Bel Juice: ઉનાળામાં સવારે ખાલી બીલાનું શરબત પીવાથી થશે 5 જબરદસ્ત ફાયદા

Bel Juice Benefits: સવારના સમયે ખાલી પેટ બીલાનું શરબત પીવાથી ઘણા ફાયદા થાય છે. ખાસ તો ઉનાળામાં આ શરબત પીવાથી હેલ્થ સુધરે છે. બીલીના ઝાડના ફળને બોલચાલની ભાષામાં બીલા કહેવાય છે. આ ફળનો ઉપયોગ અથાણા બનાવવાથી લઈ શરબત બનાવવામાં કરવામાં આવે છે. આ ફળનો જ્યૂસ ઉનાળામાં પીવાથી લાભ થાય છે.

આ પણ વાંચો: કિડનીમાં સોજો આવે ત્યારે શરીરમાં દેખાય આ 5 ફેરફાર, ઈગ્નોર કરવાથી કિડની થઈ જાય ડેમેજ

બીલામાં વિટામિન સી, વિટામિન એ, બીટા કૈરોટીન, કેલ્શિયમ, ફાઈબર, આયરન અને અન્ય ઘણા પોષકતત્વો હોય છે. જે પાચનને સુધારે છે. સાથે જ તેનાથી ઈમ્યુન સિસ્ટમ બુસ્ટ થાય છે. 

સવારે ખાલી પેટ બીલાનું શરબત પીવાથી થતા લાભ

આ પણ વાંચો: રોજ 1 ચમચી ગુલકંદ ખાવાનું શરુ કરો, ગરમીના કારણે થતી 5 સમસ્યામાં દવા નહીં કરવી પડે

- બીલામાં નેચરલ ફાઈબર હોય છે જે ગેસ, કબજિયાત, એસિડિટી જેવી સમસ્યાને દુર કરવામાં મદદ કરે છે. તેને સવારે ખાલી પેટ પીવાથી પેટની સમસ્યાઓમાં લાભ થાય છે. 

- ગરમીના વાતાવરણમાં આ શરબત પીવું ફાયદાકારક છે. તેનાથી શરીરને ઠંડક મળે છે અને શરીરમાં પાણીની ઊણપ સર્જાતી નથી. તેને પીવાથી લૂથી બચી શકાય છે.

આ પણ વાંચો: Rice Kanji: ગટ હેલ્થ સુધારી, પેટની ગરમીને શાંત કરશે ચોખાની કાંજી, આ રીતે બનાવો ઘરે

- બીલાનું શરબત શરીરમાં રહેલી ગંદકીને સરળતાથી સાફ કરે છે. આ શરબત લીવર અને કિડનીની સફાઈમાં મદદ કરે છે.

- બીલામાં નેચરલ શુગર હોય છે. આ શરબત ડાયાબિટીસના દર્દી પણ પી શકે છે. પરંતુ તેની શરુઆત કરતા પહેલા એકવાર ડોક્ટર સાથે વાત કરી લેવી.

આ પણ વાંચો: ઉનાળામાં આ સમયે દહીં ખાવું સૌથી ખરાબ, માથાના દુખાવો, બ્લોટિંગ સહિતની તકલીફો વધી જશે

કેવી રીતે બનાવવું બીલાનું શરબત

બીલીના ફળનું શરબત બનાવવા માટે ફળને તોડી તેની અંદરનો ગર કાઢી અલગ રાખો. હવે તેમાં થોડું પાણી ઉમેરી બરાબર પેસ્ટ બનાવી લો. પેસ્ટને ગરણી વડે ગાળી લો અને પછી તેમાં મધ કે ગોળ અને જરૂર અનુસાર પાણી ઉમેરી શરબત તૈયાર કરો. આ શરબતને તમે ઠંડુ કરીને પણ દિવસ દરમિયાન પી શકો છો. સવારે ખાલી પેટ પીવું હોય તો તેને નોર્મલ પાણી સાથે તૈયાર કરી પીવું.

(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)