 "Chia vs Flax Seeds: ચિયા સીડ્સ કે ફ્લેક્સ સીડ્સ, વજન ઘટાડવું હોય તેણે બેમાંથી કઈ વસ્તુ ખાવી ?")
)
Chia vs Flax Seeds: આજના સમયમાં લોકો પોતાના સ્વાસ્થ્યને લઈને જાગૃત રહેવા લાગ્યા છે. લોકો ફિટ રહેવા માટે વજન ઘટાડવાના અનેક પ્રયત્ન કરે છે. નિયમિત એક્સરસાઇઝથી લઈને સ્ટ્રીક્ટ ડાયટ ફોલો કરવા સુધીના પ્રયત્નો લોકો કરે છે. વેઇટ લોસ કરીને ફિટનેસ જાળવવામાં કેટલીક ખાસ વસ્તુઓનું સેવન પણ લોકો કરતા હોય છે. જેમકે ઘણા લોકો સવારે જાગીને હુંફાળા પાણીમાં લીંબુ ઉમેરીને પીવે છે, આ સિવાય વજન ઘટાડવા માટે ચિયા સીડ્સ અને ફ્લેક્સ સીડ્સનું સેવન પણ કરવામાં આવે છે. આ પ્રકારના ઉપાયો વિશે તમે પણ સાંભળ્યું હશે પરંતુ વજન ઘટાડવા માટે ખરેખર કઈ વસ્તુ મદદ રૂપ થાય તે ઓછા લોકો જાણે છે.
હેલ્થ એક્સપર્ટ અનુસાર ચિયા સીડ્સ અને ફ્લેક્સ સીડ્સ ને રાત્રે પાણીમાં પલાળી બીજા દિવસે સવારે પીવાથી વજન ઘટાડવામાં અને ઓવરઓલ હેલ્થ સુધારવામાં મદદ મળે છે. કારણ કે આ બંને વસ્તુ અલગ અલગ પોષક તત્વોથી ભરપૂર હોય છે. ચિયા સીડ્સ અને ફ્લેક્સ સીડ્સ વજન ઘટાડવામાં વધારે ફાયદાકારક શા માટે મનાય છે? ચાલો જાણીએ
હેલ્થ એક્સપર્ટ અનુસાર ચિયા સીડ્સ અને ફ્લેક્સ સીડ્સ બંને સુપરફૂડ છે કારણ કે તેમાં અલગ અલગ પોષક તત્વો ભરપૂર માત્રામાં હોય છે. જેમયે ચિયા સીડ્સમાં ઓમેગા 3 ફેટી એસિડ અને ફાઇબર ભરપૂર પ્રમાણમાં મળે છે જ્યારે ફ્લેક્સ સીડ્સમાં આલ્ફા લીલોનીક એસિડ ભરપૂર માત્રામાં હોય છે. આ બંને વસ્તુના અલગ અલગ ફાયદા છે. તેથી વ્યક્તિ એ પોતાના શરીરની જરૂરીયાત અનુસાર તેમને ડાયટમાં સામેલ કરવા જોઈએ.
ચિયા સીડ્સ અને ફ્લેક્સ સીડ્સ હાર્ટ માટે ખૂબ જ ફાયદાકારક ગણાય છે. બંને સીડ્સ ઈમ્યુન સિસ્ટમને પણ મજબૂત બનાવે છે અને પાચન પણ સુધારે છે.
જોકે ચિયા સીડ્સ અને ફ્લેક્સ સીડ્સ શરીર માટે જેટલા ફાયદાકારક છે એટલું નુકસાન પણ કરી શકે છે. હેલ્થ એક્સપર્ટ અનુસાર ચિયા સીડ્સ અને ફ્લેક્સ સીડ્સ રોજ એક નાની ચમચી જેટલા જ લેવા જોઈએ. આ બંને વસ્તુને પાણી અથવા દહીંમાં પલાળીને ખાવાથી ફાયદો થાય છે. સૌથી મહત્વનું છે કે બંને વસ્તુને પાણીમાં આખી રાત પલાળી બીજા દિવસે તેનું સેવન કરવું. આ બંને વસ્તુ વધારે માત્રામાં લેવામાં આવે તો પાચન સંબંધિત સમસ્યા થઈ શકે છે જેમાં ગેસ અને પેટમાં સોજા નો સમાવેશ થાય છે.
વજન ઘટાડવા માટે શું વધારે સારું?
હેલ્થ એક્સપર્ટ અનુસાર ચિયા સીડ્સમાં વધારે ફાઇબર હોય છે જે ભૂખને કંટ્રોલ કરે છે પરિણામે વજન ઘટાડવામાં મદદ મળે છે. ફ્લેક્સ સીડ પણ વજન મેનેજ કરવામાં મદદ કરે છે પરંતુ તેમાં ચિયા સીડ્સની સરખામણીમાં તેમાં ફાઇબર ઓછું હોય છે. ફાઇબરનું પ્રમાણ વધારે હોય છે તેથી તે વેઇટ લોસ માટે આદર્શ ગણાય છે.
(Disclaimer: અહીં આપેલી માહિતી અને ઘરગથ્થુ ઉપચાર સામાન્ય માહિતી પર આધારિત છે. તેને અપનાવતા પહેલા તબીબી સલાહ લેવી જોઈએ. ZEE24kalak તેની પુષ્ટિ કરતું નથી.)
