આ લાપરવાહી ગુજરાતમાં અનેક લોકોના જીવ લેશે! કોરોના હજી ગયો નથી ત્યાં PPE કીટ જાહેરમાં ફેંકી દેવાઈ

ચેતન પટેલ/સુરત: આપણે બધા જાણીએ છીએ કે કોરોના કાળમાં પીપીઈ કીટ, માસ્ક અને જીવનરક્ષક દવાઓ આપણા માટે રક્ષણાત્મક કવચ બન્યા હતા. પણ, સુરતના અઠવા લાઇન્સના પોલીસ હેડક્વાર્ટર પાસે આ "કવચ" હવે કચરાના ઢગમાં રઝળતું જોવા મળ્યું છે! હા, શું કહ્યું? પીપીઈ કીટ, માસ્ક, બાયોવેસ્ટ મેડિકલ અને એક્સપાયર થયેલી દવાઓ... આ બધું જાહેરમાં, ખુલ્લેઆમ કચરાની જેમ ફેંકાયેલું! તંત્રની આવી "જવાબદારી" જોઈને ખરેખર આશ્ચર્ય થાય છે, કે હજુ પણ કોરોના કેસો વધી રહ્યા છે ત્યારે આવી બેદરકારી કેવી રીતે થઈ શકે?

ડંકાની ચોટ પર લખી રાખજો! ગુજરાતમાં ભારેથી અતિભારે વરસાદની આગાહી, આ વિસ્તારોમાં એલર્ટ

જ્યારે કોરોના કાળમાં દરેક વ્યક્તિ આ પીપીઈ કીટ અને દવાઓ માટે આતુર હતી, ત્યારે આજે આ જ જીવનરક્ષક સામગ્રી સુરતના પોલીસ હેડક્વાર્ટર પાછળ કચરાના ઢગમાં પડેલી છે. શિપ પેક પીપીઈ કીટ, એક્સપાયર થયેલી વિટામિનની ગોળીઓ, અને બાયોવેસ્ટ મેડિકલ... આ બધું જાણે કોઈએ "જાહેર ડમ્પિંગ યાર્ડ" બનાવી દીધું હોય! અને હા, સુરત મહાનગરપાલિકાનું આરોગ્ય તંત્ર? ઓહ, તેમને તો ઘટના સ્થળે દોડી જવું પડ્યું, કારણ કે આવું "જવાબદાર" વર્તન તો બરદાસ્ત ન થાય, ખરું ને?

આ છે અમદાવાદ પ્લેન ક્રેશની બચાવ કામગીરીના રિયલ હીરોઝ, જાણો તેમના અનુભવો એમના જ શબ્દો

પાલિકાના આરોગ્ય વિભાગે તો તાત્કાલિક બાયોવેસ્ટના નિકાલની "મહાન" તજવીજ હાથ ધરી લીધી. પણ સવાલ એ છે કે, આટલો મોટો જથ્થો આવી રીતે ખુલ્લામાં કેવી રીતે ફેંકાયો? કઈ સંસ્થાની આ "ઉત્કૃષ્ટ" જવાબદારી છે? અને આ બધું શોધવા માટે હવે નોટિસ પાઠવવાની વાત થાય છે. એટલે કે, કચરો ફેંકાયો, હવે તપાસ થશે, પછી નોટિસ જશે, અને પછી? શું આવી બેદરકારી ફરી નહીં થાય?

Sonam Raghuvanshi ની જિંદગીમાં કોણ છે 'સંજય વર્મા'! કલાકો સુધી થતી વાતચીત, ફરી કેસ..

"આ ખૂબ જ ગંભીર બેદરકારી છે. બાયોવેસ્ટ મેડિકલનો નિકાલ વૈજ્ઞાનિક રીતે થવો જોઈએ. અહીં જાહેરમાં ફેંકાયેલો જથ્થો મળ્યો છે, જેનો નિકાલ કરવાની પ્રક્રિયા શરૂ કરી છે. કઈ સંસ્થાએ આ કર્યું તેની તપાસ થશે, અને કસૂરવારને નોટિસ આપીને BPMA એક્ટ હેઠળ કાર્યવાહી કરાશે."

270000000000 રૂપિયાનું મેગા કૌભાંડ, સ્માર્ટ સિટીના નામે 70000 લોકો સાથે છેતરપિંડી

તો બસ, હવે તંત્ર જાગ્યું છે, તપાસ થશે, નોટિસ જશે, અને કદાચ કાર્યવાહી પણ થશે. પણ શું આવી બેદરકારી રોકવા માટે આપણે હંમેશા કચરાના ઢગમાંથી સચ્ચાઈ શોધવી પડશે? આવું "જવાબદાર" તંત્ર જો આપણું રક્ષણ કરશે, તો ખરેખર ભગવાન જ ભરોસે! સુરતના આરોગ્ય તંત્રને આપણે બસ એટલું જ કહીશું – "જાગો, નહીં તો કચરો વધુ ફેલાશે!"