 "Heart Attack: એકલા હોય અને હાર્ટ એટેક આવે તો શું કરવું ? આ ટીપ્સ ફોલો કરવાથી બચી જશે જીવ")
Heart Attack: હાર્ટ સંબંધિત બીમારીઓ ભારતમાં ઝડપથી વધી રહી છે. યુવાનો જ નહીં બાળકોને પણ હાર્ટ એટેક આવે તેવી ઘટના બને છે. હાર્ટ એટેકની જીવલેણ સ્થિતિને ટાળવા માટે લાઈફસ્ટાઈલ અને ખાનપાનમાં સુધાર સાથે કેટલીક ઈમરજન્સી ફર્સ્ટ એડ વિશે શીખવું પણ જરૂરી છે. જેમકે હાર્ટ એટેક આવે તો દર્દીને સીપીઆર કેવી રીતે આપવાનું હોય. કેટલીક જીવન જરૂરી દવાઓ વિશે જાણકારી હોવી જોઈએ. આમ તો હાર્ટ એટેકની સ્થિતિમાં શું કરવું એ ઘણા લોકોને ખબર પણ હોય છે. પરંતુ વ્યક્તિ એકલી હોય અને હાર્ટ એટેક થાય તો શું કરવું આજે તમને જણાવીએ.
હાર્ટ એટેકના લક્ષણોને સમજો
હાર્ટ એટેક આવે ત્યારે શું કરવાથી જીવ બચે તે જાણતા પહેલા એ જાણવું જરૂરી છે કે હાર્ટ એટેક છે કે નહીં. જો હાર્ટ એટેક હોય તો છાતીમાં દુખાવો અને ભાર અનુભવાય છે. આ દુખાવો છાતીથી શરુ થાય છે અને પછી ખભા, જડબા અને પીઠ સુધી જાય છે. આ સાથે શ્વાસ લેવામાં સમસ્યા થાય છે. ઠંડો પરસેવો થાય છે, નબળાઈ લાગવા લાગે છે. આ કેટલાક સામાન્ય લક્ષણ છે જે હાર્ટ એટેક દરમિયાન જોવા મળે છે.
એસ્પિરિનની ગોળી ચાવીને ખાવી
હેલ્થ એક્સપર્ટ અનુસાર આજના સમયમાં દરેક વ્યક્તિએ ઘરમાં એસ્પિરિનની ગોળી હાથવગી રાખવી જોઈએ. જો જરા પણ જોખણ જેવું અનુભવાય અને આસપાસ કોઈ ન હોય તો સૌથી પહેલા એસ્પિરિનની ગોળી લઈ ચાવીને ખાઈ જવી. એસ્પિરિન બ્લડ ક્લોટ બનવાની ગતિને સ્લો કરી નાખે છે અને હૃદય સુધી બ્લડ આરામથી પહોંચે છે. એસ્પિરિન બ્લડ થિનરનું કામ કરે છે. એવા લોકો જેમને હાર્ટ સંબંધિત સમસ્યા પહેલાથી હોય તેમણે પોતાની સાથે એસ્પિરિન રાખવી જ જોઈએ.
કફ સીપીઆર
હેલ્થ એક્સપર્ટ અનુસાર જો કોઈ વ્યક્તિ એકલી હોય અને તેને હાર્ટ એટેક આવે તો તેણે તુરંત કફ સીપીઆર શરુ કરવું જોઈએ. કફ સીપીઆરમાં વ્યક્તિએ જોર-જોરથી શ્વાસ લઈ ઉધરસ ખાવાનું શરુ કરી દેવું જોઈએ. આમ કરવાથી હાર્ટ પર દબાણ આવે છે અને શરીરમાં બ્લડ સપ્લાય થતું રહે છે. આવું ત્યાં સુધી કરતા રહેવું જ્યારે સુધી તમને પ્રાઈમરી હેલ્પ ન મળી જાય અથવા કોઈ દ્વારા સીપીઆર ન મળે. ત્યારબાદ તુરંત હોસ્પિટલ પહોંચી જવું.
કોણે એસ્પિરિનની ગોળી સાથે રાખવી જોઈએ ?
- ડાયાબિટી હોય.
- બેડ કોલેસ્ટ્રોલ લેવલ વધારે રહેતું હોય.
- મેટાબોલિક સિંડ્રોમ હોય.
- હાઈ બીપી હોય
- હાર્ટ સંબંધિત કોઈ બીમારી હોય
(Disclaimer: અહીં આપેલી માહિતી અને ઘરગથ્થુ ઉપચાર સામાન્ય માહિતી પર આધારિત છે. તેને અપનાવતા પહેલા તબીબી સલાહ લેવી જોઈએ. ZEE24kalak તેની પુષ્ટિ કરતું નથી.)
)