રેલ્વે કર્મચારીઓ માટે મોટા સમાચાર, હવે આ યોજના દ્વારા મળશે 1 કરોડ રૂપિયાનો લાભ

Railway Employees Benefit: ભારતીય રેલ્વે કર્મચારીઓ માટે એક મહત્વપૂર્ણ સમાચાર છે. હવે સ્ટેટ બેંક ઓફ ઈન્ડિયા (SBI) માં પગાર ખાતું ધરાવતા કર્મચારીઓને 1 કરોડ રૂપિયાનો આકસ્મિક મૃત્યુ કવર મળશે. આ સુવિધા રેલ્વે અને SBI વચ્ચેની ભાગીદારી હેઠળ પૂરી પાડવામાં આવી રહી છે. આ સુવિધા રેલ્વે અને SBI વચ્ચેની ભાગીદારી હેઠળ પૂરી પાડવામાં આવી રહી છે, જેનો ઉદ્દેશ્ય કર્મચારીઓને વધારાની સુરક્ષા અને તેમના પરિવારોને નાણાકીય સહાય પૂરી પાડવાનો છે.

શું છે વિગત

આ નવા લાભ હેઠળ, જો કોઈ કર્મચારીનું કોઈપણ પ્રકારના અકસ્માતમાં મૃત્યુ થાય છે, તો તેના પરિવારને 1 કરોડ રૂપિયા સુધીનું કવર મળશે. રેલ્વે મંત્રાલય દ્વારા જાહેર કરાયેલી એક પ્રેસ નોટ અનુસાર, આ કરાર હેઠળ, SBIમાં પગાર ખાતું ધરાવતા રેલ્વે કર્મચારીઓ માટે વીમા કવરેજમાં ભારે સુધારો કરવામાં આવ્યો છે. આ પગલું SBI અને રેલ્વે બંને દ્વારા કર્મચારીઓના કલ્યાણ માટે એક મહત્વપૂર્ણ પહેલ માનવામાં આવી રહ્યું છે. રેલવે, માહિતી અને પ્રસારણ, ઇલેક્ટ્રોનિક્સ અને માહિતી ટેકનોલોજી મંત્રી અશ્વિની વૈષ્ણવ, રેલવે બોર્ડના અધ્યક્ષ સતીશ કુમાર અને SBIના અધ્યક્ષ CS શેટ્ટીની હાજરીમાં આ MoU પર હસ્તાક્ષર કરવામાં આવ્યા હતા.

શું છે નિયમ

તમને જણાવી દઈએ કે કેન્દ્રીય સરકારી કર્મચારી જૂથ વીમા યોજના (CGEGIS) હેઠળ આવરી લેવામાં આવતા ગ્રુપ A, B અને C કર્મચારીઓ માટે આકસ્મિક મૃત્યુ માટે વીમા લાભ વર્તમાન 1.20 લાખ રૂપિયા, 60,000 રૂપિયા અને 30,000 રૂપિયાથી વધારીને 1 કરોડ રૂપિયા કરવામાં આવ્યો છે. 

રેલવે મંત્રાલયના જણાવ્યા અનુસાર, આ કરાર હેઠળના કેટલાક મુખ્ય વીમા કવરમાં 1.60 કરોડ રૂપિયાનો હવાઈ અકસ્માત વીમો (મૃત્યુ) કવરેજ અને RuPay ડેબિટ કાર્ડ પર 1 કરોડ રૂપિયા સુધીનો વધારાનો કવરેજ, 1 કરોડ રૂપિયાનો વ્યક્તિગત અકસ્માત (કાયમી સંપૂર્ણ અપંગતા) કવરેજ અને 80 લાખ રૂપિયા સુધીનો વ્યક્તિગત અકસ્માત (કાયમી આંશિક અપંગતા) કવરેજનો સમાવેશ થાય છે. 

SBIમાં પગાર ખાતું ધરાવતા રેલવે કર્મચારીઓ હવે 10 લાખ રૂપિયાના મફત કુદરતી મૃત્યુ વીમા કવરેજ માટે પાત્ર છે. મંત્રાલયે જણાવ્યું હતું કે આ માટે કોઈ પ્રીમિયમ અથવા તબીબી તપાસની જરૂર નથી.