વાપી નજીક આવેલા નામધા તળાવમાં ડૂબી જવાથી ત્રણ બાળકોના મોત

વલસાડઃ વાપીના નામધા તળાવમાં ડૂબી જતા 3 બાળકોના મોત થયા છે. તળાવમાં 10થી વધુ બાળકો નાહવા પડ્યા હતા. આ દરમિયાન ત્રણ બાળકો તળાના ઉંડા પાણીમાં ડૂબી ગયા હતા.  ઘટનાની જાણ થતાં પોલીસ અને ફાયરની ટીમ દોડી આવી હતી અને ત્રણેય મૃતદેહોને બહાર કાઢ્યાં હતા. ત્રણેય મૃતક બાળકો વાપીના ગીતાનગરના રહેવાસી હતા.  ઘટનાને લઇને સમગ્ર વિસ્તારમાં ગમગીનીનો માહોલ સર્જાયો હતો.