બિહારના દરભંગામાં એક વ્યક્તિએ પ્રધાનમંત્રી મોદી વિરુદ્ધ અપશબ્દો કહ્યાં હતા. આ મામલામાં બિહાર પોલીસે કાર્યવાહી કરી છે.
)
દરભંગાઃ કોંગ્રેસની સભામાં પીએમ મોદીને ગાળો આપવાના મામલામાં દરભંગા પોલીસે રફીક ઉર્ફ રાજાની ધરપકડ કરી છે. દરભંગાના અતરબેલમાં રેલી દરમિયાન મંચ પરથી પીએમ મોદીને અપશબ્દો કહેવામાં આવ્યા હતા. આ કાર્યક્રમ યુથ કોંગ્રેસ સાથે જોડાયેલા મોહમ્મદ નૌશાદે આયોજીત કર્યો હતો. વિવાદ થયા બાદ નૌશાદે માફી માંગી હતી. તેમનું કહેવું છે કે કોઈ બહારની વ્યક્તિએ મંચ પરથી પીએમ માટે અભદ્ર ભાષાનો ઉપયોગ કર્યો હતો.
પીએમ મોદીને અપશબ્દ કહેવાની ઘટના બાદ ભાજપના એક પ્રતિનિધિમંડળે દરભંગાના કોતવાલી પોલીસ સ્ટેશનમાં ફરિયાદ નોંધાવી હતી. સોશિયલ મીડિયા પર વાયરલ વીડિયો કથિત રીતે દરભંગા જિલ્લાનો છે, જ્યાંથી બુધવારે સવારે યાત્રા શરૂ થઈ હતી, જ્યારે રાહુલ ગાંધી, પ્રિયંકા ગાંધી વાડ્રા અને રાષ્ટ્રીય જનતા દળના નેતા તેજસ્વી યાદવ મોટરસાયકલ પર મુઝફ્ફરપુર માટે રવાના થયા હતા.
આ ઘટના પર પ્રતિક્રિયા આપતા, નાયબ મુખ્યમંત્રી અને બિહાર ભાજપ એકમના ભૂતપૂર્વ પ્રમુખ સમ્રાટ ચૌધરીએ કહ્યું, "ભીડનું વર્તન આરજેડીના ગુંડાગીરી જેવું હતું. અને કોંગ્રેસ સત્તાની આંધળી ઇચ્છામાં બેકાબૂ વર્તન સહન કરે છે." આ વીડિયો ક્લિપ એક નાના સ્ટેજની છે જ્યાં કોઈ અગ્રણી નેતા હાજર નહોતા, પરંતુ એક વ્યક્તિ માઈક પર અપશબ્દોનો ઉપયોગ કરી રહ્યો હતો, જેને સાંભળી શકાય છે પણ જોઈ શકાતો નહોતો અને ત્યાં ઉભેલા લોકોએ આ વ્યક્તિને ઠપકો આપ્યો હતો.
