઓ ફરાર થઇ જતા હતા પોલીસના કહેવા પ્રમાણે આ શખ્સો ચોરી કરીને સીધા જ મઘ્યપ્રદેશ ભાગી જતા હતા અને ત્યાં એક સોની વેપારીને ચોરી કરેલું સોનું વેંચી દેતા હતા.પોલીસે આ સોની વેપારીની પણ શોધખોળ શરૂ કરી છે. 

“મારા પ્રેમીને છોડ...”, એક બોયફ્રેન્ડ માટે બહેનપણીની ઘાતકી હત્યા! એક એવી ઘટના જેનાથી

હાલ પોલીસે આ ટોળકીની પુછપરછ શરૂ કરી છે જ્યારે અન્ય એક આરોપી દિનેશ મસાનીયા ફરાર છે જેની પણ શોધખોળ શરૂ કરી છે. પોલીસના કહેવા પ્રમાણે પકડેલા આ શખ્સો વિરુદ્ધ મધ્યપ્રદેશમાં અનેક ગુનાઓ નોંધાયા છે જેમાં જીતેન ચૌહાણ વિરુદ્ધ આઠ ગુનાઓ,જોહરૂ બામણીયા વિરુદ્ધ પાંચ ગુનાઓ જ્યારે મહેન્દ્રસિંહ વિરુદ્ધ ચાર ગુનાઓ નોંધાયા છે.તમામ ગુનાઓ લૂંટ અને ચોરીના છે જેને લઇને પોલીસે મધ્યપ્રદેશ પોલીસની મદદ લઇને આગળની કાર્યવાહી હાથ ધરી છે. હાલ પોલીસે આ શખ્સોના રિમાન્ડ લેવાની તજવીજ હાથ ધરી છે ત્યારે જોવાનું રહેશે આ ટોળકીએ ગુજરાતમાં કેટલી ચોરીને અંજામ આપ્યો છે