ભાજપ સાંસદની બહેન સાથે સાસરિયામાં મારપીટ, સ્નાન કરતો વીડિયો બનાવવાનો આરોપ, ચાકૂથી પણ કર્યો હુમલો

ફર્રૂખાબાદઃ ફર્રૂખાબાદથી ભાજપના સાંસદ મુકેશ રાજપૂતની બહેન રીના સિંહે પોતાના સાસરી પક્ષ પર મારપીટનો આરોપ લગાવ્યો છે. ત્યારબાદ રીના સિંહે આ મામલામાં પોલીસ ફરિયાદ દાખલ કરાવી છે. રીના સિંહે પોતાની ફરિયાદમાં આરોપ લગાવતા કહ્યું કે તેના દિયર રાજેશ અને તેના સસરા લક્ષ્મણ સિંહે તેને જાનથી મારી નાખવાની ધમકી આપી છે, એટલું જ નહીં સસરા અને દિયરે મળી તેના પર હુમલો પણ કર્યો છે. તેણે કથિત રીતે અપશબ્દો પણ કર્યાં છે. લાલકીથી મારવાનો એક વીડિયો વાયરલ થઈ રહ્યો છે.

સાંસદ મુકેશ રાજપૂતની બહેન રીના સિંહે તે પણ દાવો કર્યો કે જ્યારે તે રવિવારે બપોરે પોતાના બાથરૂમમાં સ્નાન કરી રહી હતી ત્યારે ત્યાં તેના સસરા અને દિયર આવ્યા અને તે બંનેએ મળીને વીડિયો બનાવવાનો પ્રયાસ કર્યો હતો. જ્યારે તેણે સસરા અને દિયરની આ હરકતનો વિરોધ કર્યો તો તે લોકોએ ગાળો આપવાનું શરૂ કર્યું, ત્યારબાદ મારપીટ કરી હતી.

આ પણ વાંચોઃ મોટા ઓનલાઈન દેહવેપાર રેકેટનો પર્દાફાશ, સેક્સ વેબસાઈટોનો આ રીતે થતો ઉપયોગ

રીના સિંહના ગંભીર આરોપ
રીના સિંહે પોતાના દાવામાં આગળ કહ્યું કે સસરા લક્ષ્મણ સિંહે પોતાની લાયસન્સવાળી રાઇફલ કાઢી કહ્યું કે તને ગોળી મારી દઈશ. રીના સિંહે પોતાના દિયર પર આરોપ લગાવ્યો કે તેણે ધારદાર ચાકૂથી હુમલો કર્યો અને લોખંડના રોડથી માર માર્યો હતો. ત્યારબાદ રીનાને હાથમાં ઈજા થઈ છે. રીનાએ પોલીસમાં જે ફરિયાદ દાખલ કરાવી છે તેમાં કહ્યું કે હુમલા બાદ તેને સતત ધમકીઓ આપવામાં આવી રહી છે.

પોલીસમાં ફરિયાદ દાખલ કરાવી
અધિકારીઓએ જાણકારી આપી કે ભાજપના સાંસદ મુકેશ રાજપૂતની બહેને પોતાના સાસરીપક્ષ પર મારપીટનો આરોપ લગાવતા પોલીસમાં ફરિયાદ નોંધાવી છે. તેનો આરોપ છે કે તેની સાથે દુર્વ્યવહાર કરવામાં આવ્યો અને શારીરિક અને માનસિક ઉત્પીડન કરવામાં આવ્યું. આ કેસમાં, સહવર પોલીસ સ્ટેશનના ઇન્ચાર્જ (SHO) ચમન ગોસ્વામીએ માહિતી આપી હતી કે મળેલી ફરિયાદના આધારે, લક્ષ્મણ સિંહ, રાજેશ અને ગિરીશ વિરુદ્ધ FIR નોંધવામાં આવી છે. તેમણે વધુમાં કહ્યું કે કેસની તપાસ હજુ પણ ચાલુ છે. ગુનેગારો સામે કાયદા હેઠળ કડક કાર્યવાહી કરવામાં આવશે.