 "Breakfast: ઉનાળામાં આ 5 વસ્તુઓને નાસ્તામાં કરો સામેલ, આખો દિવસ શરીર હાઈડ્રેટેડ રહેશે અને એનર્જી પણ વધશે")
)
Breakfast For Summer: ઉનાળાની શરૂઆત થઈ ગઈ છે અને આ ઋતુ દરમિયાન પાચન સંબંધિત સમસ્યાઓ વધી જાય છે. ગરમીના દિવસોમાં ભોજન બરાબર પચતું નથી અને ડિહાઇડ્રેશનનું જોખમ પણ રહે છે. આ સ્થિતિમાં સ્વસ્થ રહેવું હોય તો આહારમાં ફેરફાર કરવો જરૂરી છે. નિષ્ણાંતો અનુસાર ગરમીના દિવસોમાં વધારે પડતું મસાલેદાર કે તળેલું ભોજન કરવાનું ટાડવું જોઈએ.
જો તમે ઉનાળામાં હેલ્ધી રહેવા માંગો છો તો એવી વસ્તુઓ ખાવાનું રાખો જો શરીરને એનર્જી પણ આપે અને શરીરમાં પાણીનું પ્રમાણ પણ જળવાઈ રહે. ખાસ કરીને દિવસથી શરૂઆત તો હેલ્ધી વસ્તુઓ સાથે જ કરવી જોઈએ. ઉનાળામાં સવારે હેલ્ધી વસ્તુ ખાવાથી શરીરમાં આખો દિવસ એનર્જી રહે છે અને શરીરને ઠંડક પણ મળે છે.
આજે તમને જણાવીએ ઉનાળામાં સવારે કઈ કઈ વસ્તુઓને નાસ્તામાં સામેલ કરી શકાય છે. નાસ્તામાં આ હેલ્ધી વસ્તુઓને સામેલ કરવાથી શરીરમાં ઉર્જા રહે છે અને શરીર હાઇડ્રેટ પણ રહે છે.
જવનો દલિયા
ઉનાળામાં સવારે નાસ્તામાં જવનો દલિયા ખાઈ શકાય છે. આ દલિયા ઝડપથી પચી જાય છે અને પેટને ઠંડક પણ આપે છે. ઠંડી હોય છે તેથી ઉનાળામાં તેને ખાવાથી પાચનતંત્ર સારી રીતે કામ કરતું રહે છે.
ખજૂર
જો તમે સવારે નાસ્તો નથી કરતા તો પછી દિવસની શરૂઆત ખજૂર ખાઈને કરી શકો છો. ખજૂરમાં ફાઇબર, આયરન, કેલ્શિયમ, પોટેશિયમ ભરપૂર માત્રામાં હોય છે જે શરીરની સાથે પેટને પણ લાંબા સમય સુધી ભરેલું રાખે છે.
ફણગાવેલા મગ
ઉનાળામાં નાસ્તામાં ફણગાવેલા મગ ખાવા પણ ફાયદાકારક રહે છે. ફણગાવેલા મગ વિટામીન બી, ફાઇબર, પ્રોટીન, આયરન જેવા પોષક તત્વોથી ભરપૂર હોય છે. તે શરીરને ઘણા બધા ફાયદા કરે છે. સવારે મગ ખાવાથી પેટ કલાકો સુધી ભરેલું રહે છે જેના કારણે ઉનાળામાં પણ વજન ઘટાડવામાં મદદ મળે છે સાથે જ તેનાથી પાચનતંત્ર પણ દુરસ્ત રહે છે અને બ્લડ સુગર કંટ્રોલમાં આવે છે.
ઓટ્સ
ઉનાળાના નાસ્તા માટે સૌથી બેસ્ટ વિકલ્પ ઓટ્સ છે. ઓટ્સ પોષણથી ભરપૂર હોય છે અને તેનું પાચન પણ સરળતાથી થાય છે. ફાઇબરથી ભરપુર ઓટ્સ પાચનતંત્રને દુરસ્ત રાખવામાં પણ મદદ કરે છે. ઓટ્સ ખાવાથી પેટ કલાકો સુધી ભરેલું રહે છે. ઓટ્સ વજન કંટ્રોલ કરવામાં પણ મદદ કરે છે. ઓટ્સને તમે દૂધમાં પલાળીને અથવા તો પાણીમાં પકાવીને પણ ખાઈ શકો છો. ઓટ્સને વધારે ટેસ્ટી બનાવવા હોય તો તેમાં અલગ અલગ શાક અને મસાલા ઉમેરી ખીચડી બનાવીને પણ ખાઈ શકાય.
(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)
