 "Eye Care Tips: હીટવેવના કારણે આંખમાં થઈ શકે છે આવી સમસ્યાઓ, આ રીતે ગરમીમાં આંખોનું ધ્યાન રાખો")
Eye Care Tips: એપ્રિલ મહિનાની શરૂઆતથી જ હીટ વેવની સ્થિતિ ઘણા બધા રાજ્યોમાં બની રહી છે. દેશના ઘણા ભાગોમાં તાપમાન અત્યારથી જ વધી ગયું છે જેના કારણે લૂ પણ પડવા લાગી છે. આવા વાતાવરણમાં સ્વસ્થ રહેવા માટે તરલ પદાર્થનું સેવન વધારે કરવું જોઈએ અને તડકામાં જવાથી પણ બચવું જોઈએ. હીટ વેવના કારણે ફક્ત શરીરને જ નહીં પરંતુ આંખને પણ સમસ્યા થઈ શકે છે.
વધારે પડતી ગરમી અને લૂ લાગવાના કારણે આંખમાં બળતરા, ડ્રાયનેસ, આંખ લાલ થઈ જવી, એલર્જી અને દ્રષ્ટિ સંબંધીત સમસ્યાઓ થઈ શકે છે. તેથી હીટ વેવમાં શરીરને બચાવવાની સાથે આંખનું પણ વિશેષ ધ્યાન રાખવું જોઈએ. આજે તમને જણાવીએ ઉનાળામાં આંખને કયા પ્રકારની સમસ્યાઓ થઈ શકે છે અને ગરમીથી આંખને બચાવવા માટે શું કરવું?
હીટ વેવના કારણે થતી સમસ્યાઓ
1. વધારે પડતી ગરમી અને પાણીની ઉણપના કારણે આંખમાંથી મોઈશ્ચર ઓછું થવા લાગે છે અને આંખ ડ્રાય થઈ જાય છે.
2. ગરમી અને લુના કારણે આંખ લાલ પણ થઈ જાય છે અને આ સમયે આંખમાં બળતરા થવા લાગે છે.
3. તડકાના કારણે ઉનાળામાં આંખની પ્રકાશ સહન કરવાની ક્ષમતા પણ ઘટી શકે છે.
4. ગરમીના દિવસોમાં આંખમાં વાયરલ ઇન્ફેક્શન થઈ શકે છે. આ સમયે બેક્ટેરિયલ ઇન્ફેક્શનનું જોખમ પણ વધી જાય છે.
5. ઘણી વખત ગરમીના દિવસોમાં પાણી ઓછું પીવાતું હોય અને ગરમી વધારે હોય તો આંખમાં ધૂંધળું દેખાવા લાગે છે.
આંખને હીટવેલથી બચાવવાના આયુર્વેદિક ઉપાય
- ત્રિફળા પાવડરને આખી રાત પાણીમાં પલાળી રાખો. સવારે કપડાં પડે આ પાણી ગાળી લેવું જેથી ત્રિફળાનો પાવડર અલગ થઈ જાય. હવે જે પાણી બચે તેનાથી આંખ ધોવાનું રાખો. ત્રિફળાના પાણીથી આંખ ધોવાથી ડ્રાઇનેસ અને બળતરા ઓછી થાય છે.
- ઉનાળામાં આંખને ઠંડક મળે તે માટે ગુલાબજળનો ઉપયોગ પણ કરી શકાય છે. દિવસ દરમિયાન રૂને ગુલાબજળમાં પલાળીને આંખ ઉપર રાખી શકાય છે.
- ચંદન પાવડર અને ગુલાબજળનો લેપ બનાવીને માથા પર અને આંખની આસપાસ લગાડવાથી પણ ઠંડક મળે છે.
- રાતના સમયે એલોવેરા જેલને આંખની આસપાસ લગાડી શકો છો તેનાથી ડ્રાયનેસ અને બળતરાથી શાંતિ મળે છે.
- દિવસમાં બે કે ત્રણ વખત કાકડીના ટુકડાને આંખ પર રાખવાથી પણ આંખને ઠંડક મળે છે.
(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)
)