 "પાટીદાર સમાજની દીકરીઓ માટે ગુજરાતના આ શહેરમાં બની સૌથી મોટી ગર્લ્સ હોસ્ટેલ, ફાઈવસ્ટાર હોટલ જેવી સુવિધા")
)
Patidar Samaj : ગુજરાતનો પાટીદાર સમાજ સતત પોતાના લોકો માટે કંઈક નવુ કરતો રહે છે. ત્યારે હવે સમાજની દીકરીઓ માટે ફાઈવ સ્ટાર હોટલ જેવી સુવિધા ધરાવતી આલિશાન હોસ્ટેલ બનાવવામાં આવી છે, એ પણ અમદાવાદમાં.
સરદારધામ દ્વારા પાટીદાર સમાજની દીકરીઓ માટે અમદાવાદમાં 14 માળની હોસ્ટેલ બનાવવામાં આવી છે. અમદાવાદના વૈષ્ણોદેવી વિસ્તારમાં આ વિશાળ ગર્લ્સ હોસ્ટેલનું નિર્માણ કરવામાં આવ્યું છે.
હોસ્ટેલની ખાસિયત
આ હોસ્ટેલ 650 રૂમ ધરાવે છે. 4 ટાવરમાં બનાવવામાં આવેલ હોસ્ટેલમાં ફાઈવ સ્ટાર હોટલ જેવી સુવિધાઓ દીકરીઓને આપવામાં આવશે. આ હોસ્ટેલમાં એકસાથે 1400 થી વધુ દીકરીઓ ભણતર માટે રહી શકે છે. અહીં સેલ્ફ ડિફેન્સથી માંડી તમામ કોર્સની સુવિધા કરાશે.
નવી હોસ્ટેલને કેમ જરૂર પડી
આ વિશે સરદારધામના અગ્રણીએ જણાવ્યું કે, અગાઉ સરદારધામ દ્વારા વૈષ્ણોદેવી સર્કલ ખાતે સરદામ ધામના મુખ્ય ઓફિસમાં પહેલી ગર્લ્સ હોસ્ટેલ બનાવવામાં આવી હતી, જેમાં 4500 દીકરીએ એડમિશન માટે અરજી કરી હતી, જેની સામે માત્ર 250 દીકરીઓને એડમિશન આપી શકાયું હતું. તેના બાદ ડિમાન્ડ વધતા નવી ગર્લ્સ હોસ્ટેલ બનાવવાનો નિર્ણય લેવાયો હતો.
જરૂરિયાદમંદને નિશુલ્ક એડમિશન મળશે
સરદામ ધામની પહેલી હોસ્ટેલમાં રૂ.1ના ટોકન ચાર્જમાં એડમિશન અપાતું હતું. પરતું નવી હોસ્ટેલમાં કેટલીક દીકરીને અપીલ હતી જે દીકરી સક્ષમ હોય તે યથાશક્તિ ફી આપી શકશે, સાથે જે દીકરીની પરિસ્થિતિ સારી ન હોય તેમને નિશુલ્ક એડમિશન અપાશે.
