 "Dry Eye Syndrome: કલાકો સુધી રીલ્સ જોવાની આદત આંખ માટે મોટું જોખમ, તાત્કાલીક વાંચો આ ચેતવણી")
)
Dry Eye Syndrome: જો કોઈ વ્યક્તિ કલાકો સુધી રીલ્સ જોવામાં સમય પસાર કરે છે તો તેનાથી તેનું માનસિક સ્વાસ્થ્ય ખરાબ થાય છે અને સાથે જ એક નવું સંકટ પણ ઊભું થાય છે. કલાકો સુધી સતત રીલ્સ જોયા કરવાથી આંખને પણ નુકસાન થાય છે. અલગ અલગ સોશિયલ મીડિયા પ્લેટફોર્મ પર અલગ અલગ પ્રકારની રીલ્સ કલાકો સુધી જોવાથી બાળકોમાં અને વયસ્કોમાં આંખ સંબંધિત સમસ્યાઓ ઝડપથી વધી રહી છે. નેત્ર રોગના નિષ્ણાંતો પણ આ અંગે લોકોને ચેતવણી આપે છે.
નેત્ર રોગના નિષ્ણાંતો અનુસાર વધારે પડતા સ્ક્રીન એક્સપોઝરના કારણે ડ્રાય આઈ સિન્ડ્રોમનું જોખમ વધી રહ્યું છે. ડ્રાય આઈ સિન્ડ્રોમના કારણે શરૂઆતથી સમયમાં આંખ ત્રાસી થઈ જવાના કેસમાં પણ વધારો થઈ રહ્યો છે. ખાસ કરીને એ બાળકો જે કલાકો સુધી રીલ્સ જોવે છે તેમને આંખમાં બળતરા અને ધૂંધળી દૃષ્ટિની ફરિયાદ વધારે હોય છે. છેલ્લા કેટલાક સમયથી આ પ્રકારની આંખની સમસ્યાઓના કેસ વધતા જાય છે.
નેત્ર રોગ નિષ્ણાંતોના જણાવ્યા અનુસાર એવા પણ કેસ સામે આવી રહ્યા છે જેમાં લાંબા સમય સુધી મોબાઈલનો ઉપયોગ કરવાના કારણે લોકોની આંખમાં સમસ્યા થઈ જાય અને પછી આંખમાંથી પર્યાપ્ત માત્રામાં આંસુ પણ ન આવતા હોય. ટૂંકમાં તેમની આંખો ડ્રાય થવા લાગે છે.
નેત્ર રોગ નિષ્ણાંતોનું કહેવું છે કે આકર્ષક રીલ્સ બનાવવા માટે તેને અલગ અલગ રીતે ડિઝાઇન કરવામાં આવે છે જેથી લોકોનું ધ્યાન સતત સ્ક્રીન પર કેન્દ્રિત રહે. રીલ્સ જોવાની લતના કારણે લોકો આંખ ઝપકાવવાનું પણ ઘટાડી નાખે છે જેના કારણે ડ્રાય આઈ સિન્ડ્રોમ અને દૂરની વસ્તુ પર ફોકસ કરવાની ક્ષમતાની સમસ્યા ઉભી થાય છે. નિષ્ણાંતો એ એવી ચેતવણી પણ આપી છે કે જો લોકો આ આદતમાં સુધારો ન કરે તો તેમને લાંબા સમયે દ્રષ્ટિ સંબંધિત ગંભીર સમસ્યા પણ થઈ શકે છે.
નિષ્ણાંતોનું કહેવું છે કે જે બાળકો રોજ કલાકો સુધી ફોન જોવે છે તેમનામાં શરૂઆતમાં માયોપીયા વિકસિત થવાનું જોખમ હોય છે. આ જોખમ હવે ઝડપથી વધી રહ્યું છે. ફોનની બ્લુ લાઈટના કારણે માથાનો દુખાવો, માઈગ્રેન અને ઊંઘ સંબંધિત સમસ્યાઓના દર્દીઓ પણ વધતા જાય છે.
આ સમસ્યાને ટાળવા માટે નેત્ર રોગ નિષ્ણાંતો 20-20-20 નો નિયમ પાડવાની સલાહ આપે છે. જેમકે દર 20 મિનિટે 20 સેકંડનો બ્રેક લઈ 20 ફૂટ દૂર જોવું. સાથે જ સ્ક્રીનને સતત જોવાને બદલે આંખ ઝપકાવવાનું પ્રમાણ વધારો. માનસિક સ્વાસ્થ્ય સુધારવા માટે ડિજિટલ ડીટોક્ષ શરૂ કરો.
(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)
