 "કેશુભાઈના ગઢમાં બાપુની એન્ટ્રી, વિસાવદરની પેટાચૂંટણીમાં શંકરસિંહે ઝંપલાવ્યું, હવે ગુજરાતમાં થશે મોટો ખેલ")
Visavdar Byelection : ગુજરાતનું રાજકારણ ગરમાગરમ બન્યું છે. વિસાવદરની ચૂંટણી હજી સુધી જાહેર થઈ નથી, પરંતું રાજકીય પાર્ટીઓની સક્રિયતાને લઈને ગુજરાત ચર્ચાનું કેન્દ્ર બન્યું છે. આવામાં વિસાવદરની ચૂંટણીમાં આપ, કોંગ્રેસ અને ભાજપ બાદ ચોથી રાજકીય પાર્ટીની એન્ટ્રી થઈ છે. પ્રજા શક્તિ ડેમોક્રેટિક પાર્ટીના અધ્યક્ષ શંકરસિંહ વાઘેલાએ જૂનાગઢમાં બેઠક યોજી હતી.
શંકરસિંહ બાપુની એન્ટ્રી
વિસાવદરની પેટા ચૂંટણીને લઈને રાજકીય પક્ષોની હિલચાલ તેજ બની છે. ભાજપ અને આમ આદમી પાર્ટી બાદ હવે પ્રજા શક્તિ ડેમોક્રેટિક પાર્ટીની ગતિવિધિ તેજ બની છે. પૂર્વ મુખ્યમંત્રી શંકરસિંહ વાઘેલા જૂનાગઢની મુલાકાતે ગઈકાલે આવી પહોંચ્યા હતા. તો આજે તેઓ વિસાવદર ખાતે કાર્યકર્તાઓ સાથે સંવાદ કરશે. વિસાવદરની મુલાકાત પહેલાં શંકરસિંહ વાઘેલાએ ભાજપ અને કોંગ્રેસ પર પ્રહાર કર્યા હતા. તેમજ પ્રજા શક્તિ ડેમોક્રેટિક પાર્ટીને જીતાડવા લોકોને અપીલ કરી હતી.
બાપુ વિસાવદરમાં એક્ટિવ થયા
આમ, વિસાવદરની ચૂંટણી પહેલા ગુજરાતમાં મોટો પોલિટિકલ જંગ જામ્યો છે. આમ આદમી પાર્ટી એકલા હાથે વિસાવદરની ચૂંટણી લડશે, કોંગ્રેસે ગઠબંધન કરવાની ના પાડી દીધી. ભાજપ ચૂંટણીની જાહેરાત પહેલા ઉમેદવાર જાહેર કરે તે શક્યતા ઓછી છે. પરંતુ શંકરસિંહ બાપુ પણ અત્યારથી એક્ટિવ થઈ ગયા છે. વિસાવદરમાં શંકરસિંહ બાપુની પ્રજાશક્તિ ડેમોક્રેટિક પાર્ટીના સ્થાપક શંકરસિંહ વાઘેલાએ કામ કરવાનું શરૂ કરી દીધું છે.
આજે બાપુનું સંમેલન, પાર્ટીને મજબૂત કરશે
તેઓ 22 એપ્રિલ, 2025ના રોજ વિસાવદર ખાતે પ્રજાશક્તિ ડેમોક્રેટિક પાર્ટીના કાર્યકર્તા સંમેલનને યોજ્યું હતું. આ સંમેલન વિસાવદરના સુંદરબા બાગ હોલ ખાતે યોજાયું હતું. વિસાવદર વિધાનસભા બેઠક માટે સંભવિત પેટાચૂંટણી પહેલા યોજાઈ રહેલું આ સંમેલન રાજકીય રીતે ખૂબ જ મહત્વનું માનવામાં આવે છે. શંકરસિંહ વાઘેલા આ સંમેલન દ્વારા જૂનાગઢ જિલ્લાના વિસાવદર, ભેસાણ અને જૂનાગઢ ગ્રામ્ય વિસ્તારમાં પ્રજાશક્તિ પાર્ટીનું સંગઠન મજબૂત કરવાનો પ્રયાસ કરશે.
કેશુભાઈની બેઠક પર ગોપાલ ઈટાલિયા ઉમેદવાર
વિસાવદર બેઠક જૂનાગઢ જિલ્લામાં આવે છે. કેશુભાઈ પટેલ ગુજરાતના પ્રથમ ભાજપના મુખ્યમંત્રી હતા. વડાપ્રધાન નરેન્દ્ર મોદી મુખ્યમંત્રી બન્યા તે પહેલા તેઓ રાજ્યના મુખ્યમંત્રી હતા. તેમનો જન્મ વિસાવદરના લેઉવા પાટીદાર પરિવારમાં થયો હતો. રાજકોટ મહાનગરપાલિકામાંથી રાજકારણમાં પ્રવેશેલા કેશુભાઈ પટેલ પ્રથમ વખત રાજકોટમાંથી ધારાસભ્ય બન્યા હતા. પછી તેઓ ગોંડલ અને બાદમાં કાલાવડની સાથે ટંકારામાંથી જીત્યા, પરંતુ જ્યારે કેશુભાઈ પટેલ સીએમ બન્યા ત્યારે તેઓ વિસાવદરના ધારાસભ્ય હતા. કેશુભાઈ પટેલે 1995 થી 2002 દરમિયાન વિસાવદર બેઠક પરથી જીતની હેટ્રિક નોંધાવી હતી. જ્યારે તેમણે ભાજપ છોડ્યું ત્યારે તેઓ ગુજરાત પરિવર્તન પાર્ટીમાંથી ચૂંટણી લડ્યા હતા અને 2012માં ફરી જીત્યા હતા. તેમના અવસાન બાદ પેટાચૂંટણીમાં કોંગ્રેસનો વિજય થયો હતો. આ પછી આ સીટ તમારા ખાતામાં આવી ગઈ.
વિસાવદરની પેટાચૂંટણી કેમ આવી
ઉલ્લેખનીય છે કે વિસાવદર વિધાનસભા બેઠક પર ૨૦૨૨ની ચૂંટણીમાં આમ આદમી પાર્ટીના ભૂપત ભાયાણી વિજેતા બન્યા હતા. ભાજપના હર્ષદ રીબડીયાએ તેમની વિરુદ્ધ હાઈકોર્ટમાં પિટિશન દાખલ કરીને ગેરરીતિના આરોપ લગાવવામાં આવ્યા હતા. આ પિટિશનને કારણે વિસાવદર બેઠક પર ચૂંટણી યોજાઈ શકી નહોતી. જોકે, હર્ષદ રીબડીયાએ પિટિશન પરત ખેંચતા ચૂંટણી પ્રક્રિયા માટેનો માર્ગ સાફ થયો હતો. રાજકીય સૂત્રોનાં જણાવ્યા અનુસાર વિસાવદર બેઠક પર આગામી મહિનાઓમાં પેટાચૂંટણી જાહેર થઈ શકે છે.
વિસાવદરની પેટાચૂંટણી બનશે ફરી એક ઐતિહાસિક સમયગાળો?
આ તમામ પરિસ્થિતિઓને જોતા આ વર્ષે વિસાવદર વિધાનસભાની પેટા ચૂંટણી માત્ર એક રાજકીય ચૂંટણી નહીં, પણ એક ઐતિહાસિક સંજોગ બની શકે છે. જ્યાં જૂના નેતાઓની ભૂમિકા અને તેમના જૂના સંબંધો આજના રાજકીય દ્રશ્યોને કેવી રીતે અસર કરે છે તે જોવા મળશે.
શંકરસિંહ બાપુનું ચોથું પક્ષ કેટલું ફાવશે
વિસાવદર બેઠક માટે આમ આદમી પાર્ટીએ ગોપાલ ઇટાલિયાને ઉમેદવાર તરીકે જાહેર કર્યા છે, જ્યારે ભાજપ અને કોંગ્રેસે હજુ સુધી પોતાના ઉમેદવારની જાહેરાત કરી નથી. આ સ્થિતિમાં શંકરસિંહ વાઘેલાની એન્ટ્રી ચોથા પક્ષ તરીકે મહત્વપૂર્ણ બની શકે છે અને રાજકીય સમીકરણોમાં નવો વળાંક લાવી શકે છે.
)