યુવાનોમાં ઝડપથી ફેલાઈ રહી છે આ બીમારી, તે 'સાયલન્ટ કિલર'ની જેમ બનાવે છે શિકાર

Health News: હાઇપરટેન્શન એટલે કે હાઇ બ્લડ પ્રેશરનું નામ તમે જરૂર સાંભળ્યું હશે. એક સમય હતો જ્યારે આ બીમારી મોટી ઉંમરના લોકો સાથે જોડાયેલી માનવામાં આવતી હતી, પરંતુ હવે સ્થિતિ ઝડપથી બદલાઇ રહી છે. આજના સમયમાં ખાસ કરી યુવાઓમાં હાઇપરટેન્શન એક સામાન્ય સમસ્યા બની રહી છે. નિષ્ણાંતો પ્રમાણે તે સાયલન્ટ કિલરની જેમ ચુપચાપ શરીરને નુકસાન પહોંચાડી રહી છે અને તેના લક્ષણ પણ જોવા મળતા નથી. 

રિપોર્ટ્સમાં ભયાનક વાત બહાર આવી
ઘણા આરોગ્ય સંબંધિત અહેવાલોમાં જાણવા મળ્યું છે કે હાઇપરટેન્શન ફક્ત બ્લડ પ્રેશરની સમસ્યા નથી, પરંતુ તે મેટાબોલિક ડિસફંક્શન, સબક્લિનિકલ એથરોસ્ક્લેરોસિસ અને ફેટી લીવર જેવા ઘણા ગંભીર રોગો સાથે પણ સંબંધિત છે. સામાન્ય સ્વાસ્થ્ય પરીક્ષણોમાં આ બધી સમસ્યાઓ ઘણીવાર અવગણવામાં આવે છે. નિષ્ણાતોના મતે, ક્યારેક હૃદય રોગના શરૂઆતના સંકેતો એવા લોકોમાં પણ જોવા મળે છે જેમનામાં કોઈ સ્પષ્ટ લક્ષણો દેખાતા નથી. વધુમાં, ફેટી લીવરની સમસ્યા એવા લોકોમાં પણ જોવા મળી હતી જેમના લીવર એન્ઝાઇમ સામાન્ય હતા.

ડોક્ટરે આપી આ માહિતી
નિષ્ણાતો માને છે કે ખાસ કરીને મોટા શહેરોમાં, જ્યાં બિન-ચેપી રોગો ઝડપથી વધી રહ્યા છે, ત્યાં સમયસર નિવારણ, વહેલા નિદાન અને જીવનશૈલીમાં સુધારો જેવા પગલાં લેવા ખૂબ જ મહત્વપૂર્ણ છે. દિલ્હીના પ્રખ્યાત ડૉ. સુરનજીત ચેટર્જી સાથે હાઈપરટેન્શનના વધતા ખતરા વિશે વાત કરી. તેમણે કહ્યું કે હાઈ બ્લડ પ્રેશર એક શાંત રોગ છે, જે ઘણીવાર કોઈ પણ લક્ષણો વિના વિકસે છે. જો તેને સમયસર નિયંત્રિત ન કરવામાં આવે તો તે હૃદય રોગ, સ્ટ્રોક, કિડનીની સમસ્યાઓ અને અન્ય ઘણી ગંભીર બીમારીઓનું કારણ બની શકે છે.

હાઇપરટેન્શન કેમ અને કઈ રીતે થાય છે?
ડો. ચેટર્જી અનુસાર હાઇપરટેન્શનના ઘણા કારણ હોય છે. તેમાં લાઇફસ્ટાઇલ, પર્યાવરણ અને આનુવંશિક તત્વ મુખ્ય છે. તેના અન્ય કારણ પણ છે

વૃદ્ધાવસ્થા
મીઠું અને પ્રોસેસ્ડ ખોરાકનું વધુ પડતું સેવન
વધારે વજન અથવા સ્થૂળતા
શારીરિક પ્રવૃત્તિઓનો અભાવ
દારૂ અને ધૂમ્રપાન
લાંબા સમય સુધી ચાલતો તણાવ
કૌટુંબિક ઇતિહાસ
કિડની રોગ અથવા હોર્મોનલ અસંતુલન (આ ગૌણ હાયપરટેન્શનનું કારણ બની શકે છે)

આ પણ વાંચોઃ વારંવાર પેશાબ જ નહીં, આ 5 સંકેતો પણ કરે છે ડાયાબિટીસ હોવાનો ઈસારો, જાણો

હાઇપરટેન્શનના સંભવિત ખતરા
જો સમયસર હાઈ બ્લડ પ્રેશરની સારવાર ન કરવામાં આવે તો તે શરીરના ઘણા મહત્વપૂર્ણ અવયવોને નુકસાન પહોંચાડી શકે છે.
હૃદય રોગ (જેમ કે હૃદયરોગનો હુમલો, હૃદયની નિષ્ફળતા, અનિયમિત ધબકારા)
ન્યુરોલોજીકલ સમસ્યાઓ (જેમ કે સ્ટ્રોક)
કિડની રોગ અને કિડની નિષ્ફળતા
આંખોને લોહી પહોંચાડતી ધમનીઓને નુકસાન, જેનાથી દ્રષ્ટિ ગુમાવી શકાય છે.
પગમાં લોહીનો પ્રવાહ ઓછો થવો
જ્યારે ડાયાબિટીસ અને સ્થૂળતા એકસાથે અસ્તિત્વમાં હોય છે ત્યારે જોખમ અનેકગણું વધી જાય છે.

આ બીમારીથી બચવાના ઉપાય
ડોક્ટર પ્રમાણે હાઇપરટેન્શનથી બચાવ માટે પોઝિટિવ એપ્રોચ ખૂબ જરૂરી છે.

સંતુલિત આહાર અપનાવોઃ નમક ઓછું ખાવ, ફળ, શાકભાજી અને આખા અનાજનું વધુ સેવન કરો.
નિયમિત વ્યાયામ કરોઃ તે વજન નિયંત્રણ અને બ્લડ પ્રેશર ઘટાડવામાં મદદ કરે છે.
દારૂ અને તમાકુથી બચોઃ તેનાથી બ્લડ પ્રેશર વધે છે અને લોહીની ધમનિઓને નુકસાન પહોંચે છે.
વધુ ચિંતા ન કરોઃ યોગ, ધ્યાન, અને ઊંડા શ્વાસ લેવા જેવી તકનીકનો પ્રયોગ કરો.
નિયમિત તપાસ કરાવોઃ લક્ષણ ન દેખાવા પર પણ હાઇપરટેન્શન હોઈ શકે છે.
સ્વાસ્થ્યનું ધ્યાન રાખોઃ ઇમેજિંગ અને સ્ક્રીનિંગથી ફેટી લિવર કે એથેરોસ્ક્લેરોસિસ જેવા જોખમો વિશે પહેલાથી જાણી શકાય છે.

Disclaimer: પ્રિય પાઠક, અમારા આ સમાચાર વાંચવા માટે આભાર. આ સમાચાર તમને જાગરૂત કરવાના ઈરાદાથી લખવામાં આવ્યા છે. અમે તેને લખવામાં ઘરેલુ નુસ્ખા અને સામાન્ય જાણકારીની મદદ લીધી છે. તમે સ્વાસ્થ્ય સાથે જોડાયેલા કોઈ ઉપાય અજમાવતા પહેલા ડોક્ટરની સલાહ લો.