 "Pumpkin Seeds: કોળાના બીજ ખાવાથી હાર્ટથી લઈ મગજ સુધીના અંગો રહેશે હેલ્ધી, જાણો કોળાના બી ખાવાની સાચી રીત")
)
Pumpkin Seeds: આજની દોડધામ ભરેલી જીવનશૈલીમાં કામનું પ્રેશર, ખરાબ આહાર અને એક્સરસાઈઝના અભાવના કારણે લોકોને હાર્ટની બીમારી ઝડપથી થઈ જાય છે. જેમાં સૌથી મોટી સમસ્યા છે બેડ કોલેસ્ટ્રોલ વધી જવું. જરૂર કરતા વધારે કોલેસ્ટ્રોલ ધમનીઓમાં જામી જાય તો બ્લડ ફ્લો અટકી જાય છે. જેના કારણે હાર્ટ એટેકનું જોખમ વધે છે. આ સ્થિતિમાં દવા ખાવી તો જરૂરી છે જ પરંતુ તેની સાથે કેટલાક પ્રાકૃતિક ઉપાય પણ મદદરુપ સાબિત થઈ શકે છે. આ ઉપાયોમાંથી એક છે કોળાના બીજ.
એક રિસર્ચ અનુસાર કોળાના બી ફાઈબર અને હેલ્ધી ફેટ્સથી ભરપુર હોય છે. તેમાં ઓમેગા 3 અને ઓમેગા 6 ફેટી એસિડ હોય છે જે ખરાબ કોલેસ્ટ્રોલને ઘટાડે છે. અને ગુડ કોલેસ્ટ્રોલને વધારે છે. આ બીજમાં જે પોષકતત્વો હોય છે તે શરીરમાં કોલેસ્ટ્રોલના અવશોષણને રોકે છે. જેના કારણે હાર્ટ પ્રોબ્લેમનું રીસ્ક ઘટી જાય છે.
કોળાના બીજ બેડ કોલેસ્ટ્રોલને કંટ્રોલ કરવાની સાથે બ્લડ પ્રેશરને પણ સંતુલિત કરે છે. તેમાં મેગ્નેશિયમ હોય છે જે બ્લડ વેઈન્સને આરામ આપે છે. આ બી માનસિક સ્વાસ્થ્ય માટે પણ વરદાન છે. તેમાં રહેલા એમીનો એસિડ શરીરમાં જઈ સેરોટોનિન બનાવે છે જે સ્ટ્રેસ ઘટાડે છે અને સારી ઊંઘ લાવવામાં મદદ કરે છે. તેમાં ઝીંક હોય છે જે ઈમ્યૂન સિસ્ટમને મજબૂત કરે છે.
કોળાના બીજમાં વિટામિન ઈ અને કૈરોટેનોયડ્સ જેવા એન્ટી ઓક્સીડન્ટ હોય છે જે શરીરને હાનિકારક ફ્રી રેડિકલ્સથી બચાવે છે. તેનાથી વધતી ઉંમરની પ્રક્રિયા ધીમી થઈ જાય છે અને કોશિકાઓ હેલ્ધી રહે છે.
કોળાના બીજ ખાવાની સાચી અને ફાયદાકારક રીત
કોળાના બીજથી બધા જ પોષકતત્વો મેળવવા હોય તો તેને ધીમા તાપે શેકી લેવા અને સ્નેક્સ તરીકે ખાવા. આ સિવાય આ બીજને સલાડમાં, દહીં સાથે કે સ્મુધીમાં ઉમેરીને પણ ખાઈ શકાય છે. જો નિયમિત કોળાના બીજ ખાવા હોય તો આખા દિવસમાં 20 થી 30 ગ્રામની માત્રામાં જ ખાવા જોઈએ. તેનાથી વધારે બીજ ખાવાથી શરીરને નુકસાન પણ થઈ શકે છે.
(Disclaimer: અહીં આપેલી માહિતી અને ઘરગથ્થુ ઉપચાર સામાન્ય માહિતી પર આધારિત છે. તેને અપનાવતા પહેલા તબીબી સલાહ લેવી જોઈએ. ZEE24kalak તેની પુષ્ટિ કરતું નથી.)
