ભુજની સંસ્કાર કોલેજમાં 'અમદાવાદવાળી'! એકતરફી પ્રેમમાં પાગલ યુવકે યુવતીનું ગળું કાપી નાખ્યું! હાલત ગંભીર

ભુજ: કચ્છની શૈક્ષણિક સંસ્થાઓમાં સુરક્ષા વ્યવસ્થા પર ફરી એકવાર સવાલો ઉભા થયા છે. ભુજની સંસ્કાર કોલેજની બહાર એક ગંભીર ઘટના બની છે, જ્યાં એક યુવકે બીસીએના પ્રથમ વર્ષમાં અભ્યાસ કરતી એક વિદ્યાર્થીની પર છરીથી હુમલો કર્યો હતો. આ હુમલામાં વિદ્યાર્થીની ગંભીર રીતે ઘાયલ થઈ છે. આ ઘટના ત્યારે બની જ્યારે યુવકે વિદ્યાર્થીની પર હુમલો કર્યો, ત્યારે તેને બચાવવા વચ્ચે પડેલા તેના મિત્રને પણ છરી વાગી હતી અને તે પણ ઘાયલ થયો હતો. બંને ઘાયલ વિદ્યાર્થીઓને તાત્કાલિક જી.કે. જનરલ હોસ્પિટલમાં વધુ સારવાર માટે ખસેડવામાં આવ્યા છે, જ્યાં વિદ્યાર્થીનીની હાલત ગંભીર હોવાનું જણાવાયું છે.

ગુજરાતમાં આગામી ત્રણ કલાક ભારેથી અતિભારે: આ જિલ્લાઓ માટે હવામાન વિભાગનુ ઓરેન્જ એલર્ટ

મુળ ગાંધીધામની અને હોસ્ટેલમાં રહી સંસ્કાર કોલેજમાં અભ્યાસ કરતી વિદ્યાર્થિનીને મળવા આવેલા એક યુવકે એક મિત્રને વાતચીત કર્યા બાદ અચાનક આવેશમાં આવી - યુવતીને ગળાના ભાગે છરીનો ઘા માર્યા હતો. ગાંધીધામના મોહીત સિધ્ધપુરાએ 19 વર્ષની સાક્ષી ખાનિયા નામની યુવતીને છરી મારતાં વચ્ચે પડેલા બન્નેના મિત્ર જયેશ ઠાકોર (ઉ.વ. 22) ઉપર પણ - હુમલો કરાયો હતો. યુવતી અને મિત્રને પણ છરીનો ઘા મારી આરોપી મોહીત છરી ફેંકી અને બાઇક મુકી નાસી ગયો હતો. યુવક - યુવતીને ઘાયલ હાલતમાં સારવાર માટે હોસ્પિટલમાં ખસેડવામાં આવ્યા હતા. 

દૈનિક રાશિફળ 29 ઓગસ્ટ: આજે દિવસ સાધારણ ફળદાયક, મિથુન રાશિએ પૈસા અંગે સાવચેત રહેવું

પોલીસને એવી પ્રાથમિક વિગતો મળી છે કે એક તરફી પ્રેમ કરતો ગાંધીધામમાં જ સાક્ષી ખાનિયા નામની યુવતીના પાડોશમાં જ રહેતો મોહીત સિધ્ધપુરા નામનો યુવક અન્ય સંબંધોની આશંકાના કારણે છરીથી હુમલો કરી નાસી હતો. જે મોડી રાત્રે ઝડપાયો હતો. હુમલો કર્યા બાદ આરોપી યુવક પોતાની ગાડી અને છરી ઘટના સ્થળે મૂકીને ભાગી ગયો હતો. આ ઘટના બાદ પોલીસ તાત્કાલિક ઘટના સ્થળે પહોંચી હતી અને સમગ્ર મામલે તપાસ હાથ ધરી છે. પોલીસ કાફલાની સાથે મહત્વની બ્રાન્ચના અધિકારીઓ પણ તપાસમાં જોડાયા છે.

પેટમાં અલ્સરની શરુઆત થાય ત્યારે દેખાતા લક્ષણો, જાણો અલ્સર મટાડવાનો આયુર્વેદિક ઈલાજ

આ ઘટનાએ ફરી એકવાર શૈક્ષણિક સંકુલોની સુરક્ષા પર ગંભીર પ્રશ્નો ઉભા કર્યા છે. સંસ્કાર કોલેજના આચાર્યએ આ ઘટનાને દુઃખદ ગણાવી છે અને આરોપી સામે કાયદેસરની કાર્યવાહી કરવાની વાત કહી છે. અગાઉ ભુજ, ગાંધીધામ અને આદિપુર જેવી જગ્યાઓ પર પણ આવા બનાવો સામે આવ્યા છે, જે દર્શાવે છે કે આ પ્રકારની ઘટનાઓ ચિંતાનો વિષય બની રહી છે.