ફેટી લિવરના દર્દીમાં વધી રહ્યો છે લિવર કેન્સરનો ખતરો, સમય રહેતા કંટ્રોલ કરો આ બીમારી

Health News: દેશમાં દર ત્રીજો વ્યક્તિ ખરાબ પાચન અને ફેટી લિવરની ઝપેટમાં છે. લિવરના સ્વાસ્થ્યને લઈને તાજેતરમાં થયેલા સ્ટડીમાં ચોંકાવનારો ખુલાસો થયો છે. લાંબા સમય સુધી લિવર પર જમા રહેનાર ફેટ લોકોને કેન્સરના દર્દી બનાવી રહ્યાં છે. જો તમે વિચારી રહ્યાં છો કે લિવર સમસ્યાની તો એક ચેન છે. પહેલા ફેટી લિવર, પછી સિરોસિસ અને છેલ્લે કેન્સર તો તમને જણાવી દઈએ કે હવે આ બીમારી સાયકલને તોડી રહી છે. સ્ટડીમાં સામેલ એક તૃતીયાંષ દર્દીઓમાં ફેટી લિવર બાદ સિરોસિસ નહીં સીધુ કેન્સર ડિડક્ટ થઈ રહ્યું છે.

સમસ્યા તો એ છે કે દુનિયાભરમાં દર વર્ષે 9 લાખ નવા કેસ સામે આવે છે. જે 2050મા વધી 15 લાખથી વધુ થઈ જશે. અત્યારે દુનિયામાં 7 લાખ લોકોના જીવ લિવર કેન્સરથી જઈ રહ્યાં છે. જ્યારે લાન્સેટના રિપોર્ટ પ્રમાણે લિવર કેન્સરથી થનારા 60 ટકા મોતને રોકી શકાય છે. જો તમે પણ કેટલીક વાતનું ધ્યાન રાખશો તો આ બીમારીથી બચી શકાય છે. સ્વામી રામદેવ પાસેથી જાણો લિવરને સ્વસ્થ કઈ રીતે રાખવું અને ફેટી લિવરથી કઈ રીતે બચવું?

ફેટી લિવરના લક્ષણો
પેટમાં દુખાવો
થાક-નબળાઈ
ત્વચા-આંખોમાં પીળો પડવો
પગ-પગની ઘૂંટી-પેટમાં સોજો
ભૂખ ન લાગવી
ઉલટી થવી

લિવર કેન્સરથી કઈ રીતે બચી શકાય?
4 મોટા કારણો પર કાબૂ મેળવી લિવર કેન્સરની સમસ્યાને ઘટાડી શકાય છે. તેનાથી 60 ટકા મોતનો ખતરો ઓછો થઈ શકે છે. જેમાં પ્રથમ છે હેપેટાઇટિસ B-C ના ખતરાને ઘટાડવામાં આવે. બીજું દારૂથી બચવાનું છે જે લિવરનો દુશ્મન છે. ત્રીજુ મોટાપો અને ચોથું ડાયાબિટીસ, જે લિવરને નુકસાન પહોંચાડે છે.

લિવર રોગો
પહેલા ફેટી લિવર
પછી લિવર સિરોસિસ
પછી લિવર ફાઇબ્રોસિસ
પછી લિવર કેન્સર

આ પણ વાંચોઃ સવારે બાથરુમમાં દેખાય છે આંતરડાના કેન્સરની શરુઆતનું લક્ષણ, ઈગ્નોર કરશો તો હેરાન થશો

લિવરની બીમારીથી કઈ રીતે બચવું?
ફેટી લિવર કે લિવરની કોઈ સમસ્યાથી બચવું હોય તો સૌથી પહેલા ડાયટમાં તળેલું ભોજન ઓછું કરી દો. તમારે મસાલેદાર ભોજનનું સેવન પણ ઓછું કરવાનું છે. ફેટી ફૂડ્સનું સેવન ઘટાડવાનું છે. જંક ફૂડથી દૂર રહેવાનું છે અને રિફાઇન્ડ સુગર તથા આલ્કોહોલથી દૂર રહો. આ વસ્તુના સેવનથી દૂર રહી તમે લિવરની સમસ્યામાં કાબૂ મેળવી શકો છો. જે લોકો લિવરને હેલ્ધી રાખવા ઈચ્છે છે તેણે ભોજનમાં સિઝનલ ફળ, સંપૂર્ણ અનાજ અને લો ફેટ ડેરી પ્રોડક્ટ્નો ઉપયોગ કરવો જોઈએ.

ફેટી લિવર કઈ બીમારીમાં વધુ થાય છે?
જો તમને હાઈ કોલેસ્ટ્રોલની સમસ્યા છે તો ફેટી લિવર થઈ શકે છે. જેને મેદસ્વિતા, ડાયાબિટીસ, થાઇરોઇડની સમસ્યા છે તેને પણ ફેટી લિવર થશે. સ્લીપ એન્પિયા અને ઇનડાયજેશનની સમસ્યાથી પરેશાન લોકોમાં પણ ફેટી લિવરની ફરિયાદ જોવા મળે છે.

લિવર શું કામ કરે છે?
લિવર શરીરનું સૌથી મોટું અને મજબૂત અંગ છે. લિવરનું કામ ખૂબ મહત્વનું છે. તે આપણા ખોરાકમાંથી ઉત્સેચકો બનાવે છે. તે લોહીને ફિલ્ટર કરે છે અને શરીરમાંથી ઝેરી તત્વો દૂર કરે છે. લિવર લોહીમાં કોલેસ્ટ્રોલને પણ નિયંત્રિત કરે છે. પાચન, પ્રોટીન બનાવવું, રોગપ્રતિકારક શક્તિ વધારવી એ પણ લિવરના કાર્યો છે.

Disclaimer: પ્રિય પાઠક, અમારા આ સમાચાર વાંચવા માટે આભાર. આ સમાચાર તમને જાગરૂત કરવાના ઈરાદાથી લખવામાં આવ્યા છે. અમે તેને લખવામાં ઘરેલુ નુસ્ખા અને સામાન્ય જાણકારીની મદદ લીધી છે. તમે સ્વાસ્થ્ય સાથે જોડાયેલા કોઈ ઉપાય અજમાવતા પહેલા ડોક્ટરની સલાહ લો.