 "રક્ષાબંધનના દિવસે અમદાવાદી બહેનોને AMC તરફથી મોટી ભેટ! કરાઈ મોટી જાહેરાત")
)
AMTS And BRTS Free Travel for Women on Raksha Bandhan: અગામી રક્ષાબંધનના તહેવારને ધ્યાને લઇ અમદાવાદ મહાનગરપાલિકા દ્વારા મહત્વનો નિર્ણય કરવામાં આવ્યો છે. મહત્વનું છે કે રક્ષાબંધન દિવસ દરમ્યાન મહિલાઓ પોતાના ભાઇને ઘરે જઇ રાખડી બાંધી શકે તેના માટે AMTS બસમાં વિનામૂલ્યે મુસાફરી કરવાનો નિર્ણય લેવામાં આવ્યો હતો. ત્યારબાદ બીઆરટીએસમાં પણ નિઃશુલ્ક મુસાફરીનો નિર્ણય લેવામાં આવ્યો છે. બહેનો પોતાના ભાઇને ઘરે જઇ રાખડી બાંધી રક્ષાબંધની ઉજવણી કરી શકે તે માટે આ નિર્ણય લેવામાં આવ્યો છે.
તમને જણાવી દઈએ કે અમદાવાદ મ્યુનિસિપલ ટ્રાન્સપોર્ટ સર્વિસ(AMTS) દ્વારા રક્ષાબંધનના તહેવારમાં મહિલાઓ એએમટીએસ બસમાં મફત મુસાફરી કરી શકશે તેવી જાહેરાત કરવામાં આવી હતી. AMTS કમિટીના ચેરમેન ધરમસિંહ દેસાઈએ જણાવ્યું હતું કે રક્ષાબંધનમાં મોટી સંખ્યામાં મહિલાઓ ભાઈને રાખડી બાંધવા માટે તેમના ઘરે જતી હોય છે.
AMTS અને BRTS બસમાં મહિલાઓ માટે રક્ષાબંધનના દિવસે મફત મુસાફરી કરવા દેવાનો નિર્ણય લેવામાં આવ્યો છે. સવારે બસના શરૂઆતથી લઈ રાત્રે બસ બંધ થાય ત્યાં સુધી કોઈ પણ રૂટ અને સ્થળની AMTS બસમાં મહિલાઓને ટિકિટ લેવાની રહેશે નહીં. ગત વર્ષે રક્ષાબંધનમાં 50 હજારથી વધુ મહિલાઓએ મુસાફરી કરી હતી. ચાલુ વર્ષે પણ રક્ષાબંધનના તહેવારમાં મહિલાઓને મફતમાં મુસાફરી કરી શકે તેઓ નિર્ણય લેવામાં આવ્યો હતો.
