ખેરાલુમાં ભાજપના પૂર્વ ધારાસભ્યના ખેતરમાં ચોરી! ચંદનના બે વૃક્ષોની ચોરી, સમગ્ર પંથકમાં ચિંતાનું મોજું

Sandalwood Robbery: મહેસાણા જિલ્લાના ખેરાલુ તાલુકામાં ચંદન ચોરોનો આતંક વધી રહ્યો છે. આ ચોરો એટલા બેફામ બન્યા છે કે હવે તેઓ ભાજપના નેતાઓને પણ નિશાન બનાવી રહ્યા છે. ખેરાલુના પૂર્વ ધારાસભ્ય અને ભાજપના નેતા અજમલજી ઠાકોરના ખેતરમાંથી ચંદનના બે વૃક્ષોની ચોરી થઈ છે, જેની કિંમત આશરે 60,000 રૂપિયા હોવાનો અંદાજ છે.

અમદાવાદમાં જીવલણે રોગોનો આતંક! સોલા સિવિલમાં જ 7 દિવસમાં 15 હજાર કેસ, લોકોમાં ચિંતા

આ ઘટનાએ સમગ્ર પંથકમાં ચિંતાનું મોજું ફેલાવી દીધું છે. ચોરોએ રાત્રિના અંધારાનો લાભ લઈ અજમલજી ઠાકોરના ખેતરમાંથી બે મોટા ચંદનના વૃક્ષો કાપી નાખ્યા અને લાકડાં લઈને ફરાર થઈ ગયા. આ અંગેની જાણ થતાં જ અજમલજી ઠાકોરે તાત્કાલિક ખેરાલુ પોલીસને જાણ કરી હતી.

અ'વાદના SP રિંગ રોડ પર BMW કાર ચાલકે કર્યો કાંડ! બાઈકસવારને ઉલાળ્યો, વળ્યો કચ્ચરઘાણ

પોલીસે ફરિયાદ નોંધીને વધુ તપાસ હાથ ધરી છે, પરંતુ હજુ સુધી ચોરોનો કોઈ પત્તો લાગ્યો નથી. આ ઘટનાથી ખેરાલુ તાલુકાના ખેડૂતોમાં ભયનો માહોલ છે. છેલ્લા કેટલાક સમયથી આ વિસ્તારમાં ચંદન ચોરીની અનેક ફરિયાદો નોંધાઈ છે. ચોરો અવારનવાર ખેડૂતોના ખેતરોમાં ઘૂસીને કિંમતી ચંદનના વૃક્ષો કાપી જાય છે, જેના કારણે ખેડૂતોને ભારે નુકસાન વેઠવું પડે છે.

પૃથ્વીના ઈતિહાસમાં ઓગસ્ટ-2025 ત્રીજો સૌથી ગરમ મહિનો! શું આ છે પૃથ્વીના ખતરાની ઘંટડી?

આ ઘટના પરથી સ્પષ્ટ થાય છે કે ચંદન ચોરો નિશ્ચિંતપણે તેમના ગુનાઓ કરી રહ્યા છે. ખેડૂતોની માંગ છે કે પોલીસ આ મામલે કડક કાર્યવાહી કરે અને ચોરોને તાત્કાલિક પકડી પાડીને કાયદાનું શાસન સ્થાપે, જેથી ભવિષ્યમાં આવા બનાવો અટકી શકે.