Video : જામનગરમાં માતાએ બે બાળકોને તળાવમાં ધકેલીને કર્યો આત્મહત્યાનો પ્રયાસ

જામનગર : હાલમાં જામનગરના એક ચોંકાવનારા સમાચાર આવ્યા છે. અહીંના ફેમસ લાખોટા તળાવની ઘટનામાં માતાએ બે બાળકો સાથે ઝંપલાવીને આત્મહત્યાનો પ્રયાસ કર્યો હતો. આ ઘટનાના હવે સીસીટીવી ફૂટેજ સામે આવ્યા છે. 

હકીકતમાં ચાર દિવસ પહેલાં લાખોટા તળાવમાં આ દુર્ઘટના બની હતી. આ મામલે ફાયરમાં અકસ્માતે પડી જવાની નોંધ કરાઈ હતી. જોકે હવે સીસીટીવી ફૂટેજમાં ચોંકાવનારા દ્રશ્યો સામે આ્વ્યા છે. આ દ્રશ્યો પ્રમાણે માતાએ બાળકોનો તળાવમાં ઘા કરી પોતે પણ એમાં ઝંપલાવી દીધું હતું. જોકે ફાયરની ટીમે તાત્કાલિક સ્થળ પર પહોંચી ત્રણેયને બચાવ્યા હતા.