8th Pay Commission: સરકારી કર્મચારીઓ માટે સારા સમાચાર! નવા પગાર પંચમાં બદલાઈ શકે છે HRAની ગણતરી, જાણો લેટેસ્ટ અપડેટ

8th Pay Commission: કેન્દ્ર સરકારના કર્મચારીઓ માટે એક સારા સમાચાર છે. આઠમાં પગાર પંચના લાગૂ થયા બાદ તેમના પગારમાં જબરદસ્ત ઉછાળો જોવા મળશે. આઠમાં પગાર પંચની ચર્ચા હવે તેજ થઈ છે. દરેક પગાર પંચ સેલરી સ્ટ્રક્ચરને તો બદલે છે પરંતુ તેની સાથે સાથે મોંઘવારી ભથ્થું(DA), ફિટમેન્ટ ફેક્ટર અને સૌથી મહત્વનું HRA એટલે કે મકાનભાડા ભથ્થાના દરો ઉપર પણ સીધી અસર કરે છે. આવામાં મોટો સવાલ એ છે કે શું આઠમાં પગાર પંચમાં HRA ના દરોમાં ફેરફાર થશે? જવાબ છે- મોટાભાગે શક્ય છે, અને તેની પાછળ નક્કર કારણો પણ છે. 

HRA ના દરો કેવી રીતે બદલાય છે?
દરેક પગાર પંચની સાથે HRA એટલે કે House Rent Allowance (મકાન ભાડા ભથ્થું)ના દરો પણ રિવાઈઝ  કરાય છે. છઠ્ઠાં પગાર પંચમાં House Rent Allowanceના દર હતા 30% (X શહેર), 20% (Y શહેર), 10% (Z શહેર). સાતમાં પગાર પંચમાં તેને ફરીથી રિવાઈઝ કરાયા અને દરો ક્રમશ: 24%, 16%, 8% નક્કી કરાયા પરંતુ જેવું DA 50% પર પહોંચ્યું કે ફરીથી HRA વધારીને 30%, 20% અને 10% કરી દેવાયું. તેનો અર્થ એ થયો કે HRA ના દરો DA અને બેઝિક પે જોડે સીધી લિંક ધરાવે છે. આથી જ્યારે આઠમું પગાર પંચ લાગૂ થશે તો સરકાર HRA ના દરોને એકવાર ફરીથી બેઝિક પે અને DA ના સ્ટ્રક્ચર મુજબ રિવ્યૂ કરશે. 

નવી ગણતરીથી વધશે HRA રકમ
આઠમાં પગાર પંચમાં ફિટમેન્ટ ફેક્ટરને 1.92 સુધી વધારવાની ચર્ચા છે. તેનો અર્થ એ થયો કે કર્મચારીઓનો હાલનો બિઝિક સેલરીને 1.92 સાથે ગુણીને નવો પે બેસ નક્કી કરાશે. દાખલા તરીકે જો હાલ બેઝિક સેલરી ₹30,000 હશે તો નવો પગાર ₹30,000 × 1.92 = ₹57,600 હશે. આવામાં HRA ની ગણતરી પર નવા બેઝિક પર થશે, જેનાથી HRA રકમ પણ વધશે. 

કેમ રિવાઈઝ થાય છે HRA દરો?

1. મોંઘવારી અને ભાડામાં વધારો
મોંઘવારીની સાથે સાથે ભાડું પણ વધે છે. આથી બેલેન્સ કરવા માટે સરકાર HRA માં વધારો કરે છે. 

2. બેઝિક પે સ્ટ્રક્ચરમાં ચેન્જ
પગાર પંચ બાદ બેઝિક પે સ્ટ્રક્ચર બદલાય છે. જૂના HRA દરો નવા બેઝ પર ફિટ થતા નથી. આથી તેમને પણ રિવાઈઝ કરવા જરૂરી બને છે. 

3. શહેરોની શ્રેણીમાં ફેરફાર
સરકાર સમયાંતરે X, Y અને Z શહેરોની યાદીને અપડેટ કરે છે. જેનાથી HRA પર અસર પડે છે. જો કોઈ શહેરની કેટેગરી બદલાય છે તો  ત્યાંના કર્મચારીઓનું HRA સીધુ પ્રભાવિત થાય છે. 

શું આઠમાં પગાર પંચમાં બદલાશે HRA ના દર?
એક્સપર્ટ્સનું માનીએ તો નવા પગાર પંચમાં HRA ના દરો બદલાવવાની શક્યતા ઘણી વધુ છે. દર વખતે નવું પગાર પંચ લાગૂ થવાની સાથે HRA દરો પણ ફરીથી નિર્ધારિત થાય છે. હાલના સમયમાં HRA 30%, 20%, અને 10% હતું. ચર્ચા છે કે તેને પણ રિવાઈઝ કરવામાં આવી શકે છે અને ડીએ સાથે લિંક રાખવામાં આવશે. તેનાથી કર્મચારીઓના હાથમાં તો પૈસા વધશે જ પરંતુ સાથે સાથે DA ના 25 ટકા અને 50 ટકા થવાથી તેના રિવિઝનની પણ જોગવાઈ રહેશે. જે હજુ પણ છે.