 "'તું અમારા ઘરની પનોતી છે', કહીને 28 વર્ષીય પરિણીતાને સાસરીમાં ફટકારી, દિયરે તો છેડતી કરી!")
Ahmdabad News: અમદાવાદ શહેરમાં મહિલાઓ પર સાસારિયાઓમાં માનસિક અને શારીરિક ત્રાસના અનેક કિસ્સાઓ પ્રકાશમાં આવતા હોય છે, ત્યારે શહેરના ચાંદખેડામાં 28 વર્ષીય પરિણીતાને નાની-નાની બાબતોમાં પરિણીતા સાથે બોલાચાલી દહેજની માંગણી કરીને ‘તું પનોતી છે’ કહીને ફટકારી હતી, એટલું જ નહીં, દિયરે તો છેડતી પણ કરી હતી. અંતે કંટાળીને પરિણીતાએ પતિ સહિત સાસરિયા સામે મહિલા પશ્ચિમ પોલીસ સ્ટેશનમાં ફરિયાદ નોંધાવી છે.
આ ઘટના વિશે મળતી માહિતી પ્રમાણે ચાંદખેડામાં 28 વર્ષીય પરિણીતાના લગ્ન 2022માં સરસપુરના યુવક સાથે થયા હતા. લગ્નના છ મહિના બાદ પતિ સહિત સાસરિયાઓએ નાની-નાની બાબતોમાં પરિણીતા સાથે બોલાચાલી કરી દહેજની માંગણી કરીને હેરાન પરેશાન કરવાનું શરૂ કર્યું હતુ.
ગત 21 માર્ચે 2024માં સાસરિયાઓએ પરિણીતાને તું અમારા ઘરમાં પનોતી આવી ગઈ છે. કહીને ઝઘડો કર્યો હતો. તેમજ દિયરે પરિણીતાની છેડતી કરી હતી. જેથી પરિણીતાએ પતિને કહેતા માર માર્યો હતો અને પત્નીને પુત્ર સાથે પિયરમાં મૂકી આવ્યો હતો.
બાદમાં સમાધાન થતા પરિણીતા સાસરીમાં રહેવા ગઈ હતી. તેમજ પતિએ દારૂ પીને ઝઘડો કર્યો હતો. અંતે કંટાળીને પરિણીતાએ પતિ સહિત સાસરિયા સામે મહિલા પશ્ચિમ પોલીસ સ્ટેશનમાં ફરિયાદ નોંધાવી છે.
)