Health Tips: ખતરનાક બીમારીથી બચવું હોય તો દર 3 મહિને કરાવી લેવા આ 4 ટેસ્ટ

Basic Health Checkup Tests: આજની દોડધામ ભરેલી જિંદગીમાં દરેક વ્યક્તિ કોઈને કોઈ સ્વાસ્થ્ય સમસ્યાથી પરેશાન જોવા મળે છે. તેવામાં જરૂરી છે કે દરેક વ્યક્તિ પોતાના સ્વાસ્થ્યને લઈને સજાગ બને અને નાની નાની બાબતોમાં પણ બેદરકારી કરવાનો ટાળે. હેલ્થ એક્સપર્ટ અનુસાર દરેક વ્યક્તિએ સમયાંતરે કેટલાક હેલ્થ ટેસ્ટ કરાવવા જોઈએ. દર ત્રણ મહિને કેટલાક હેલ્થ ટેસ્ટ કરાવવા જરૂરી હોય છે. જો આ ટેસ્ટ કરાવી લેવામાં આવે તો ગંભીર બીમારી વિશે સમય રહેતા ખબર પડી શકે છે અને તેની સારવાર પણ ઝડપથી શરૂ થઈ શકે છે. આ ત્રણ ટેસ્ટ કર્યા છે ચાલો જાણીએ. 

આ પણ વાંચો: સીતોપલાદી ચૂર્ણમાં શું હોય છે ? ઉધરસમાં આ ચૂર્ણ કેવી રીતે લેવાથી ફાયદો કરે જાણો

Add Zee News as a Preferred Source

બ્લડ પ્રેશર 

બ્લડ પ્રેશર આજના સમયની એક સામાન્ય સમસ્યા બની ગઈ છે, તેથી લોકો તેની ગંભીરતાને ધ્યાને લેતા નથી પરંતુ તમને જણાવી દઈએ કે હાર્ટના સ્વાસ્થ્ય પર બ્લડ પ્રેશર ખરાબ રીતે અસર કરી શકે છે. હાઈ બીપીના કારણે હાર્ટની બીમારી, સ્ટ્રોક અને કિડની ફેલ થવાનું જોખમ પણ વધી જાય છે. તેથી બ્લડ પ્રેશર ટેસ્ટ કરાવો જરૂરી હોય છે આ ટેસ્ટ ખુબ જ સરળ હોય છે અને ઓછા ખર્ચે ઓછા સમયમાં થઈ શકે છે તેથી દર ત્રણ મહિને બ્લડ પ્રેશર ટેસ્ટ કરાવી લેવો જોઈએ. 

આ પણ વાંચો: ઠંડીમાં રોજ આ મીઠી વસ્તુ ખાઈ લેવી, એનીમિયાથી લઈ શરદી-ઉધરસની દવા નહીં ખાવી પડે

બ્લડ સુગર ટેસ્ટ 

ડાયાબિટીસ ખતરનાક બીમારી છે જે શરીરને ધીરે ધીરે ખતમ કરે છે. તેથી જ ડાયાબિટીસને સાયલન્ટ કિલર પણ કહેવામાં આવે છે. ડાયાબિટીસમાં ગંભીરતા વધી ન જાય તે માટે જરૂરી છે કે બ્લડ સુગર કંટ્રોલમાં રહે. તેથી બ્લડ સુગર ટેસ્ટ પણ કરાવવો જરૂરી છે. દર ત્રણ મહિને ફાસ્ટિંગ અને પોસ્ટ મીલ બ્લડ સુગર ટેસ્ટ કરાવી લેવું જોઈએ. ખાસ કરીને એવા લોકોએ જેમના પરિવારમાં પહેલાથી જ કોઈ ડાયાબિટીસના દર્દી હોય તો તેમણે તો દર ત્રણ મહિને ટેસ્ટ કરાવવો જ જોઈએ. 

આ પણ વાંચો: અસ્થમાના દર્દીઓને પરેશાન કરી શકે છે ફટાકડાનો ધુમાડો, દિવાળી પર આ વાતોનું રાખો ધ્યાન

કોલેસ્ટ્રોલ ટેસ્ટ 

કોલેસ્ટ્રોલ ટેસ્ટ કે લિપિડ પ્રોફાઈલ પણ દર ત્રણ મહિને કરાવવું જોઈએ. તેનાથી ખબર પડે છે કે શરીરમાં બેડ કોલેસ્ટ્રોલનું લેવલ કેટલું વધ્યું છે કે ઘટ્યું છે. શરીરમાં વધતું બેડ કોલેસ્ટ્રોલ ઘણી બધી ગંભીર સમસ્યા સર્જી શકે છે તેથી જ કોલેસ્ટ્રોલ ટેસ્ટ કરાવી લેવું જોઈએ જેથી હાર્ટ સંબંધિત બીમારીથી બચી શકાય. 

આ પણ વાંચો: ધમનીઓ બ્લોક થવાનું જોખમ ઘટાડી શકે છે આ 3 ડ્રિંક્સ, બ્લડ સર્કુલેશન સુધારશે આ પીણા

CBC 

CBC એક બેઝિક ટેસ્ટ છે જેને કરાવવાથી શરીર સંબંધિત મહત્વની જાણકારી મળે છે. આ ટેસ્ટના માધ્યમથી જાણી શકાય છે કે શરીરમાં રેડ બ્લડ સેલ્સ, વાઈટ બ્લડ સેલ્સ, હિમોગ્લોબીન અને પ્લેટલેટ કાઉન્ટ કેટલા છે. શરીરમાં કોઈ ગંભીર બીમારી વધી રહી હોય તો તેના લક્ષણો વિશે પણ આ ટેસ્ટ વડે જાણી શકાય છે.

(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)