બિહારઃ કોંગ્રેસ ઓફિસ પર આઈટીના દરોડા, કારમાં મળ્યા 8 લાખ રૂપિયા, સુરજેવાલાની પૂછપરછ કરાઈ

પટનાઃ આવકવેરા વિભાગની ટીમે બિહારની રાજધાની પટનામાં કોંગ્રેસ ઓફિસ સદાકત આશ્રમમાં દરોડા પાડ્યા છે. આવકવેરા વિભાગને અહીં પર એક કારમાં 8 લાખ રૂપિયા મળ્યા છે. આ મામલામાં કોંગ્રેસ નેતા રણદીપ સુરજેવાલા અને બિહારના પ્રભાવી શક્તિ સિંગ ગોહિલની પૂછપરછ કરવામાં આવી છે. 

આઈટીની ટીમે કોંગ્રેસ ઓફિસમાં નોટિસ લગાવી દીધી છે. તો શક્તિ સિંહ ગોહિલે કહ્યુ કે, મને ખબર નથી કે કોના પૈસા છે. જાણકારી અનુસાર આઈડીની રેડ આશરે એક કલાક ચાલી હતી. 

આવકવેરા વિભાગે આ મામલામાં એક વ્યક્તિને ઝડપ્યો છે. તેણે પોતાના નિવેદનમાં કહ્યું કે, પૈસા પટનામાં કોઈને આપવાના હતા. આવકવેરા વિભાગે કોંગ્રેસ પાસે આ મામલે જવાબ માગ્યો છે. આઈટીએ કોંગ્રેસને સવાલ કર્યો કે, ફંડ ક્યાંથી આવ્યું અને ક્યા નેતાએ ઝડપાયેલા વ્યક્તિને પૈસા આપ્યા. 

They served notice after money was recovered from a vehicle outside the compound. No money recovered within the compound. We'll cooperate. 22 kg gold, 2.5 kg silver was recovered from BJP candidate from Raxaul. Why is IT not going there?: Congress' Bihar incharge Shaktisinh Gohil https://t.co/uxJyWmi3pF pic.twitter.com/EOYYis3zy3

— ANI (@ANI) October 22, 2020

શક્તિ સિંહ ગોહિલનો આવકવેરા વિભાગ પર પ્રહાર
તો શક્તિ સિંગ ગોહિલે આવકવેરા વિભાગને નિશાના પર લીધું છે. તેમણે કહ્યુ કે, પરિસરની બહાર એક ગાડીમાંથી પૈસા જપ્ત થયા બાદ આવકવેરા વિભાગે નોટિસ આપી છે. પરિસરની અંદરથી પૈસા મળ્યા નથી. અમે સહયોગ કરીશું. 

કોંગ્રેસ નેતાએ કહ્યું કે રક્સૌલથી ભાજપના ઉમેદવાર પાસેથી 22 કિલો સોનું, 2.5 કિલો ચાંદી જપ્ત થઈ છે. આવકવેરા વિભાગ ત્યાં કેમ જતું નથી.

કોંગ્રેસ ઓફિસમાંથી કેશ જપ્ત થયા બાદ રાજકીય નિવેદનબાજી શરૂ થઈ ગઈ છે. બિહારના પૂર્વ મુખ્યમંત્રી જીતનરા માંઝીએ કહ્યુ કે, સરકાર બન્યા પહેલા જ મહાગઠબંધનના નેતા લૂટફાટ કરવામાં લાગ્યા છે. આવકવેરા વિભાગ મહાગઠબંધનના નેતાઓેને ત્યાં દરોડા પાડે, ત્યાં અબજો રૂપિયા મળશે.