સુરતમાં બંધ હોટલમાં સેક્સ રેકેટનો પર્દાફાશ, પોલીસે ચાર વિદેશી યુવતીને મુક્ત કરાવી, બે આરોપી ઝડપાયા

સુરતઃ સુરતના જહાંગીરપુરામાંથી સેક્સ રેકેટ ઝડપાયું છે. બંધ હોટલમાં સેક્સ રેકેટનો પર્દાફાશ થયો છે. સુરતના જહાંગીરપુરામાં આવેલી હોટલમાં બંધનું પાટિયું મારી અંદર સેક્સ રેકેટ ચલાવવામાં આવી રહ્યું હતું. વોટ્સએપ દ્વારા ગ્રાહકોનો સંપર્ક કરવામાં આવતો હતો. પોલીસે આ બંધ હોટલમાં દરોડા પાડી ચાર વિદેશી યુવતીઓને મુક્ત કરાવી હતી.

બંધ હોટલમાં ગોરખધંધા
સુરતના જહાંગીરપુરા એક બંધ હોટલમાં આ સેક્સ રેકેટ ચાલી રહ્યું હતું. પોલીસને જાણ થતાં અહીં દરોડા પાડવામાં આવ્યા હતા. હોટલમાં વોટ્સએપના માધ્યમથી ગ્રાહકોનો સંપર્ક કરી બોલાવવામાં આવતા હતા. પોલીસના દરોડા દરમિયાન ત્યાંથી વિદેશી યુવતીઓ પણ મળી આવી હતી. પોલીસની રેડ દરમિયાન એક વ્યક્તિ દોરડું બાંધી ચોથા માળેથી ભાગી ગયો હતો. પોલીસ દ્વારા બે ઈસમોની ધરપકડ પણ કરવામાં આવી હતી.

પોલીસે પાડ્યા દરોડા
પ્રાપ્ત વિગત અનુસાર સુરતના જહાંગીરપુરામાં આવેલી એક બંધ હોટલમાં સેક્સ રેકેટ ચાલી રહ્યું હોવાની બાતમી પોલીસને મળી હતી. ત્યારબાદ પોલીસે અહીં દરોડા પાડ્યા હતા. પોલીસના દરોડામાં વિદેશી યુવતીઓ સહિત ગ્રાહકો મળી આવ્યા હતા. પોલીસે ગુનો નોંધી આગળની તપાસ હાથ ધરી છે.