ગુજરાતના દિવ્યાંગો માટે GSRTCમાં કંડકટરની 571 જગ્યાઓ માટે ભરતી: આ તારીખથી કરો અરજી

GSRTC Conductor Recruitment 2025: ગુજરાત રાજ્ય માર્ગ વાહન વ્યવહાર નિગમ (GSRTC) એ દિવ્યાંગ ઉમેદવારો માટે કંડક્ટરની કુલ 571 જગ્યાઓ પર સીધી ભરતીની જાહેરાત કરી છે. આ ભરતી ખાસ ઝુંબેશ હેઠળ દિવ્યાંગ અનામત જગ્યાઓની ઘટને પૂરી કરવા માટે કરવામાં આવી રહી છે. ઉમેદવારોની પસંદગી ફિક્સ પગારના ધોરણે કરવામાં આવશે.

પગાર અને જગ્યાની વિગતો

• પદનું નામ: કંડક્ટર
• કુલ જગ્યાઓ: 571
• ફિક્સ પગાર: પ્રથમ પાંચ વર્ષ માટે પ્રતિ માસ રૂ. 26,000

અરજી પ્રક્રિયા

• આ ભરતી માટે માત્ર દિવ્યાંગ ઉમેદવારો જ અરજી કરી શકશે. અરજી ઓનલાઈન માધ્યમથી કરવાની રહેશે.
• અરજી કરવાની વેબસાઇટ: https://ojas.gujarat.gov.in
• અરજી કરવાનો સમયગાળો: 16 સપ્ટેમ્બર 2025 થી 01 ઓક્ટોબર 2025 (રાત્રે 11:59 સુધી)
• પરીક્ષા ફી ભરવાનો સમયગાળો: 16 સપ્ટેમ્બર 2025 થી 03 ઓક્ટોબર 2025 (રાત્રે 11:59 સુધી)

અરજી કરતી વખતે, ઉમેદવારોએ પોતાનો ફોટોગ્રાફ (10 KB થી વધુ નહિ) અને સહી (10 KB થી વધુ નહિ) અપલોડ કરવાની રહેશે. ફોટાનું માપ 5 સે.મી. ઊંચાઈ અને 3.6 સે.મી. પહોળાઈ તથા સહીનું માપ 2.5 સે.મી. ઊંચાઈ અને 7.5 સે.મી. પહોળાઈ રાખવાનું રહેશે. બંને jpg ફોર્મેટમાં હોવા જોઈએ. ધ્યાન રાખો કે અરજીપત્રકમાં માત્ર પોતાનો જ ફોટો અને સહી અપલોડ કરવી, અન્યથા અરજી રદ થઈ શકે છે.

મહત્વપૂર્ણ સૂચનાઓ

• અરજી કરતાં પહેલાં, દરેક ઉમેદવારે જાહેરાત અને સૂચનાઓ ધ્યાનપૂર્વક વાંચવી જરૂરી છે.
• તમામ શૈક્ષણિક લાયકાત, ઉંમર, જાતિ, અને અનુભવના અસલ પ્રમાણપત્રો તમારી પાસે તૈયાર રાખવા અને તે મુજબ જ અરજીપત્રકમાં વિગતો ભરવી. ખોટી માહિતીના કારણે અરજી રદ થઈ શકે છે.
• ભરતી સંબંધિત તમામ નવીનતમ માહિતી GSRTCની સત્તાવાર વેબસાઇટ https://gsrtc.in પર મૂકવામાં આવશે, તેથી સમયાંતરે વેબસાઇટ જોતા રહેવું.
• અરજીપત્રકમાં તમારો મોબાઈલ નંબર અને ઈ-મેઈલ આઈ.ડી. અવશ્ય લખવો અને ભરતી પ્રક્રિયા પૂર્ણ થાય ત્યાં સુધી તે ચાલુ રાખવો ઉમેદવારના હિતમાં છે.