ગુજરાતમાં મોટી જવાબદારી મળતા જ AAP ના નેતા ભરાયા, CBI એ પાડી રેડ

CBI Raid : ગુજરાત વિધાનસભા ચૂંટણી 2027ને લઈને રાજકીય પક્ષોની ગતિવિધિઓ તેજ થઈ ગઈ છે. ગુજરાતમાં આમ આદમી પાર્ટીએ પોતાની રાજકીય ચાલ શરૂ કરતાની સાથે જ રાજકારણમાં નવો વળાંક આવ્યો છે. આવામાં ગુજરાતમાં આપ દ્વારા મોટી જવાબદારી મળતા જ AAP નેતા અને વ્યૂહરચનાકાર દુર્ગેશ પાઠકના દિલ્હીના નિવાસસ્થાન પર CBI એ દરોડા પાડ્યા હતા. 

સૂત્રોના જણાવ્યા અનુસાર, આ કાર્યવાહી ફોરેન કોન્ટ્રીબ્યુશન રેગ્યુલેશન એક્ટ (એફસીઆરએ) સંબંધિત એક કેસના સંદર્ભમાં કરવામાં આવી છે. જો કે, AAP નેતાઓએ તેને ષડયંત્ર ગણાવીને કેન્દ્ર સરકાર અને ભાજપ પર સીધો પ્રહાર કર્યો છે.

FCRA ભંગ બદલ સીબીઆઈના દરોડા
સીબીઆઈની ટીમ ગુરુવારે સવારે દિલ્હીમાં દુર્ગેશ પાઠકના ઘરે પહોંચી અને કેટલાય કલાકો સુધી તેની શોધખોળ કરી. કહેવામાં આવી રહ્યું છે કે આ દરોડા વિદેશી ફંડિંગ સંબંધિત કેસની તપાસના ભાગરૂપે પાડવામાં આવ્યા છે.

ना डरूंगा, ना झुकूंगा। pic.twitter.com/mh5WQLm0st

— Durgesh Pathak (@ipathak25) April 17, 2025

ભાજપ ગુજરાતમાં સક્રિયતાથી ડરે છે
CBIની આ કાર્યવાહી પર આમ આદમી પાર્ટીએ આકરી પ્રતિક્રિયા આપી છે. પાર્ટીના વરિષ્ઠ નેતા મનીષ સિસોદિયાએ ટ્વિટર પર લખ્યું, "CBI દરોડો ત્યારે થયો જ્યારે દુર્ગેશ પાઠકને ગુજરાત ચૂંટણી 2027ની જવાબદારી સોંપવામાં આવી! આ કોઈ સંયોગ નથી, પરંતુ ભાજપના ડરમાંથી જન્મેલું ષડયંત્ર છે. ભાજપ જાણે છે કે ગુજરાતમાં હવે માત્ર AAP જ તેમને પડકાર આપી શકે છે - અને આ ડર તેમને સતાવી રહ્યો છે.

'રાજકીય રણનીતિને પ્રભાવિત કરવાનો પ્રયાસ'
AAP નેતાઓનું કહેવું છે કે દુર્ગેશ પાઠક દિલ્હી મ્યુનિસિપલ કોર્પોરેશનની ચૂંટણીમાં શાનદાર વ્યૂહરચના માટે જાણીતા છે અને હવે ગુજરાતની જવાબદારી મળતાં જ સીબીઆઈના દરોડા રાજકીય વેરથી પ્રેરિત છે.

ગુજરાતની ચૂંટણી પહેલા કાર્યવાહી પર ઉઠ્યા પ્રશ્નો
આમ આદમી પાર્ટી (AAP) એ ગુજરાત વિધાનસભાની ચૂંટણીની તૈયારીઓ શરૂ કરી હોવાથી, સેન્ટ્રલ બ્યુરો ઑફ ઇન્વેસ્ટિગેશન (CBI) એ પાર્ટીના વરિષ્ઠ નેતા અને ગુજરાતના સહ-પ્રભારી દુર્ગેશ પાઠકના દિલ્હીના નિવાસસ્થાને દરોડા પાડ્યા હતા. આ અંગે પાર્ટીએ ભારતીય જનતા પાર્ટી (BJP) પર રાજકીય ષડયંત્ર રચવાનો આરોપ લગાવ્યો છે.

गुजरात चुनाव 2027 की ज़िम्मेदारी मिलते ही दुर्गेश पाठक @ipathak25 के घर पर CBI रेड!
ये कोई इत्तेफाक नहीं, ये बीजेपी की डर से निकली हुई साज़िश है।

BJP जानती है कि गुजरात में अब सिर्फ़ आम आदमी पार्टी ही उन्हें चुनौती दे सकती है — और इस सच्चाई ने उन्हें हिला दिया है।

डर की गूंज,…

— Manish Sisodia (@msisodia) April 17, 2025

આતિશીએ ટ્વિટ કરી  
ભૂતપૂર્વ મુખ્ય પ્રધાન આતિશીએ X (અગાઉ ટ્વિટર) પર લખ્યું, "જેમ કે આમ આદમી પાર્ટીએ ગુજરાત ચૂંટણીની તૈયારીઓ શરૂ કરી, સીબીઆઈ દુર્ગેશ પાઠકના ઘરે પહોંચી. માત્ર AAP ગુજરાતમાં ભાજપને પડકાર આપી શકે છે અને આ દરોડો તેમની નિરાશા દર્શાવે છે. આટલા વર્ષો પછી પણ ભાજપ સમજી શક્યું નથી કે અમે તેમની ધમકીઓથી ડરવાના નથી."

એક્સાઇઝ પોલિસી કેસમાં અગાઉ પણ સવાલો સામે આવ્યા છે
ગયા વર્ષે દિલ્હી એક્સાઈઝ પોલિસી કેસમાં દુર્ગેશ પાઠકનું નામ સીબીઆઈની ચાર્જશીટમાં આવ્યું હતું. સીબીઆઈ દ્વારા દાખલ કરવામાં આવેલી પ્રારંભિક એફઆઈઆરમાં તેમનું નામ ન હોવા છતાં, એન્ફોર્સમેન્ટ ડિરેક્ટોરેટ (ઈડી) એ આ કેસમાં બે વાર પૂછપરછ માટે તેમને સમન્સ પણ મોકલ્યા હતા.

AAPના ઘણા મોટા નેતાઓ પર આરોપ લાગ્યા છે
CBIની ચાર્જશીટમાં AAPના વડા અને મુખ્યમંત્રી અરવિંદ કેજરીવાલ, પૂર્વ ઉપમુખ્યમંત્રી મનીષ સિસોદિયા, કોમ્યુનિકેશન ઈન્ચાર્જ વિજય નાયર, તેલંગાણાના MLC કે કવિતા સહિત ઘણા નેતાઓના નામ સામેલ છે.